ಸೊಳವ್ಯಾ ಶತಮಾನಾಂತ್ ಜೆಕೊಸ್ಲೊವಾಕೀಯಾಚ್ಯಾ ಪ್ರಾಗಾಂತ್ ಬಾಳೊಕ್ ಜೆಜುಚಿ ಮಹಿಮಾ ಆರಂಭ್ ಜಾಲಿ. ಭಕ್ತಿಕ್ ಲೊಕಾಂಚಿ ಆಂಗವ್ಣ್ಯಾಕ್ ಬಾಳೊಕ್ ಜೆಜು ಥಾವ್ನ್ ಫಳ್ ಲಾಭೊಂಕ್ ಲಾಗ್ಲ್ಯೊ. ಅಶ್ಚರ್ಯಾಂ ಘಡುಂಕ್ ಲಾಗ್ಲ್ಯೊ. ಹಾಚೆಂ ವರ್ವಿಂ ಪ್ರೇರಿತ್ ಜಾಲ್ಲಿ ಸ್ಪೆಪಯ್ನಾಚಿ ರಾಣಿ ಪಾಲಿಕ್ಸೆನೆನಾನ್ ಥಂಯ್ಸರಚ್ಯಾ ಇಗರ್ಜೆಕ್ ಬಾಳೊಕ್ ಜೆಜುಚ್ಯಾ ರುಕಾಡಾಚಿ ಎಕ್ ಇಮಾಜ್ ದಾನ್ ದಿಲಿ, ತ್ಯಾ ಉಪ್ರಾಂತ್ ಥಂಯ್ಸರ್ ಬಾಳೊಕ್ ಜೆಜು ಥಾವ್ನ್ ಉಪ್ಕಾರ್, ಮಹಿಮಾ ಅಶ್ಚರ್ಯಾಂ ಚಡೊನಂಚ್ ಗೆಲ್ಯೊ.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
ಆಜ್ ಸಂಸಾರ್ ಭರ್ ಬಾಳೊಕ್ ಜೆಜುಚೆ ಅರಾಧಾನ್ ಚಲ್ತಾಂ. ಸಂಸಾರ್ ಭರ್ ಅನೇಕ್ ಪೂನ್‍ಶೆತಾಂ ಪುಲೊನ್ ಆಯ್ಲ್ಯಾತ್. ಭಾರತಾಂತಯಿ ಬಾಳೊಕ್ ಜೆಜುಚಿಂ ಪೂನ್ ಶೆತಾಂ ವಾಡೊನ್ ಆಯ್ಲ್ಯಾತ್. ತ್ಯಾ ಪೂನ್ ಶೆತಾನಿಂ ಅಪಾರ್ ಭಕ್ತಿಪಣ್ ಚಲ್ಚ್ಯಾ ಭರಾಭರ್ ಬಾಳೊಕ್ ಜೆಜು ಥಾವ್ನ್ ಉಪ್ಕಾರ್ ಮೆಳ್ತಾತ್, ಅಶ್ಚರ್ಯಾಂ ಘಡೊಂಕ್ ಲಾಗ್ಲ್ಯಾತ್.
ಕರ್ನಾಟಾಕಂತಯೀ ಬಾಳೊಕ್ ಜೆಜುಚಿಂ ಪೂನ್ ಶೆತಾಂ ಪುಲೊನ್ ಆಯ್ಲ್ಯಾತ್. ಬೆಂಗ್ಳೂರ್ ವಿವೇಕ್ ನಗರಾಂತ್ ಆಸ್ಚ್ಯಾ ಬಾಳೊಕ್ ಜೆಜುಚ್ಯಾ ಪೂನ್ ಶೆತಾಕ್ ಜಾತ್ ಕಾತ್ ಲೆಕಿನಾಸ್ತಾಂ, ಹರ್ಯೆಕಾ ಬ್ರೆಸ್ತಾರ್ ಲೋಕ್ ಹಾರಿಂ ಹಾರಿನಿಂ ಭಕ್ತಿಪಣ್ ಆಧಾರುಂಕ್, ಆನಿ ಉಪ್ಕಾರ್ ಆಟಂವ್ಕ್, ಉಪ್ಕಾರ್ ಮಾಗೊಂಕ್ ಯೆತಾಂ.
ಮಂಗ್ಳೂರ್ ಬಿಕರ್ನಾಕಟ್ಟ, ಕಾರ್ಮೆಲ್ ಗುಡ್ಯಾರ್ ಕಾರ್ಮೆಲ್ ಯಾಜಾಕಾನಿಂ ಸುಮಾರ್ ವರ್ಸಾಂ ಪಯ್ಲೆಂ ಬಾಳೊಕ್ ಜೆಜುಚೆಂ ಇಗರ್ಜ್ ಉಭಾರ್ಲಾ, ಆನಿ ಥಂಯ್ಸರ್ ಬಾಳೊಕ್ ಜೆಜುಚೆಂ ಆರಾಧಾನ್ ನಿರಂತರ್ ಚಲೊನ್ ಆಸಾ. ಆಜ್ ಹೆಂ ಕಾರ್ಮೆಲ್ ಗುಡ್ಯಾ ವಯ್ಲೆಂ ಬಾಳೊಜ್ ಜೆಜುಚೆ ಪೂನ್ ಶೆತ್‍ಯಿ ಲೊಕಾ ಮೊಗಾಳ್ ಜಾಂವ್ಕ್ ಪಾವ್ಲಾ. ಥಂಯ್ಚೊ ಬಾಳೊಕ್ ಜೆಜು ಭಕ್ತಿಕಾಂಚಿ ಅಗಂವ್ಣ್ಯೊ ಫಾರಿ ಕರ್ನ್ ಆಸಾ.
ಹ್ಯಾಚ್ ಕಾರ್ಮೆಲ್ ಯಾಜಕಾನಿಂ ಕುಂದಾಪುರ್ ಲಾಗ್ಸಿಲ್ಯಾ ಕೊಟೇಶ್ವರಚ್ಯಾ ಕಟ್ಕರೆಂತ್‍ಯಿ ಬಾಳೊಕ್ ಜೆಜುಚೆ ಆಶ್ರಮ್ ಆರಂಭ್ ಕೆಲ್ಯಾ. ಹೆಂ ಆಶ್ರಮ್ ಆರಂಭ್ ಜಾಂವ್ನ್ ಅನೇಕ್ ವರ್ಸಾಂ ಜಾಲಿಂ. ಹಾಂಗಾಸರ್‍ಯಿ ಬಾಳೊಕ್ ಜೆಜುಚೆ ಆರಾಧಾನ್ ಭೋವ್ ಭಕ್ತಿನ್ ಚಲೊನ್ ಆಸಾ. ಹಾಂಗಾಸರ್‍ಯಿ ಬಾಳೊಕ್ ಜೆಜು ಭಕ್ತಿಕಾಂಚಿಂ ಮಾಗ್ಣೆ ಆಯ್ಕಾತಾ. ಅಗಂವ್ಣ್ಯೊ ಆಯ್ಕಾತಾ, ಲೊಕಾಂಕ್ ಉಪ್ಕಾರ್ ಪಾಠಯ್ತಾ. ಹರ್ಯೆಕಾ ಬ್ರೆಸ್ತಾರಾ ಸಾಂಜೆರ್ ಹಾಂಗಾಸರ್ ನೊವೆನ್ ಚಲ್ತಾಂ. ಹರ್ಯೆಕ್ ವರ್ಸಾಂ ಬಿಕರ್ನಾಕಟ್ಟಾ ಬಾಳೊಕ್ ಜೆಜುಚೆ ಪರಬ್ ಜಾಲ್ಯಾ ದುಸ್ರ್ಯಾ ಹಪ್ತಾಚ್ಯಾ ಬ್ರೆಸ್ತಾರಾ ದಿಸಾ ಕಟ್ಕರೆ ಬಾಳೊಕ್ ಜೆಜುಚೆ ವಾರ್ಷಿಕ್ ಪರಬ್ ಚಲ್ತಾಂ.
ಹ್ಯಾ ವರ್ಸಾಂ ವಾರ್ಷಿಕ್ ಪರಬ್ ಆಚರಾಣಾಕ್ ಲಾಗೊನ್ ಕಟ್ಕರೆ ಬಾಳೊಕ್ ಜೆಜುಚ್ಯಾ ಆಶ್ರಮಾಂತ್ ಜನೆರಾಚ್ಯಾ 16,17,18 ವೇರ್ ಸಾಂಜೆರ್ 4 ಥಾವ್ನ್ 7 ವೊರಾಂ ಮ್ಹಣಾಸರ್ ಬ್ರದರ್ ಟಿ.ಕೆ.ಜಾರ್ಜಾ ಥಾವ್ನ್ ರೆತಿರ್ ಅಸಾ ಕೆಲ್ಯಾ. 19 ತಾರೀಖ್ ಬ್ರೆಸ್ತಾರಾ ದಿಸಾ ಸಾಂಜೆರ್ 5 ವೊರಾರ್ ವಾರ್ಷಿಕ್ ಮಹಾ ಪರಬ್ ಚಲ್ತೆಲಿ. ಹ್ಯಾ ಪರ್ಬೆ ದಿಸಾ ಶಿಮೊಗ್ಗಾ ದಿಯೆಸಿಜೆಚೊ ಗೊವ್ಳಿ ಬಾಪ್ ಅ.ಮಾ.ದೊ. ಫ್ರಾನ್ಸಿಸ್ ಸೆರಾವೊ ಪ್ರಧಾನ್ ಯಾಜಕ್ಪಣಾ ಖಾಲ್ ಪವಿತ್ರ್ ಬಲಿದಾನ್ ಭೆಟಯ್ತಾಲೊ..
ಯೆಯಾ ಕಟ್ಕರೆಬಾಳೊಕ್ ಜೆಜುಚ್ಯಾ ಮಹಾ ಪರ್ಬೆಕ್ ಯೆವ್ನ್ ಬಾಳೊಕ್ ಜೆಜುಚಿಂ ವಿಂಚ್ಣಾರ್ ಆಶಿರ್ವಾದಾಂ ಅಪ್ಣಾಂವ್ನ್ ಘೆಯಾ.
