ಮಂಗಳೂರು: ಪಡಿತರ ಕಾರ್ಡಿಗೆ ಆಧಾರ್ ನಂಬರನ್ನು ಇನ್ನೂ ಲಿಂಕ್ ಮಾಡದೆ ಇರುವವರಿಗೆ ಪಡಿತರ ಆಹಾರ ಕಡಿತ ಮಾಡುವುದಿಲ್ಲ ಎಂದು ಆಹಾರ ಮತ್ತು ನಾಗರಿಕ ಪೂರೈಕೆ ಸಚಿವ ಯು.ಟಿ.ಖಾದರ್ ಹೇಳಿದ್ದಾರೆ. ಮಂಗಳೂರಿನಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈಗಾಗಲೇ ಪಡಿತರ ಕಾರ್ಡಿಗೆ ಆಧಾರ್ ಲಿಂಕ್ ಮಾಡುವುದಕ್ಕೆ ಎರಡು ಬಾರಿ ಗಡುವು ನೀಡಿದ್ದು, ಕೆಲವೆಡೆ ಪಡಿತರ ಪೂರೈಕೆ ನಿಲ್ಲಿಸುವ ಮಾತು ಕೇಳಿಬಂದಿದೆ.
ಪಡಿತರ ಪೂರೈಸುವುದು ಸರ್ಕರದ ಜವಬ್ದಾರಿ . ಬಡವರು ಅನಿವಾರ್ಯ ಕಾರಣದಿಂದ ಆಧಾರ್ ಲಿಂಕ್ ಮಾಡಲಾಗದಿದ್ದರೆ ಅಂಥವರಿಗೆ ಪಡಿತರ ಆಹಾರ ನಿಲ್ಲಿಸಿದರೆ ತೊಂದರೆಯಾಗುತ್ತದೆ. ಹೀಗಾಗಿ ಪಡಿತರ ನಿಲ್ಲಿಸುವುದು ಬೇಡ ಎಂದು ಸಚಿವರು ಹೇಳಿದ್ದಾರೆ.
