ಸಂತ ಮೇರಿಸ್ ಪ.ಪೂ.ಕಾಲೇಜ್ ಕುಂದಾಪುರ ತಾಲೂಕು ಥ್ರೊ ಬಾಲ್‍ನಲ್ಲಿ ಹ್ಯಾಟ್ರಿಕ್ ಸಾಧನೆ

Published On : 14 Sep 2016 | Reported By : Bernard J Costa

ಕುಂದಾಪುರ, ಸೆ.14: ಪದವಿ ಪೂರ್ವ ಹಾಗೂ ವ್ರತ್ತಿ ಶಿಕ್ಷಣ ಇಲಾಖೆ ಉಡುಪಿ ಇವರ ಆಶ್ರಯದಲ್ಲಿ ವೆಂಕಟರಮಣ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ನೆಡೆದ ಕುಂದಾಪುರ ತಾಲೂಕು ಮಟ್ಟದ ಥ್ರೊ ಬಾಲ್ ಕೂಟದಲ್ಲಿ ಕುಂದಾಪುರದ ಸಂತ ಮೇರಿಸ್ ಪದವಿ ಪೂರ್ವ ಕಾಲೇಜಿನ ಬಾಲಕಿಯರ ವಿಭಾಗದಲ್ಲಿ ಚಾಂಪಿಯೆನ್ ಪ್ರಶಸ್ತಿಯನ್ನು ಪಡೆಯಿತು. ಈ ತಂಡ ಮೂಲಕ ಜಿಲ್ಲಾ ಮಟ್ಟ ಕೂಟಕ್ಕೆ ಆಯ್ಕೆಗೊಂಡಿತು.

ಸಂತ ಮೇರಿಸ್ ಪದವಿ ಪೂರ್ವ ಕಾಲೇಜು ಬಾಲಕಿಯರ ವಿಭಾಗದಲ್ಲಿ ತಾಲೂಕು ಮಟ್ಟದಲ್ಲಿ ಸತತವಾಗಿ ಮೂರನೆ ಭಾರಿ ಚಾಂಪಿಯೆನ್ ಪಟ್ಟವನ್ನು ಪಡೆದು ಹ್ಯಾಟ್ರಿಕ್ ಸಾಧನೆ ಮೆರೆದಿದೆ. ಈ ಸಂದರ್ಭದಲ್ಲಿ ಪ್ರಾಂಶುಪಾಲ ವ|ಧರ್ಮಗುರು ಪ್ರವೀಣ್ ಅಮ್ರತ್ ಮಾರ್ಟಿಸ್, ಸಂಚಾಲಕರಾದ ಧರ್ಮಗುರು ಅನಿಲ್ ಡಿಸೋಜಾ ಶುಭ ಹಾರೈಸಿದ್ದಾರೆ. ಶಿಕ್ಷಕ ವಸಂತ ಶೆಟ್ಟಿ ತರಬೇತಿ ನೀಡಿ ಈ ತಂಡವನ್ನು ಅಣಿಗೊಳಿಸಿದ್ದರು.

ಇದೆ ಕೂಟದಲ್ಲಿ ಬಾಲಕಿಯರ ವಿಭಾಗದಲ್ಲಿ ಆರ್.ಎನ್.ಶೆಟ್ಟಿ ಪ.ಪೂ. ಕಾಲೇಜ್ ದ್ವೀತಿಯ ಸ್ಥಾನ ಪಡೆಯಿತು. ಬಾಲಕರ ವಿಭಾಗದಲ್ಲಿ ಸರಕಾರಿ ಪ.ಪೂ.ಕಾಲೇಜ್ ಚಾಂಪಿಯೆನ್ ಪ್ರಶಸ್ತಿ ಪಡೆದರೆ, ಎಸ್.ವಿ.ಗಂಗೊಳ್ಳಿ ಕಾಲೇಜ್ ದ್ವೀತಿಯ ಸ್ಥಾನವನ್ನು ಪಡೆಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವೆಂಕಟರಮಣ ಕಾಲೇಜಿನ ಪ್ರಾಂಶುಪಾಲರಾದ ನಾಗೇಶ್ ಶ್ಯಾನುಭಾಗ್ ವಹಿಸಿದ್ದು, ಮುಖ್ಯ ಅತಿಥಿಯಾಗಿ ವಸಂತ ಬಂಗೇರ ಆಗಮಿಸಿದ್ದರು.