Tuesday 19th, March 2024
canara news

ಕುಂದಾಪುರಾಂತ್ ಯಾಜಕಿ ದೀಕ್ಷಾ – ಯಾಜಕ್ ದೆವಾಚೆ ಮನಿಸ್ - ಬಿಸ್ಪ್ ಜೆರಾಲ್ಡ್

Published On : 28 Dec 2016   |  Reported By : Bernard J Costa


ಕುಂದಾಪುರ್, ಡಿ.28: ಉಡುಪಿ ದಿಯೆಸಿಸಿಚೆಚೊ ಬಿಸ್ಪ್ ಬೊ| ಮಾ| ಡಾ.ಜೆರಾಲ್ಡ್ ಐಸಾಕ್ ಲೋಬೊನ್ ಕುಂದಾಪುರ್ಚೊ ವಾಲೇರಿಯನ್ ಮತ್ತು ಗ್ರೆಟ್ಟಾ ಡಿಸೋಜಾ ಹಾಂಚೊ ಪೂತ್ ರೋಶನ್ ಜೋಸೆಫ್ ಡಿಸೋಜಾ ಆನಿ ಬೈಂದೂರ್ಚೊ ಧೆವಾಧೀನ್ ಫಿಲಿಪ್ ಫೆರ್ನಾಂಡಿಸ್ ಆನಿ ಬೆನೆಡಿಕ್ಟಾ ಫೆರ್ನಾಂಡಿಸ್ ಹಾಂಚೊ ಪೂತ್ ಸಂದೇಶ್ ಫೆರ್ನಾಂಡಿಸ್ ಹಾಂಕಾ, ಡಾನ್ ಬಾಸ್ಕೊ ಕೊಂಕಣ ವಿಭಾಗ್ ಸೇಲೆಶಿಯನ ಮೇಳಾಂತ್ ಯಾಜಕತ್ವಚಿಂ 13 ವರ್ಷಂಚಿ ತರಭೇತಿ ಜೊಡಲ್ಯಾ ಉಪ್ರಾಂತ್ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆಂತ್ ತಾಂಕಾ ಯಾಜಕಿ ದೀಕ್ಷಾ ಫಾವೊ ಕೆಲಿ.

 

‘ಯಾಜಕ್ ಜಾವ್ನಾಸಾತ್ ದೆವಾಚೆ ಮನಿಸ್, ದೆವಾಕ್ ಲಾಗ್ಸಿಲೆಂ ಮನಿ, ಸದಾಂಯಿ ದೆವಾಚೆ ಸಾವ್ಳೆಂತ್ ಆಸ್ತಾತ್ ತೆಂ, ತಾಂಕಾ ದೆವಾನ್ ಮನ್ಸ್ಯಾ ಮಧ್ಲೊ ಮನ್ಸ್ಯಾ ಖಾತಿರ್ ದೆವಾನ್ ವಿಂಚುನ್ ಕಾಡ್ಚೆಂ ಜಾವ್ನಾಸಾ, ತಶೆಂ ಜಾವ್ನ್ ಯಾಜಕಾನ್ ದೆವಾಚ್ಯಾ ಮನ್ಸ್ಯಾ ಭಾಶೆನಂಚ್ ಚಲಾಜೆ, ದೇವ್ ಯಾಜಕಾಂ ಥಾವ್ನ್ ಧಾರ್ಮಿಕ್ ಸೇವಾ ಅಪೇಕ್ಷಿತಾ, ತಶೆಂಚ್ ತುಮಿ ಆನ್ಯೇಕ್ ಕ್ರಿಸ್ತಾ ಬರಿ ಜಾಂವ್ಕ್ ಜಾಯ್ ಮ್ಹಣನ್ ದೇವ್ ಆಶೆತಾ, ದೆಕುನ್ ತುಮಿ ಯಾಜಕಿ ಪವಿತ್ರ್‍ಪಣ್ ಸಾಂಬಾಳ್ನ್ ಭಾಗೆವಂತ್ ಯಾಜಕ್ ಜಾಯ್ಜೆ’ ಮ್ಹಣನ್ ಬಿಸ್ಪಾನ್ ನವ್ಯಾ ಯಾಜಕಾಂಕ್ ಶಿಕವ್ಣ್ ದಿಲಿ. ಅಪ್ರೂಪ್ ಜಾಂವ್ಚ್ಯಾ ಹ್ಯಾ ಧಾರ್ಮಿಕ್ ಕಾರ್ಯಾಕ್ ಡಾನ್ ಬಾಸ್ಕೊ ಕೊಂಕಣ್ ಪ್ರಾಂತ್ಯಾಚೊ ಸೇಲೆಶಿಯನ ಮೇಳದ ಪೆÇ್ರವಿನ್ಸಿಯಲ್ ಮಾ| ಬಾ| ಫೆಲಿಕ್ಸ್ ಫೆರ್ನಾಂಡಿಸ್, ವಾರಾಡೊ ವಿಗಾರ್ ಮಾ|ಬಾ| ಅನಿಲ್ ಡಿಸೋಜಾ ಆನಿ ಸಭಾರ್ ಯಾಜಕ್, ಧರ್ಮ್ ಭಯ್ಣ್ಯೊ, ಆನಿ ಅಧಿಕ್ ಮಾಪಾನ್ ಭಕ್ತಿಕ್ ಹಾಜಾರ್ ಆಸ್ಲೆಂ.

ಅಭಿನಂದನ್ ಕಾರ್ಯಕ್ರಮ್ ಸಾಂತ್ ಜೋಸೆಫ್ ಇಸ್ಕೊಲಾಚ್ಯಾ ಮೈದಾನಾರ್ ಚಲ್ಲೆಂ ಪೆÇ್ರವಿನ್ಸಿಯಲ್ ಮಾ|ಬಾ| ಫೆಲಿಕ್ಸ್ ಫೆರ್ನಾಂಡಿಸಾನ್ ಸಂತೊಸ್ ಉಚಾರ್ಲೊ, ಮಾ|ಬಾ|ಆನಂದ್ ನೊರೊನ್ಹಾ ಹಾಣಿ ಬರೆಂ ಮಾಗ್ಲೆ, ಕುಂದಾಪುರ್ ವಾರ್ ವಿಗಾರ್ ಮಾ|ಬಾ| ಅನಿಲ್ ಡಿಸೋಜಾ, ಬೈಂದೂರ್ಚೊ ವಿಗಾರ್ ವಿಗಾರ್ ಮಾ|ಬಾ|ರೊನಾಲ್ಡ್ ಮಿರಾಂಡ ಹಾಣಿ ಭೊಗ್ಣಾ ಉಚಾರ್ಲಿ. ಕುಂದಾಪುರ್ ಇಗರ್ಜೆಚ್ಯಾ ಗಾಯನ್ ಮಂಡಳೆನ್ ಅಭಿನಂದನ್ ಗೀತ್ ಗಾಯ್ಲೆಂ. ರೋನ್ಸನ್ ಡಿಸೋಜಾನ್ ಸ್ವಾಗತ ಮಾಗ್ಲೊ. ಡಾನ್ ಬಾಸ್ಕೊ ಇಸ್ಕೊಲಾಚೊ ಪ್ರಿನ್ಸಿಪಾಲ್ ಮಾ|ಬಾ| ಮ್ಯಾಕ್ಸಿಮ್ ಡಿಸೋಜಾನ್ ಕಾರ್ಯೆ ಚಲವ್ನ್ ವೆಲೆಂ.




More News

 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಬ್ರಹ್ಮಕುಮಾರಿ ಸಂಸ್ಥೆಯ ಸಯನ್  ಸೆಂಟರ್‍ನಿಂದ ಮಹಿಳಾ ದಿನಾಚರಣೆ
ಬ್ರಹ್ಮಕುಮಾರಿ ಸಂಸ್ಥೆಯ ಸಯನ್ ಸೆಂಟರ್‍ನಿಂದ ಮಹಿಳಾ ದಿನಾಚರಣೆ
ಅನಿತಾ ಪಿ.ತಾಕೊಡೆ ಅವರ ಕಥಾ ಸಂಕಲನಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತ್ತ್‍ನ ದತ್ತಿ ಪ್ರಶಸ್ತಿ
ಅನಿತಾ ಪಿ.ತಾಕೊಡೆ ಅವರ ಕಥಾ ಸಂಕಲನಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತ್ತ್‍ನ ದತ್ತಿ ಪ್ರಶಸ್ತಿ

Comments

Santosh Dsouza, Kundapur    28 Dec 2016

Congratulations


Comment Here