ಮಂಗಳೂರು: ಮಂಗಳೂರು-ಸೋಲಾಪುರ ರಾಷ್ಟ್ರೀಯ ಹೆದ್ದಾರಿ 169ರ ಅಭಿವೃದ್ಧಿಗೆ ಸಂಸದ ನಳಿನ್ ಕುಮಾರ್ ಕಟೀಲು ಅವರ ಮನವಿಗೆ ಸ್ಪಂದಿಸಿದ ಕೇಂದ್ರ ರಾಷ್ಟ್ರೀಯ ಹೆದ್ದಾರಿ ಹಾಗೂ ರಸ್ತೆ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ಒಟ್ಟು 101.13 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಿದ್ದಾರೆ.
ರಾಷ್ಟ್ರೀಯ ಹೆದ್ದಾರಿ ಅಭಿವೃದ್ಧಿ ಯೋಜನೆ 4ರಡಿಯಲ್ಲಿ ಅನುದಾನ ಬಿಡುಗಡೆ ಮಾಡಲಾಗಿದೆ. ಈ ಪೈಕಿ 683 ಕಿ.ಮೀ.ಯಿಂದ 693 ಕಿ.ಮೀ.ವರೆಗೆ 28.45 ಕೋಟಿ ರೂ., 693 ಕಿ.ಮೀ.ಯಿಂದ 706 ಕಿ.ಮೀ.ವರೆಗೆ 39.19 ಕೋಟಿ ರೂ. ಮತ್ತು ರಾಷ್ಟ್ರೀಯ ಹೆದ್ದಾರಿಯ ಅಡ್ಡ ಚರಂಡಿಗಳ ಪುನರ್ ನಿರ್ಮಾಣಕ್ಕೆ 590 ಕಿ.ಮೀ.ಯಿಂದ 610 ಕಿ.ಮೀ.ವರೆಗೆ 23.81 ಕೋಟಿ ರೂ. ಹಾಗೂ 630 ಕಿ.ಮೀ.ಯಿಂದ 640 ಕಿ.ಮೀ.ವರೆಗೆ 9.71 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಲಾಗಿದೆ ಎಂದು ಸಂಸದರು ತಿಳಿಸಿದ್ದಾರೆ.