Friday 29th, March 2024
canara news

ಕುಂದಾಪುರ್ ಕಥೊಲಿಕ್ ಸಭೆಚೊ ವಾರ್ಷಿಕ್ ದೀಸ್- ‘ಕೊಣಯ್ ಕಾಂಯ್ ಉಣ್ಯಾರ್ ನಾ’ ನಾಟಕ್ ಪ್ರದರ್ಶನ್

Published On : 25 Apr 2016   |  Reported By : Bernard J Costa


ಕುಂದಾಪುರ್, ಎ.25: ಕುಂದಾಪುರ್ ಕಥೊಲಿಕ್ ಸಭಾ ಘಟಕಾನ್ ಆಪ್ಲೊ ವಾರ್ಷಿಕ್ ದಿವಸ್ 24 ವೇರ್ ಅಯ್ತಾರಾ, ಸಕಾಳಿ ವಿಗಾರ್ ಮಾ|ಬಾ|ಬಾ|ಅನೀಲ್ ಸೋಜಾಚ್ಯಾ ಪ್ರಧಾನ್ ಯಾಜಕ್ಪಣಾರ್ ಪವಿತ್ರ್ ಬಲಿದಾನ್ ಭೆಟಯ್ಲೆಂ.ಮಾ|ಬಾ|ಪ್ರಕಾಶ್ ಪಾವ್ಲ್ ಸೋಜಾನ್ ಸಹ ಭೆಟವ್ಣಿ ಕೆಲಿ, ಲಿತುರ್ಜಿ ಕಠೊಲಿಕ್ ಸಭೆಚ್ಯಾ ಸಾಂದ್ಯಾನಿಣ್ ಚಲೊನ್ ವೆಲಿ.

ಸಾಂಜೆರ್ ವೇದಿ ಕಾರ್ಯೆ ಚಲ್ಲೆಂ. ಹ್ಯಾ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ವಿಗಾರ್ ಮಾ|ಬಾ|ಬಾ|ಅನೀಲ್ ಸೋಜಾನ್ ದಿವೊ ಪೆಟಾಂವ್ನ್ ಕಾರ್ಯೆ ಉಗ್ತಾವಣ್ ಕೆಲೆಂ. ಥೊಡ್ಯಾ ದಿಸಾಂ ಪಯ್ಲೆಂ ಕಥೊಲಿಕ್ ಸಭೆನ್ ಆಸಾ ಕೆಲ್ಯಾ ಖೆಳ್ ಪಂದ್ಯಾಟ್ ವಿಜೇತಾಂಕ್ ಇನಾಮ್ ವಾಂಟ್ಲಿ. ದಾದ್ಲ್ಯಾಂಚ್ಯಾ ಕ್ರಿಕೆಟ್ ಖೆಳಾಚಿ ಚಾಂಪಿಯೆನ್ ಟ್ರೋಪಿ ಶ್ರೀಶೆಸನಾನ್(ವಸಂತ ಬೇಕರಿ) ಲೂರ್ಡ್ಸ್ ವಾಡ್ಯಾಗಾರಾಂಕ್, ರನ್ನರ್ಸ್‍ಅಪ್ ಟ್ರೋಪಿ, ಫಾತಿಮಾ ವಾಡ್ಯಾಗಾರಾಂಕ್ ಲೆನ್ನಿ ಕ್ರಾಸ್ಟೊನ್, ಬಾಯ್ಲಾಂಚಿ ತ್ರೋ ಬಾಲ್ ಮೆಚಾಚಿ ಚಾಂಪಿಯೆನ್ ಟ್ರೋಪಿ ಪೀಟರ್ ಡಿಆಲ್ಮೇಡಾನ್ ಲೂರ್ಡ್ಸ್ ವಾಡ್ಯಾಗಾರಾಂಕ್ ರನ್ನರ್ಸ್‍ಅಪ್ ಟ್ರೋಪಿ ಮಾರ್ಕ್ ಡಿಸೋಜಾನ್ ಫಾತಿಮಾ ವಾಡ್ಯಾಗಾರಾಂಕ್ ಫಾವೊ ಕೆಲಿ.ಪಂದ್ಯಾಟಾಂತ್ ಭಾಗ್ ಘೆತಲ್ಯಾ ಸರ್ವ್ ವಾಡ್ಯಾಚ್ಯಾ ಪಂಗ್ಡಾಕ್ ಮಾನ್ ಕೆಲೊ.

ಉಡುಪಿ ದಿಯೆಸಿಜ್ ನಿಯೋಜಿತ್ ಅಧ್ಯಕ್ಷ್ ಆಲ್ವಿನ್ ಕ್ವಾಡರ್ಸಾನ್ ಕಥೊಲಿಕ್ ಸಭೆಚೊ ಧೇಯ್ಯ್ ಕಾರ್ಯಾಂ ವಿಶಿಂ ಆಮ್ಚ್ಯಾ ಕ್ರಿಸ್ತಾಂಚಿ ಪ್ರಸ್ತೂತ್ ಪರಿಸ್ಥಿತಿ ವಿವರಿಲಿ. ಕುಂದಾಪುರ್ ವಾರಾಡೊ ಅಧ್ಯಕ್ಷ್ ಫ್ಲಾಯ್ವನ್ ಡಿಸೋಜಾನ್ ಕಥೊಲಿಕ್ ಸಭೆಂತ್ ಮೆಳೊನ್ ಸಂಘಟಿತ್ ಥರಾನ್ ವಾವ್ರ್ ಕರಿಜೆ ಮ್ಹಣನ್ ಸಂದೇಶ್ ದಿಲೊ.

ಕಾರ್ಯಾಚೊ ಅಧ್ಯಕ್ಷ್ ಮಾ|ಬಾ|ಬಾ|ಅನೀಲ್ ಸೋಜಾನ್ ‘ಆಮಿ ಹ್ಯಾ ಸಭೆಂತ್ ಮೆಳ್ಯಾರ್ ಮಾತ್ರ್ ಪಾವಾನಾ, ಕಥೊಲಿಕ್ ಸಭೆಚ್ಯಾ ಧೇಯ್ಯ ಖಾಲ್ ಸೇವಾ,ತ್ಯಾಗ್ ಎಕ್ವಟಾನ್ ಬೊರಿ ಕಾಮಾ ಕರ್ನ್ ಸಮಾಜೆಚ್ಯಾ ಬೊರೆ ಪಣಾಕ್ ಪ್ರಯತ್ನ್ ಕರಿಜೆ ಮ್ಹಣ್ತಾಂ, ‘ಕಥೊಲಿಕ್ ಸಭಾ ಕುಂದಾಪುರ್ ಘಟಕಾನ್ ಪಯ್ಲ್ಯಾ ಪಾವ್ಟಿಂ ವ್ಹಡ್ ಏಕ್ ಕಾರ್ಯೆ ಮಾಂಡುನ್ ಹಾಡ್ಲಾ ಮ್ಹಣ್ತಾ ಶಾಭಾಸ್ಕಿ ಪಾಟಯ್ತ್ ಸಾಂಜೆಚ್ಯಾ ಸಾಂಸ್ಕ್ರತಿಕ್ ಕಾರ್ಯಾಕ್ ಬರೆಂ ಮಾಗ್ಲೆ.

ಫಿರ್ಗಜ್ ಗೊವ್ಳಿಕ್ ಮಂಡಳಿ ಉಪಾಧ್ಯಕ್ಷ್ ಜಾನ್ಸನ್ ಆಲ್ಮೇಡಾ, ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಸಾಂಸ್ಕ್ರತಿಕ್ ಸಂಚಾಲಕ್ ಜೇಕಬ್ ಡಿಸೋಜಾ ವೇದಿರ್ ಹಾಜರ್ ಆಸ್ಲೆಂ.

ಸಾಂಸ್ಕ್ರತಿಕ್ ಕಾರ್ಯಾಕ್ ಕಥೊಲಿಕ್ ಸಭೆ ಖಾತಿರಚ್ ರಚ್ಲೊ ‘ಕೊಣಯಿ ಕಾಂಯ್ ಉಣ್ಯಾರ್ ನಾ’ ನಾಟಾಕ್ ಬರವ್ನ್ ನಿರ್ದೇಶನ್ ಕೆಲ್ಯಾ ಖ್ಯಾತ್ ಬರಯ್ಣಾರ್ ಬನಾ೯ಡ್ ಜೆ. ಕೊಸ್ತಾಕ್ ಘಟಕಾ ತರ್ಫೆನ್ ಸನ್ಮಾನ್ ಕೆಲೊ. ಸಾಮಾಜಿಕ್ ಕಾಣ್ಯೆಚೊ, ಜೊಕ್ತೊ, ಪ್ರಭಾವ್ ಭರಿತ್ ಸಂದೇಶಾಚೊ, ಹಾಸ್ಯ್‍ಮಯಾನ್ ಭರ್ಲೊಲೊ ಹೊ ನಾಟಕ್ ಕಲಾಕಾರಾನಿಂ ಉತ್ತಿಮ್ ಪ್ರದರ್ಶನ್ ದಿಂವ್ನ್ ಲೊಕಾಂಚಿ ಮನಾಂ ಜಿಕೊಂಕ್ ಸಕ್ಲೊ. ಪಾಸ್ಕಲ್ ಡಿಸೋಜಾ, ಪ್ರಮಿತಾ ಡಿಸೋಜಾ, ಗೊಡ್ಫ್ರಿ ಡಿಸೋಜಾನ್ ಪದಾಂ ಗಾಯ್ಲಿ.

ಕಥೊಲಿಕ್ ಸಭೆಚ್ಯಾ ಸ್ತೀಯಾಂಚ್ಯಾ ಪ್ರಾರ್ಥನ್ ಗಿತಾಂ ದ್ವಾರಿ ಕಾರ್ಯೆ ಆರಂಭ್ ಜಾಲೆಂ. ಘಟಾಕಾಚೊ ಅಧ್ಯಕ್ಷ್ ವಿಲ್ಸನ್ ಆಲ್ಮೇಡಾನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ಶೈಲಾ ಆಲ್ಮೇಡಾನ್ ಧನ್ಯವಾದ್ ಪಾಟಯ್ಲೆಂ. ಸಭಾ ಕಾರ್ಯೆ ವಿಲ್ಸನ್ ಒಲಿವೇರಾನ್ ಚಲವ್ನ್ ವೆಲೆಂ.




More News

ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ

Comment Here