ಕುಂದಾಪುರಾಂತ್ ಲೂರ್ದ್ ಸಾಯ್ಬಿಣಿಚ್ಯಾ ಫೆಸ್ತಾಚೆಂ ಆಚರಣ್

ಕುಂದಾಪುರ್, ಫೆ.11: ಫೆಬ್ರವರಿಚ್ಯಾ ಸಾಂಜೆರ್ ಕುಂದಾಪುರ್ ರೊಜಾರ್ ಸಾಯ್ಬಿಣಿಚ್ಯಾ ಫಿರ್ಗಜೆಂತ್ ಲೂರ್ದ್ ಸಾಯ್ಬಿಣಿಚೆ ಫೆಸ್ತ್ ಆಚರ್ಸಿಲೆ. ಸಾಂಜೆರ್ ಫಿರ್ಗಜೆಚೊ ಸಭಾರ್ ಭಕ್ತಿಕ್ ಲೂರ್ದ್ ಸಾಯ್ಬಿಣಿಚ್ಯಾ ಗ್ರೊಟ್ಟೊ ಮುಕಾರ್ ಹೆಂ ಭಕ್ತಿಕ್ ಕಾರ್ಯೆ ಚಲ್ಲೆಂ.

 

ಸುರ್ವೆರ್ ಮಾಗ್ಣೆ ವಾಚಪ್ ನಿಯಾಳಾ ಸವೆಂ ಮರಿಯೆಚೊ ತೇರ್ಸ್ ಚಲ್ಲೊ. ಉಪ್ರಾಂತ್ ಖುರ್ಸಾ ಸವೆಂ, ಪೆಟಲ್ಲೊ ವಾತಿ ಘೆಂವ್ನ್ ಇಗರ್ಜೆಚ್ಯಾ ಮುಖ್ಲ್ಯಾ ರಸ್ತ್ಯಾರ್ ಭೊಂವಾಡೊ ಮಾರ್ನ್ ಪರತ್ ಗ್ರೊಟ್ಟೊ ಮುಖಾರ್ ಯೆತೆರ್ ವಿಗಾರ್ ಬಾಪ್ ಮಾ|ಅನೀಲ್ ಸೋಜಾನ್ ಪ್ರಸಂಗ್ ದಿಲೊ ‘ತೊ ಕಿತೆಂ ಸಾಂಗ್ತಾ, ತಶೆಂ ತುಮಿ ಕರಾ’ ಮ್ಹಣನ್ ಕಾನಾ ಶಹರಾಂತ್ ಅಶ್ಚರ್ಯೆಂ ಕರ್ನ್ ಹೆರಾಂಕ್ ಉಪ್ಕಾರ್ ಕರ್ಚ್ಯಾ ಖಾತಿರ್ ಜೆಜುಕ್ ಪ್ರೇರಣ್ ದಿಲ್ಲಿ ಮರಿ ಮಾಯೆನ್ ಜಾವ್ನಾಸಾ, ಆಜ್ ಜೆಜು ಲೂರ್ದ್ ಮಾಯೆ ಮುಖಾಂತರ್ ಅಶೆಂ ಸಾಂಗ್ತಾ, ತುಮಿ ಮಾಗ್ಣೆ ದಾನ್ ಧರ್ಮ್, ದಯಾಳಾಯೆಚಿ, ಉಪ್ಕಾರ್ ಕರ್ಚಿಂ ಕರ್ನ್ಯೊ ಕರಿಜೆ ಮ್ಹಣನ್ ಜೆಜು ಆಮ್ಕಾಂ ಸಾಂಗ್ತಾ ತಶೆಂ ತುಮಿ ಹ್ಯಾ ಕರ್ಜೆಮಾಂತ್ ಕರಿಜೆ’ ಮ್ಹಣನ್ ತಾಣಿ ಪ್ರಸಂಗಾಂತ್ ಕಳಯ್ಲೆಂ.

ಹ್ಯಾ ವೇಳಾ ಯಾಜಕ್ ಬಾಪಾನಿಂ ಪೀಡೆಸ್ತಾಂ ಖಾತಿರ್ ವಿಶೇಸ್ ಮಾಗ್ಣೆ ಕೆಲೆಂ ಆನಿ ಭಕ್ತಿಕಾಂಚ್ಯಾ ಮಾತ್ಯಾರ್ ಹಾತ್ ಧವರ್ನ್ ಭಲಾಯ್ಕೆಚೆಂ ಆಶಿರ್ವಾದ್ ಪಾಠಯ್ಲೆಂ.

ಸಾಂಕ್ರಾಮೆಂತಾಚೆ ಆರಾಧಾನ್ ಚಲ್ತೆರ್ ಸಾಂಕ್ರಾಮೆಂತಾಚೆ ಆಶಿರ್ವಾದ್ ಪಾಟಯ್ಲೆಂ. ಸಹಾಯಕ್ ಯಾಜಕ್ ಬಾ|ಪ್ರಕಾಶ್ ಸೋಜ್ ಆನಿ ಪ್ರಿನ್ಸಿಪಾಲ್ ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹ್ಯಾ ಭಕ್ತಿಕ್ ಕಾರ್ಯಾಂತ್ ಭಾಗ್ ಘೆತ್ಲೊ.

ಹೆಂ ಕಾರ್ಯೆ ಫಿರ್ಗಜೆಚ್ಯಾ ಲೂರ್ದ್ ವಾಡ್ಯಾಗಾರಾನಿಂ ಮಾಂಡುನ್ ಹಾಡ್ಲೆ. ವಾಡ್ಯಾಚೊ ಗುರ್ಕಾರ್ ವಾಲ್ಟರ್ ಡಿಸೋಜಾನ್ ಧನ್ಯವಾದ್ ಪಾಟಯ್ಲೆಂ.

---

---

---

More News

---