ಮಂಗಳೂರು: ಮೂಡಬಿದಿರೆ ಸಮೀಪದ ಕಲ್ಲ ಮುಂಡ್ಕೂರು ಮತ್ತು ಪುತ್ತಿಗೆ ಗ್ರಾಮ ಪಂಚಾಯತ್ ನ ಗಡಿಭಾಗದಲ್ಲಿರುವ ಕೈರ್ದಬೆಟ್ಟು ಹಳೆ ನೀರು ಸೇತುವೆಯಡಿಯಲ್ಲಿ ಅನಾಥವಾಗಿ ನವಜಾತ ಹೆಣ್ಣು ಶಿಶುವೊಂದು ಗುರುವಾರ ಪತ್ತೆಯಾಗಿದೆ.
ಮಗು ಪತ್ತೆಯಾದ ಕೂಡಲೇ ಸ್ಥಳೀಯರು ಮೂಡಬಿದಿರೆ ಪೊಲೀಸರಿಗೆ ಹಾಗೂ ಶಿಶು ಅಭಿವೃದ್ಧಿ ಇಲಾಖೆಯ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೆ ಸ್ಥಳಕ್ಕಾಗಮಿಸಿದ ಅಧಿಕಾರಿಗಳು ಮಗುವನ್ನು ರಕ್ಷಿಸಿ ಮಗುವಿನ ಪೋಷಕರಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ.
