ಕುಂದಾಪುರ್,ಮಾ.27: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಪಾಸ್ಕಾ ಫೆಸ್ತಾಚೊ ಧಬಾಜೊ ವ್ಹಡಾ ಸಂಭ್ರಮಾನ್ ಚಲ್ಲೊ. ಹೆಂ ದಬಾಜಿಕ್ ಭಕ್ತಿಕ್ ಕಾಮಾ ಚಾರ್ ಭಾಗಾನಿಂ ಚಲ್ಲೆಂ. ಪಯ್ಲೊ ಭಾಗ್ ಜಾಂವ್ನ್ ಸಾಂಜೆಚ್ಯಾ ಸಾತ್ ವೊರಾರ್ ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಪಾಸ್ಕಾಚ್ಯಾ ವಾತಿಕ್ ಕಿಳೆಂ ತೊಪುನ್, ತಿ ವಾತ್ ನವ್ಯಾಉಜ್ಯಾನ್ ಪೆಟಾವ್ನ್ ಪಾಸ್ಕಾಚೊ ಸಂಕೇತ್ ದಿಲೊ. ಹೆಂ ಕಾಯೆ೯೦ ಕುಂದಪುರ್ಚೆ ವಿಗಾರ್ ಮಾ|ಬಾ| ಅನೀಲ್ ಡಿಸೋಜ್ ಹಾಣಿ ಚಲವ್ನ್ ವೆಲೆಂ.
ಪಾಸ್ಕಾಚ್ಯಾ ವಾತಿ ಥಾವ್ನ್ ಭಕಿಕಾನಿಂ ವಾತಿ ಪೆಟಾಂವ್ನ್ ಘೆವ್ನ್ ಇಗರ್ಜೆ ಭಿತರ್ ವೆತೆರ್ ಮಾಗ್ಣ್ಯಾ ವಿಧಿ ಚಲ್ಲಿ. ಹ್ಯಾ ಮಾಗ್ಣ್ಯಾ ವಿಧಿಚೆಂ ಮುಖೇಲ್ಪಣ್ ಸಹಾಯಕ್ ವಿಗಾರ್ ಮಾ|ಬಾ|ಪಾವ್ಲ್ ಪ್ರಕಾಶ್ ಡಿಸೋಜಾನ್ ಚಲವ್ನ್ ವೆಲೆಂ. ಉಪ್ರಾಂತ್ ದುಸ್ರೊ ಭಾಗ್ ಜಾವ್ನ್ ದೆವಾಚ್ಯಾ ಉತ್ರಾಂಚೊ ಸಂಭ್ರಮ್ ಚಲ್ಲೊ.
ಸಯ್ರೊ ಯಾಜಕ್ ಮಾ|ಬಾ| ಐವನ್ ಡಿ’ಸೋಜ್ ಹಾಣಿ “ಜೆಜುಚೆ ಜಿವಂತ್ಪಣ್ ಸಮರ್ಪಿತ್ ಜಿಣಿ ಜಾವ್ನಾಸಾ, ಜೆಜುಚ್ಯಾ ಜಿವಂತ್ಪಣಾ ವರ್ವಿಂ ಆಮ್ಚಿ ಜಿಣಿ ಬದ್ಲುಂಕ್ ಉಜ್ವಾಡ್ ಮೆಳ್ಳ್ಯಾ, ಆಮಿ ಬರಿ ಜಿಣಿ ಜಿಯೆಲ್ಯಾರ್ ಮಾತ್ರ್, ಜೆಜುಚ್ಯಾ ಜಿವಂವತ್ಪಣಾಕ್ ಏಕ್ ಖರೊ ಅರ್ಥ್ ಮೆಳ್ತಾ, ದೆಕುನ್ ಆಮ್ಚ್ಯಾ ಜಿಣಿಯೆಂತ್ ಇಲ್ಲಿಶಿ ತರಿ ಬದ್ಲಾವಣ್ ಹಾಡುಂಕ್ ಜಾಯ್” ಮ್ಹಣನ್ ತಾಣಿ ತಾಂಚ್ಯಾ ಪ್ರವಚನಾಂತ್ ಕಳಯ್ಲೆ.
ತಿಸ್ರೊ ಭಾಗಾಂತ್ ಬಾಪ್ ಪ್ರವೀಣ್ ಮಾರ್ಟಿಸಾನ್ ದೆವಾಚ್ಯಾ ಆಶಿರ್ವಾದಾನ್ ಉದಾಕ್ ಪವಿತ್ರ್ ಕೆಲೆಂ. ಬಾಪ್ತಿಜ್ಮಾ ವೇಳಾರ್ ಕೆಲ್ಲಿ ತಿ ಬಾಸವ್ಣಿ ಸಾರ್ವತ್ರಿಕ್ ಜಾವ್ನ್ ನವ್ಯಾನ್ ಕರಯ್ಲಿ. ಚೊವ್ತೊ ಭಾಗ್ಜಾವ್ನ್ ಕ್ರಿಸ್ತ್ ಪ್ರಸಾದಾಚೆ ಪವಿತ್ರ್ ಬಲಿದಾನ್ ಸಂಭ್ರಮಿಕ್ ಥರಾನ್ ಭೆಟಯ್ಲೆ೦.
ವಿಗಾರ್ ಬಾಪಾನ್ ಆಪ್ಲ್ಯಾ ಆನಿ ಹಾಜರ್ ಆಸಲ್ಯಾ ಸರ್ವ್ ಯಾಜಕಾಂಚ್ಯಾ ನಾಂವಿ ಫಿರ್ಗಜೆಚ್ಯಾ ಲೋಕಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೊ ಆನಿ ಹ್ಯಾ ಕಾರ್ಯಾಂತ್ ಕುಮೊಕ್ ಕೆಲ್ಯಾಂಚೊ ಉಪ್ಕಾರ್ ಭಾವುಡ್ಲೊ. ಪವಿತ್ರ್ ಬಲಿದಾನಾ ಉಪ್ರಾಂತ್ ದುರ್ಬಳ್ಯಾ ಭುರ್ಗ್ಯಾಂಚ್ಯಾ ಶಿಕ್ಪಾ ಖಾತಿರ್ ಕಥೊಲಿಕ್ ಸಭೆನ್ ಅಸಾ ಕೆಲ್ಯಾ ಎಲಮಾಂತ್ ಬೊಕ್ರೊ ಎಲಮ್ ಕೆಲೊ.