ಕುಂದಾಪುರ್, ಮಾ. 30: ಕುಂದಾಪುರ್ ಇಗರ್ಜೆಚ್ಯಾ ಉಗ್ತ್ಯಾ ಮಯ್ದನಾರ್ ಸಕಾಳಿ ಇಗರ್ಜೆಚ್ಯಾ ಗ್ರೊಟ್ಟೊ ಮುಕಾರ್ ತಾಳಿಯೊ ಬೆಂಜಾರಾಚೆ ಕಾರ್ಯೆ ಚಲ್ಲೆಂ. ಹ್ಯಾ ಕಾರ್ಯಾಕ್ ಬೆಂಗ್ಳುರ್ಚೊ ಯಾಜಾಕ್ ಮಾ|ಐವನ್ ಡಿಸಿಲ್ವಾ ಹೆಂ ಮುಖೇಲ್ ಸಯ್ರೆ ಜಾವ್ನಾಸ್ಲೆಂ. ಹೆಂ ಮಾಗ್ಣ್ಯಾ ವಿಧಿ ಸಂಪ್ತೆರ್ ಪವಿತ್ರ್ ಕೆಲ್ಯೊ. ಹೆಂ ಪವಿತ್ರ್ ಕೆಲ್ಲ್ಯೊ ತಾಳಿಯೊ ಅನಿ ಖುರಿಸ್ ಘೆಂವ್ನ್ ಇಗರ್ಜೆ ಬಾಯ್ಲ್ಯಾ ರಸ್ತ್ಯಾರ್ ಪುರ್ಶಾಂವ್ ಕಾಡ್ಲೊ.
ಉಪ್ರಾಂತ್ ದೇವ್ ಮಂದಿರಾಂತ್ ತಾಳಿಯಾಂಚ್ಯಾ ಆಯ್ತಾರಾಚಿ ಮಾಗ್ಣ್ಯಾ ವಿದಿ ಸವೆಂ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ವಿಗಾರ್ ಮಾ|ಬಾ|ಅನೀಲ್ ಡಿಸೋಜಾನ್ ‘ಭಾಗೆವೊಂತ್ ಹಪೆÇ್ತ ಆರಂಭ್ ಜಾಲಾ, ತೊ ಆಮಿ ಭಾಗೆವಂತ್ ಪಣಿ ಪಾಳಿಜೆ’ ಮ್ಹಣನ್ ಸಂದೇಶ್ ದಿಲೊ. ಸೈಂಟ್ ಮೇರಿಸ್ ಜೂ.ಕಾಲೇಜಿಚೊ ಪ್ರಿನ್ಸಿಪಾಲ್ ಮಾ| ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಆನಿ ಮಾ|ಬಾ|ಪಾವ್ಲ್ ಪ್ರಕಾಶ್ ಹಾಣಿ ಹ್ಯಾ ಕಾರ್ಯಾಂತ್ ವಾಂಟೊ ಘೆತ್ಲೊ.
ಹ್ಯಾ ಕಾರ್ಯಾಕ್ ಅನೇಕ್ ಧರ್ಮ್ ಭಯ್ಣ್ಯೊ ಆನಿ ಬೋವ್ ವ್ಹಡ್ ಸಂಖ್ಯಾನ್ ಭಕ್ತಿಕ್ ಲೋಕ್ ಹಾಜರ್ ಆಸ್ಲೊ.