Thursday 28th, March 2024
canara news

ಕುಂದಾಪುರ್ ಫಾತಿಮಾ ವಾಡ್ಯಾಗಾರಾಚೆಂ ಫೆಸ್ತ್- ಚಡ್ ಜಣಾನಿಂ ಭಾಗ್ ಘೆಂವ್ನ್ ದಾಖ್ಲೊ

Published On : 23 May 2016   |  Reported By : Bernard J Costa


ಕುಂದಾಪುರ್, ಮೆ. 23: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಫಾತಿಮಾ ವಾಡ್ಯಾಗಾರಾನಿಂ ಹ್ಯಾಚ್ ಆಯ್ತಾರಾ 22 ವೇರ್, ವಾಡ್ಯಾಗಾರ್ ಸರ್ವಾಂ ಮೆಳೊನ್ ಆಪ್ಲಿ ಪಾತ್ರಿಣ್ ಫಾತಿಮಾ ಸಾಯ್ಬಿಣಿಚೆ ಫೆಸ್ತ್ ಆಚರಣ್ ಕೆಲೆಂ.

ಸಕಾಳಿ ಮಾ|ಬಾ|ಅನೀಲ್ ಸೋಜಾಚ್ಯಾ ಪ್ರಧಾನ್ ಯಾಜಕ್ಪಣಾ ಖಾಲ್ ಪವಿತ್ರ್ ಬಲಿಧಾನ್ ಭೆಟಯ್ಲೆಂ. ದಿಯೊಕೊನ್ ರೋಶನ್ ಡಿಸೋಜಾ (ಫಾತ್ತಿಮಾ ವಾಡ್ಯಾಚೊ) ಹಾಣಿ ಸಹ ಭೆಟವ್ಣಿ ಕೆಲಿ.

ಸಾಂಜೆರ್ ಲಿಯೊನಿಲ್ಲಾ ಕ್ರಾಸ್ಟೊ ಹಾಂಚ್ಯಾ ಘರಾ ವಾಡ್ಯಾಗಾರಾಂಚೆ ಸಹಮಿಲನ್ ಜಾಲೆಂ. ಹ್ಯಾ ಸಹ ಮಿಲನಾಂತ್ 130 ವ್ಹಯ್ರ್ ವಾಡ್ಯಾಗಾರ್ ಸಂಗಾತಾ ಮೆಳೊನ್ ಫಿರ್ಗಜ್ ಮಟ್ಟಾರ್ ಸಕ್ಕಡ್ ವಾಡ್ಯಾಗಾರಾಂ ವರ್ನಿ ಚಡ್ ಜಣಾನಿಂ ಭಾಗ್ ಘೆಂವ್ನ್ ದಾಖ್ಲೊ ರಚ್ಲೊ.

ವಿಗಾರ್ ಮಾ|ಬಾ|ಅನೀಲ್ ಸೋಜಾನ್ “ಫಾತಿಮಾ ವಾಡೊ ಎಕ್ ವ್ಹಡ್ ವಾಡೊ ತಶೆಂ ತಾಲೆಂತ್ ಭರಿತ್ ವಾಡೊ, ವಾಡ್ಯಾಚೆ ಫೆಸ್ತ್ ಆಚರಣ್ ಕೆಲ್ಯಾ ವರ್ವಿಂ ತಾಲೆಂತಾ ಉಜ್ವಾಡಾಕ್ ಯೆತಾತ್, ಎಕ್ವಟ್ ಮಾಯಾ ಮೋಗ್ ಚಡ್ತಾ’ ಮ್ಹಣನ್ ಅಭಿನಂದನ್ ಪಾಠಾಯ್ಲೆಂ.

ಮಾ|ಬಾ|ಪಾವ್ಲ್ ಪ್ರಕಾಶ್ ಹಾಣಿ “ವಾಡ್ಯಾಗಾರಾಂ ಥಂಯ್ ಎಕ್ವಟ್ ಮೋಗ್, ಚಡ್ಚ್ಯಾ ಖಾತಿರ್ ವಾಡ್ಯಾಗಾರಾನಿಂ ಫೆಸ್ತ್ ಆಚರಣ್ ಕರುಂಕ್ ಹಾಂವೆ ಉತ್ತೇಜನ್ ದಿಲ್ಲೆಂ ತೆಂ ಸುಫಳ್ ಜಾಂವ್ನ್ ಆಯ್ಲ್ಯಾ.’ ಮ್ಹಣನ್ ಸಂತೋಸ್ ವ್ಯೆಕ್ತ್ ಕೆಲೊ.

ಲ್ಹಾನಾಂಕ್ ಆನಿ ವ್ಹಡಾಂಕ್ ಸರ್ವಾಂಕ್ ಚುಟುಕ್ (ಮಟ್ವೆ) ಖೇಳ್ ಪಂದ್ಯಾಟ್ ಆಸಾ ಕೆಲ್ಲೆಂ. ತಾಚಿಂ ಇನಾಮಾ ಸಿಸ್ಟರ್ ಪ್ರೆಸಿಲ್ಡಾ, ಉಪಾಧ್ಯಕ್ಷ್ ಜಾನ್ಸನ್ ಆಲ್ಮೇಡಾ, ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಗುರ್ಕಾರ್ ವಿಲಿಯಮ್ ಡಿಸೋಜಾ, ಫಿರ್ಗಜ್ ಪ್ರೇರಕ್ ಕಾರ್ಯದರ್ಶಿ ಎಲಿಜಾಬೆತ್ ಡಿಸೋಜಾ, ಪ್ರತಿನಿಧಿ ಸ್ಟ್ಯಾನಿ ಒಲಿವೇರಾ, ಲಿಯೊನಿಲ್ಲಾ ಕ್ರಾಸ್ಟೊ ಹಾಣಿ ಸಂದೇಶ್ ಪಾಠವ್ನ್ ಇನಾಮಾ ವಾಂಟ್ಲಿ. ಮನೋರಂಜನ್ ಕಾರ್ಯೆ ಜಾವ್ನ್ ಭುರ್ಗ್ಯಾಂನಿ ನ್ರತ್ಯ ಪ್ರದರ್ಶನ್ ಕೆಲೆಂ.

‘ಉತರ್ ಪ್ರಾಯೆರ್ ವ್ಹಡಿಲಾಂಕ್ ಸಾರ್ಕೆಂ ಪಳೆನಾಸ್ತಾಂ, ತಾಂಕಾ ಆಸ್ರ್ಯಾಂತ್ ಸೊಡ್ಚೆಂ ಸಾರ್ಕೆಂ ನ್ಹಯ್ ಮ್ಹಣನ್ ದಾಖಂವ್ಚ್ಯಾ ಉದ್ದೇಶಾನ್ ಖ್ಯಾತ್ ಬರಯ್ಣಾರ್ ವಾಡ್ಯಾಗಾರ್ ಬರ್ನಾಡ್ ಜೆ.ಕೋಸ್ತಾನ್ ಬರವ್ನ್ ನಿರ್ದೇಶನ್ ಕೆಲ್ಲೊ “ಭುರ್ಗ್ಯಾಂಚೊ ಮೋಗ್’ ಲಿಸಾಂವ್ ಭರಿತ್ ತಶೆಂ ಹಾಸ್ಯ್ ಭರಿತ್ ನಾಟ್ಕುಳೊ ಖೆಳೊನ್ ದಾಖಯ್ಲೊ ತೊ ಸರ್ವಾಂಚ್ಯಾ ಹೊಗ್ಳಿಕೆಕ್ ಪಾತ್ರ್ ಜಾಲೊ.

ಲ್ಹಾನ್ ಸಮುದಾಯ್ ಪ್ರೇರಕಿ ವನಿತಾ ಬಾರೆಟ್ಟೊನ್ ವಾಡ್ಯಾಚಿ ವರದಿ ವಾಚನ್ ಕೆಲಿಂ. ವಿನಯಾ ಡಿಕೋಸ್ತಾನ್ ಕಾರ್ಯೆ ನಿರ್ವಹಣ್ ಕರ್ನ್ ಆಸ್ಮಿತಾ ಕೊರೆಯಾ ಸವೆಂ ಸ್ಪರ್ಧೆ ಚಲವ್ನ್ ವೆಲೆಂ. ವಿನೊದ್     ಕ್ರಾಸ್ಟೊನ್ ಸ್ವಾಗತ್ ಮಾಗ್ಲೊ. ವಿಕ್ಟರ್ ಡಿಸೋಜಾನ್ ಧನ್ಯವಾದ್ ಪಾಟಯ್ಲೆಂ. ಉಪ್ರಾಂತ್ ಜೆವ್ಣಾಚೆ ಕಾರ್ಯೆ ಚಲ್ಲೆಂ.




More News

ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ

Comment Here