ಮಂಗಳೂರು: ದ.ಕ. ಜಿಲ್ಲೆಯಲ್ಲಿ ಜಿಲ್ಲಾ ಪಂಚಾಯತ್ ಚುನಾವಣೆಗೆ ಸಲ್ಲಿಕೆಯಾದ ಎಲ್ಲ ನಾಮಪತ್ರಗಳು ಕ್ರಮಬದ್ಧವಾಗಿವೆ. ಆದ್ರೆ, 5 ತಾಲೂಕು ಪಂಚಾಯತ್ಗಳಿಗೆ ಸಲ್ಲಿಕೆಯಾದ ಒಟ್ಟು ನಾಮಪತ್ರಗಳ ಪೈಕಿ 7 ನಾಮಪತ್ರಗಳು ತಿರಸ್ಕೃತವಾಗಿವೆ.ದ.ಕ. ಜಿ.ಪಂ.ನ 36 ಸ್ಥಾನಗಳಿಗೆ ಒಟ್ಟು 210 ನಾಮಪತ್ರಗಳು ಸ್ವೀಕೃತವಾಗಿದ್ದವು.
ಕೆಲವು ಅಭ್ಯರ್ಥಿಗಳು ಎರಡೆರಡು ನಾಮಪತ್ರ ಸಲ್ಲಿಸಿರುವುದನ್ನು ಬೇರ್ಪಡಿಸಿ, ಪ್ರಸಕ್ತ 184 ನಾಮಪತ್ರಗಳು ಕ್ರಮಬದ್ಧವಾಗಿವೆ. 5 ತಾಲೂಕುಗಳ 136 ತಾ.ಪಂ. ಸ್ಥಾನಗಳಿಗೆ ಒಟ್ಟು 562 ನಾಮಪತ್ರ ಸಲ್ಲಿಕೆಯಾಗಿದ್ದು, ಎರಡೆರಡು ನಾಮಪತ್ರ ಬೇರ್ಪಡಿಸಿದ ಬಳಿಕ 7 ನಾಮಪತ್ರಗಳನ್ನು ತಿರಸ್ಕರಿಸಿ 524 ನಾಮಪತ್ರಗಳು ಇದೀಗ ಕ್ರಮಬದ್ಧವಾಗಿವೆ.ಫೆ. 8 ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನಾಂಕವಾಗಿತ್ತು. ಮಂಗಳವಾರ ನಾಮಪತ್ರ ಪರಿಶೀಲನೆ ನಡೆದಿದ್ದು, ಫೆ. 11 ನಾಮಪತ್ರ ಹಿಂದೆಗೆದುಕೊಳ್ಳಲು ಅಂತಿಮ ದಿನವಾಗಿತ್ತು.