ಮಂಗಳೂರು: ಇರ್ತಲೆ ಹಾವು ಮಾರಾಟ ಮಾಡಲು ಬಂದಿದ್ದ ಮೂವರನ್ನು ಮಂಗಳೂರಿನ ಪಣಂಬೂರು ಪೊಲೀಸರು ಬಂಧಿಸಿದ್ದು, ಹಾವನ್ನು ಹಾಗೂ ಬಳಸಿದ ವಾಹನವನ್ನು ವಶಕ್ಕೆ ಪಡೆದು ತನಿಖೆ ನಡೆಸುತ್ತಿದ್ದಾರೆ.ಪುತ್ತೂರಿನ ಅನ್ವರ್(30),ಕನಕಪುರ ಉಪ್ಪಾರ ಪೇಟೆಯ ವೆಂಕಟೇಶ್(27),ಕೇರಳ ತಿರುವನಂತಪುರಂ ನಿವಾಸಿ ಗಜಾಧರನ್(67) ಬಂಧಿತರು.
ಜ.5ರಂದು ರಾತ್ರಿ ಕೂಳೂರು ಹೆದ್ದಾರಿ ಸಮೀಪ ಗಿರಾಕಿಗಾಗಿ ಕಾಯುತ್ತಿದ್ದಾಗ ಖಚಿತ ಮಾಹಿತಿ ಮೇರೆಗೆ ಪಣಂಬೂರು ಪೊಲೀಸರು ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾದರು.ಬೆಂಗಳೂರು ಮೂಲದ ವ್ಯಕ್ತಿಯೊಬ್ಬ ಸೂಚನೆಯಂತೆ ಈ ಮೂವರು ಹಾವು ಮಾರಾಟ ಮಾಡಲು ಮಂಗಳೂರಿಗೆ ಬಂದಿದ್ದರು ಎನ್ನಲಾಗಿದೆ. ಅಂತರಾಷ್ಟ್ರಿಯ ಮಾರುಕಟ್ಟೆಯಲ್ಲಿ ಈ ಹಾವಿನ ಮೌಲ್ಯ 1ರಿಂದ 2 ಲ.ರೂ ಬೆಲೆಯಿದೆ ಎನ್ನಲಾಗಿದೆ.ಪಣಂಬೂರು ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.
