ಕುಂದಾಪುರ್,ಎ. 29: ಸಭಾರ್ ವರ್ಸಾಂ ಥಾವ್ನ್ ಆಸಲ್ಯಾ ಕುಂದಾಪುರ್ ಲೂರ್ಡ್ಸ್ ಮಾಯೆಚ್ಯಾ ಗ್ರೊಟ್ಟೊಚಿ ಇಮಾಜ್ ಕುಂದಾಪುರ್ ಫಿರ್ಗಜೆಚ್ಯಾ ಯಾಜಕಾಂಚೆ ಘರ್ ಆನಿ ಹೇರ್ ಯೋಜನಾಚ್ಯಾ ಕಾರಾಣಾಕ್ ಲಾಗೊನ್ ತತ್ಕಾಲಿಕ್ ಸ್ಥಳಾಂತರ್ ಕರ್ನ್ ಪ್ರತಿಸ್ಠಾಪನ್ ಕೆಲಿ.
ಹಾಚೆಂ ಮುಖೆಲ್ಪಣ್ ಫಿರ್ಗಜೆಚೊ ಪ್ರಧಾನ್ ಯಾಜಕ್ ಮಾ|ಅನೀಲ್ ಸೋಜಾನ್ ಚಲವ್ನ್ ವೆಲೆಂ. ‘ಸಭಾರ್ ವರ್ಸಾಂ ಥಾವ್ನ್ ಆಮಿ ಹ್ಯಾ ಹ್ಯಾಲೂರ್ಡ್ಸ್ ಮಾಯೆಚ್ಯಾ ಗ್ರೊಟ್ಟೊ ಮುಖಾರ್ ಮಾಗ್ಣೆ ಕರ್ನ್ ಆಯ್ಲ್ಯಾಂವ್, ಆತಾಂ ಕಾರಾಣಾಂತರ್ ಹಿ ಇಮಾಜ್ ಸ್ಥಳಾಂತರ್ ಕರ್ತಾಂವ್, ಲೂರ್ಡ್ಸ್ ಮಾಯೆಚಿ ಭಕ್ತ್ ಸಂಸಾರ್ ಭರ್ ಲೋಕ್ ಆಚರಣ್ ಕರ್ತಾಂ, ಲೂರ್ಡ್ಸ್ ಶಹರಾಂತ್ ಲೋಕ್ ತಿಚೆಂ ಲಾಗಿಂ ಮಾಗೊಂಗ್ ಹಾರಿಂ ಹಾರಿನಿಂ ಯೆತಾಂ, ಆಮಿಯಿ ತಾಚಿ ಭಕ್ತ್ ಆನಿಕಿ ಚಡ್ ಮಾಫಾನ್ ಆಮ್ಚೆ ಥಂಯ್ ವಾಡಾಂವ್ಯಾ ಅನಿ ಮಾಗ್ಣೆ ಕರ್ಯಾಂ, ತಿಚೆಂ ಬೆಸಾಂವ್ ಆಮ್ಕಾಂ ಲಾಭ್ತೆಲೆಂ’ ಮ್ಹಣನ್ ಹ್ಯಾ ವೇಳಾರ್ ವಿಗಾರಾನಿ ಸಂದೇಶ್ ದಿಲೊ.
ತತ್ಕಾಲಿಕ್ ನವ್ಯಾ ಜಾಗ್ಯಾರ್ ಇಮಾಜ್ ಪ್ರತಿಸ್ಠಾನ್ ಕೆಲ್ಯಾ ಉಪ್ರಾಂತ್ ರೊಜಾರ್ ಮಾಯೆಚೊ ತೇರ್ಸ್ ಕೆಲೊ. ಹ್ಯಾ ಕಾರ್ಯಾಕ್ ಸಭಾರ್ ಭಕ್ತಿಕ್ ಲೋಕ್ ಹಾಜರ್ ಆಸ್ಲೊ, ಸಹಾಯಕ್ ವಿಗಾರ್ ಮಾ|ಪಾವ್ಲ್ ಪ್ರಕಾಶ್ ಸೋಜ್, ಆನಿ ಜೂ.ಕಾಲೇಜಿಚೆ ಪ್ರಿನ್ಸಿಪಾಲ್ ಮಾ| ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್, ಉಪಾಧ್ಯಕ್ಷ್ ಜಾನ್ಸನ್ ಆಲ್ಮೇಡಾ, ಕಾರ್ಯದರ್ಶಿ ಫೆಲ್ಸಿಯಾನ್ ಡಿ ಸೋಜಾ ಹಾಜರ್ ಆಸ್ಲಿ.