ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಸಂಭ್ರಮಾಚೆ ಮೊಂತಿ ಫೆಸ್ತ್

ಕುಂದಾಪುರ್,ಸೆ.8: ಕುಂದಾಪುರ್ ಪವಿತ್ರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಸಂಭ್ರಮಾನ್ ಮೊಂತಿ ಫೆಸ್ತಾಚೆ ಆಚರಣ್ ಕೆಲೆಂ. ಸುರ್ವೆರ್ ಇಗರ್ಜೆ ಮೈದಾನಾರ್ ಮರಿಯೆಚ್ಯಾ ಗ್ರೊಟ್ಟೊ ಮುಖಾರ್ ನವೆ ಬೆಳೆ ಭಾತಾಚ್ಯೊ ಕಣ್ಸ್ಯೊ ಆನಿ ಬಾಳೊಕ್ ಮರಿಯೆಚಿ ಸುಂಗಾರಾಯ್ಲಿ ಚೆರೆಲ್ , ವಿಗಾರ್ ಮಾ|ಬಾ|ಅನಿಲ್ ಸೋಜಾ ಹಾಣಿ ಬೆಂಜಾರ್ ಕೆಲೆಂ.

ಉಪ್ರಾಂತ್ ಬಾಳೊಕ್ ಮರಿಯೆಚೆ ಚೆರೆಲ್ ಕಣ್ಸ್ಯೊ ಘೆಂವ್ನ್ ಇಗರ್ಜೆ ಬಾಯ್ಲ್ಯಾ ರಸ್ತ್ಯಾರ್ ಥಾವ್ನ್ ಇಗರ್ಜೆಕ್ ವಠಾರಾಚ್ಯಾ ರಸ್ತ್ಯಾನ್ ಇಗರ್ಜ್ ಮ್ಹಣಾಸರ್ ಭುರ್ಗ್ಯಾಂನಿ ಪುಲಾಂ ಅರ್ಪುನ್, ವ್ಹಡಾನಿಂ ಗಾಯಾನ್ ಗಾಯ್ತ್ ಭಕ್ತಿನ್ ಬ್ಯಾಂಡಾ ದ್ವಾರಿ ಪುರ್ಶಾಂವ್ ಕಾಡ್ಲೊ.

 

 

 ಸಹಾಯಕ್ ವಿಗಾರ್ ಮಾ|ಬಾ|ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ ಹಾಂಚ್ಯಾ ಪ್ರಧಾನ್ ಯಾಜಕ್ಪಣಾಖಾಲ್ ಪವಿತ್ರ್ ಬಲಿದಾನ್ ಭೆಟಯ್ಲೆ ‘ಆವಯ್ಚೊ ಜಲ್ಮ್ ದೆವಾಚೆ ಯೋಜನ್ ಜಾವ್ನಾಸಾ, ಆವಯ್ ಕಿತ್ಲೆಂ ಕಶ್ಟ್ ಆಯ್ಲ್ಯಾರಿ ಭುರ್ಗ್ಯಾಂಚೊ ಪೋಸ್ ಕರ್ತಾಂ, ಹೆಂ ಉಡಾಸ್ ಧವರ್ನ್ ತಿಕಾ, ಪೆಪಾರ್ವೊ ಕರಿನಾಸ್ತಾಂ, ತಾಂಚ್ಯಾ ಉತರ್ ಪ್ರಾಯೆರ್ ಆಮಿ ಜತನ್ ಘೆಜೆ. ಹೆಂ ಕುಟ್ಮಾಚೆಂ ಫೆಸ್ತ್. ಕೋಣ್ ಕಿತ್ಲೊಯಿ ಶ್ರೇಸ್ಟ್ ಜಾಲ್ಯಾರಿ ತೊ ಕುಟ್ಮಾ ಥಾವ್ನ್ ಯೆತಾಂ, ದೆಕುನ್ ಕುಟ್ಮಾಂತ್ ಸದಾಂ ಕುಟ್ಮಾಂತ್ ಎಕ್ವಟಿತ್ ಜಾವ್ನ್ ಆಸಾಜೆ. ಮರಿ ಎಕ್ ಅದರ್ಶ್ ಸ್ತ್ರೀ, ಜೆಜುಚಿ ಮಾತಾ, ದೆಕುನ್ ಚಲಿಯಾನಿಂ ತಿಕಾ ಆದರ್ಶ್ ಜಾವ್ನ್ ವಿಂಚುನ್ ಘೆಜೆ. ದೆವಾನ್ ಆಮ್ಕಾಂ ದಿಲ್ಲಿ ಹಿ ಪ್ರಕ್ರತಿ ಆಮ್ಕಾಂ ಬೆಳೆ ದಿತಾಂ, ದೆಕುನ್ ಆಮಿ ಬೆಳ್ಯಾಚೆ ಫೆಸ್ತ್ ಕರ್ತಾಂವ್, ಅಶೆಂ ಆಸ್ತಾಂ ಆಮಿ ಪ್ರಕ್ರತಿ ವಿನಾಷಾಕ್ ಕಾರಣ್ ಜಾಂವ್ಚಿ ಕಾಮಾ ಕರಿನಾಯೆ’ ಮ್ಹಣನ್ ತಾಣಿ ಸಂದೇಶ್ ದಿಲೊ.

ಸೈಂಟ್ ಮೇರಿಸ್ ಪಿ.ಯು.ಕಾಲೇಜಿಚೆಂ ಪ್ರಿನ್ಸಿಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್, ತಶೆಂ ಗಾಂವಾನ್ ಕುಂದಾಪುರ್ ಫಿರ್ಗಜೆಚೊ ಯಾಜಕ್ ಮನೋಜ್ ಬ್ರಗಾಂಜಾ ಹಾಣಿ ಸಹ ಬಲಿದಾನ್ ಭೆಟಯ್ಲೆಂ.

ಮಿಸಾ ಉಪ್ರಾಂತ್ ಭುರ್ಗ್ಯಾಂಕ್ ಕೊಬು ವಾಂಟ್ಲೊ ತರ್, ಯಾಜಾಕಾಂನಿ ಸಾಂ.ಜುಜೆ ಕಾನ್ವೆಟಾಂತ್ ಪಾರ್ಕಿಂಗ್ ಕೆಲ್ಯಾ, ಫಿರ್ಗಜ್ ಗಾರಾಂಚಿ ವಾಹನಾಂ ಬೆಂಜಾರ್ ಕೆಲಿ. ಹ್ಯಾ ಬಲಿದಾನ ವೇಳಾರ್ ಗೊವ್ಳಿಕ್ ಮಂಡಳೆಚೊ ಉಪಾಧ್ಯಕ್ಷ್ ಕಾರ್ಯದರ್ಶಿ ಜೋನ್ಸನ್ ಆಲ್ಮೇಡಾ, ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಸಾಂದೆ, ಅನೇಕ್ ಧರ್ಮ್ ಭಯ್ಣ್ಯೊ, ತಶೆಂ ಬೋವ್ ವ್ಹಡ್ ಸಂಖ್ಯಾನ್ ಭಕ್ತಿಕ್ ಲೋಕ್ ಹಾಜರ್ ಆಸ್ಲೊ, ವಿಗಾರ್ ಬಾಪಾನಿ ಫೆಸ್ತಾಚೆ ಶುಭಾಶಯ್ ಪಾಠಯ್ಲೆಂ.

---

---

---

More News

---