ಕುಂದಾಪುರ್ ಅ.7: ಉಡುಪಿ ದಿಯೆಸಿಜೆಚಿ ಮಲ್ಘಡಿ ಇಗರ್ಜ್ 445 ವರ್ಷಾಂ ಪುರಾತನ್ ಚಾರಿತ್ರಿಕ್ ಇತಿಹಾಸ್ ಆಸ್ಲ್ಯಾ ರೊಜಾರ್ ಮಾಯೆಚ್ಯಾ ಇಗರ್ಜೆ ರೊಜಾರ್ ಸಾಯ್ಬಿಣಿಚೆ ತಾರೀಕೆಚೆ ಫೆಸ್ತ್, ಭಕ್ತಿನ್ ತಶೆಂ ಗದ್ದಾಳಾಯೆನ್ ಆಚರ್ಸಿಲೆಂ.
ತ್ರಾಸಿ ಡಾನ್ ಬಾಸ್ಕೊ ಶಿಕ್ಷಣ್ ಸಂಸ್ಥೆಚೊ ಪ್ರಾಂಶುಪಾಲ್ ಮಾ| ಬಾಪ್ ಮ್ಯಾಕ್ಷಿಮ್ ಡಿಸೋಜಾ ಹಾಂಚ್ಯಾ ಪ್ರಧಾನ್ ಯಾಜಕ್ಪಣಾ ಖಾಲ್ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ‘ಆಮ್ಚ್ಯಾ ಜಿಣಿಯೆಂತ್ ಮರಿಯೆ ಮಾಯೆಕ್ ಫಾವೊತೊ ಸ್ಥಾನ್ ಮಾನ್ ದಿಜೆ. ಮರಿಯೆ ಮಾಯೆನ್ ಆಮ್ಕಾಂ ಕೊಂತ್ ದಿವ್ನ್ ಆಮ್ಚ್ಯಾ ಬಚಾವೆ ಪಾಸೊತ್ ತೆರ್ಸಾಚೆಂ ಭಕ್ತಿಪಣ್ ಶಿಕಯ್ಲ್ಯಾ. ಹ್ಯಾ ತೆರ್ಸಾ ವರ್ವಿಂ ಝುಜ್ಯಿ ಜಿಕ್ಲ್ಯಾ ಮ್ಹಣನ್ ದಾಖ್ಲೊ ಆಸಾ. ಮರಿಯೆ ಮಾಯೆಚೊ ತೇರ್ಸ್ ಭಕ್ತಿಪಣ್ ಅಮಿ ಕುಟ್ಮಾಂತ್ ಸದಾಂಚ್ ಕರುಂಕ್ ಜಾಯ್. ತೆದ್ನಾ ಆಮ್ಕಾಂ ಮರಿಯೆ ಮಾಯೆ ಬರೆಂ ಕರ್ತಾಂ, ಆನಿ ಬಚಾವಿ ಮೆಳ್ತಾ’ ಮ್ಹಣನ್ ತಾಣಿ ಸಂದೇಶ್ ದಿಲೊ.
ಸಹಾಯಕ್ ವಿಗಾರ್ ಮಾ|ಬಾ|ಜೆರಾಲ್ಡ್ ಸಂದೀಪ್ ಡಿಮೆಲ್ಲೊನ್ ಸಹ ಭೆಟಂವ್ಣಿ ಅರ್ಪಿಲಿ, ವಿಗಾರ್ ಮಾ|ಬಾ|ಅನಿಲ್ ಸೋಜಾನ್ ಬಲಿದಾನಾಂತ್ ವಾಂಟೊ ಘೆಂವ್ನ್ ಫೆಸ್ತಾಚೆ ಶುಭಾಷಯ್ ಪಾಠಾಯ್ಲೆಂ.
ಹ್ಯಾ ಫೆಸ್ತಾ ಸಂದರ್ಭಿ ಗೊವ್ಳಿಕ್ ಮಂಡಳೆಚೊ ಉಪಾಧ್ಯಕ್ಷ್, ಸಾಂದೆ, ಧರ್ಮ್ ಭಯ್ಣೊ ಆನಿ ವ್ಹಡಾ ಸಂಖ್ಯಾನ್ ಭಕ್ತಿಕ್ ಹಾಜರ್ ಆಸ್ಲೊ. ಭಕ್ತಿಕಾಂಕ್ ಉಪಹಾರ್ ಆಸಾ ಕೆಲ್ಲೊ.