ಕುಂದಾಪುರ್ ಕೊಸೆಸಾಂವ್ ವಾಡ್ಯಾಚೆಂ ಫೆಸ್ತ್ ಆಚರಣ್

Published On : 14 Dec 2016 | Reported By : Bernard J Costa

ಕುಂದಾಪುರ್, ಆಯ್ತಾರಾ 11 ತಾರೀಕೆರ್ ಕೊಸೆಸಾಂವ್ ವಾಡ್ಯಾಗಾರಾನಿಂ ಮೆಳೊನ್ ಕುಂದಾಪುರ್ ದೇವ್ ತೆಂಪ್ಲಾತ್ ಮೆಳೊನ್ ಆಪ್ಲಿ ಪಾತ್ರೊನ್ ಕೊಸೆಸಾಂವ್ ಸಾಯ್ಬಿಣಿಕ್ ಅರ್ಗಾಂ ಜಾವ್ನ್ ವಿಗಾರ್ ಬಾಪ್ ಮಾ|ಬಾ|ಅನಿಲ್ ಸೋಜಾಚ್ಯಾ ಪ್ರಧಾನ್ ಯಾಜಕ್ಪಣಾ ಖಾಲ್ ಅರ್ಗಾಂ ಬಲಿದಾನ್ ಭೆಟಯ್ಲೆ. ಥೊಡ್ಯಾಚ್ ದಿಸಾಂ ಉಪ್ರಾಂತ್ ಯಾಜಕ್ಪಣ್ ಆಪ್ಣಾಂವ್ಚೊ ಬ್ರದರ್ ರೋಶನಾನ್ ಹ್ಯಾ ಅರ್ಗಾ ಬಲಿದಾನಾಂತ್ ಭಾಗ್ ಘೆತ್ಲೊ.

ಸಾಂಜೆರ್ ವಾಡ್ಯಾಚಾ ಶ್ರೀಮತಿ ಸೆರಾಫಿನ್ ಡಿಸಿಲ್ವಾಚ್ಯಾ ಘರಾ ವಾಡ್ಯಾಗಾರ್ ಸರ್ವಾಂ ಎಕ್ಟಾಯ್ ಜಾವ್ನ್ ವಾಡ್ಯಾಚೊ ದೀಸ್ ಆಚರಣ್ ಕೆಲೊ. ಗುರ್ಕಾರ್ನ್ ವಾಯ್ಲೆಟ್ ಡಿಸೋಜಾನ್ ಸ್ವಾಗತ್ ಮಾಗ್ಲೊ. ವಾಡ್ಯಾಗಾರಾನಿಂ ಮಾಗ್ಣೆ ಚಲೊನ್ ವೆಲೆಂ. ಉಪ್ರಾಂತ್ ಮಟ್ವೆ ನಾಟ್ಕುಳೆ, ಡ್ಯಾನ್ಸ್, ಪೆÇದಾಂ,ಜೋಕ್ಸ್, ಗೀಟಾರ್ ಸಂಗೀತ್ ಹಾಚೆಂ ಪ್ರದರ್ಶನ್ ವಾಡ್ಯಾಗಾರಾಂ ಥಾವ್ನ್ ಚಲ್ಲೆಂ. ಹರ್ಯೆಕ್ ಸಾಂದ್ಯಾನಿಂ ವಿವಿಧ್ ರೀತಿನ್ ಪಾತ್ರ್ ಘೆತ್ಲೊ.

ಹ್ಯಾ ಕಾರ್ಯಾಕ್ ಮುಖೇಲ್ ಸರ್ಯೊ ಜಾವ್ನ್ ಮಾ|ಬಾ|ಅನಿಲ್ ಸೋಜ್ ಆಯ್ಲೆಂ. ತಾಣಿ ವಾಡ್ಯಾಗಾರಾಂ ಥಂಯ್ಚೊ ಎಕ್ವಟ್ ಪಳೆಂವ್ನ್ ಸಂತೊಸ್ ಉಚಾರ್ನ್ ಅನಿಕಿ ಚಡ್ ಆನಿ ಚಡ್ ವಾಡ್ಯಾಗಾರಾನಿಂ ಸಂಘಟಿತ್ ಜಾಯ್ಜೆ ಮ್ಹಣನ್ ಉಲೊ ದಿಲೊ.

ಸೈಂಟ್ ಮೇರಿಸ್ ಪಿ.ಯು.ಕಾಲೇಜಿಚೆಂ ಪ್ರಿನ್ಸಿಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್, ಉಪಾಧ್ಯಕ್ಷ್ ಜಾನ್ಸನ್ ಆಲ್ಮೇಡಾ, ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಸಿಸ್ಟರ್ ಪ್ರೆಸಿಲ್ಡಾ, ಸಿಸ್ಟರ್ ಶಾಂತಿ ಲವೀನಾ ಆನಿ ಪ್ರೇರಕಾಚಿಂ ಕಾರ್ಯದರ್ಶಿ ಎಲಿಜಾಬೆತ್ ಡಿಸೋಜಾ ಹಾಜರ್ ಆಸ್ಲಿ. ವಾಡ್ಯಾಗಾರಾನಿಂ ಮೆಳೊನ್ ರಾಂದ್ಲೆ ಜೆವಾಣ್ ಕೆಲ್ಲೆಂ. ಜೆವಾಣ್ ಸಂಗಾತಾ ಜೆಂವ್ನ್ ವಾಡ್ಯಾಗಾರಾನಿಂ ತಿ ಸಾಂಜ್ ವಾಡ್ಯಾಗಾರಾನಿಂ ಸಂತೊಸಾನ್ ಆಚರಣ್ ಕೆಲಿ. ಮರಿಯಾ ಬ್ರಿಟ್ಟೊನ್ ಕಾರ್ಯೆ ಚಲವ್ನ್ ವೆಲೆಂ.