ಕಟ್ಕರೆ ಬಾಳೊಕ್ ಜೆಜುಚೆ ಬಾರ್ಷಿಕ್ ಪರ್ಬೆ ದಿಸಾ- ಬಿಸ್ಪ್ ಫ್ರಾನ್ಸಿಸ್ ಸೆರಾವೊ

Published On : 20 Jan 2017 | Reported By : Bernard J Costa

“ಕೋಣಾಕ್ ಜೆಂವ್ಕ್ ಬೊಶಿಯಿ ನಾ, ತಾಂಕಾ ಪಾವಾ”

ಕುಂದಾಪುರ್, ಜ.20: ಮಾ|ಬಾ|ಫೆಲಿಕ್ಸ್ ಮೊರಾಸ್ ವ್ಹಡಿಲ್ ಜಾಂವ್ನ್ ಆಸಲ್ಯಾ ಕಟ್ಕರೆ ಬಾಳೊಕ್ ಜೆಜುಚ್ಯಾ ಪುನ್ ಶೆತಾಂತ್ 19 ವೇರ್ ಬ್ರೆಸ್ತಾರಾ ದಿಸಾ ವಾರ್ಷಿಕ್ ಮಹಾ ಪರಬ್ ಆಚರಣ್ ಕೆಲೆಂ. ಹ್ಯಾ ಫೆಸ್ತಾಚ್ಯಾ ಆಚರಣಾಕ್ ಶಿಮೊಗ್ಗಾ ದಿಯೆಸಿಜಿಚೊ ಬಿಸ್ಪ್ ಭೊ|ಮಾ|ಬಾಪ್ ಫ್ರಾನ್ಸಿಸ್ ಸೆರಾವೊ ಪ್ರಧಾನ್ ಯಾಜಕ್ ಜಾಂವ್ನ್ ತಾಣಿ ಸಂಭ್ರಮಿಕ್ ಬಲಿದಾನ್ ಭೆಟಯ್ಲೆಂ.

‘ಬಾಪುಯ್ ಸರ್ಗಾರ್ ಆನಿ ಆವಯ್ ಹ್ಯಾ ಸಂಸಾರಿ ಅಸಲೊ ವೀಶೆಸ್ ಸಂಬಂಧ್ ಆಸ್ಲೊ ಜಾವ್ನಾಸಾ ಆಮ್ಚೊ ಜೆಜು. ಜೆಜು ಆಮ್ಕಾಂ ಸರ್ಗಿಂಚಿ ವಾಟ್ ದಾಖಂವ್ಕ್ ಆಯ್ಲೊ. ಸೊಮಿಯಾ ಸೊಮಿಯಾ ಮ್ಹಳೊ ಕೋಣಯಿ ಸರ್ಗಾಕ್ ವಚಾನಾ, ಜೆಜುಜೊ ಮೋಗ್ ಕರ್ಚೊ ಮ್ಹಳ್ಯಾರ್ ದುಬ್ಳ್ಯಾ ಧಾಕ್ಟ್ಯಾಚಿಂ, ಪೆಲ್ಯಾಚಿಂ ಸೆವಾ ಕರ್ಚಿ. ‘ಮೋಗ್ ಕರಾ ಎಕಾಮೆಕಾಚೊ ಕಳೊಂ ಸಂಸಾರಾಕ್ ಶಿಸ್ ಮ್ಹಣ್ ಮೊಜೊ’ ಹೆಂ ಧ್ಯೇಯ್ ವಾಕ್ಯ್ ಉಡಾಸ್ ಧವರ್ನ್, ಆಮಿ ಹಾತ್ ನಾತಲ್ಯಾಕ್ ಹಾತ್ ಜಾಯ್ಜೆ, ಪಾಂಯ್ ನತಲ್ಯಾಂಕ್ ಪಾಂಯ್ ಜಾಯ್ಜೆ, ಪೀಡೆಸ್ತಾಂಚಿ ಜತನ್ ಘೆಯಾ, ಕೋಣಾಕ್ ಜೆಂವ್ಕ್ ನಾ, ಕೋಣಾಕ್ ಜೆಂವ್ಕ್ ನಾ, ಆನಿ ಬೊಶಿಯಿ ನಾ, ತಾಂಕಾ ಪಾವಾ, ಪೆಲ್ಯಾ ಥಂಯ್, ಕೊಣಾಯ್ಕಿ ಆಡ್ಕಳ್, ಉಪದ್ರ್, ಅನೀತ್ ಆಧಾರಿನಾಕಾ, ಪೆಲ್ಯಾ ಥಂಯ್, ಭಾವಾ ಥಂಯ್, ಭಯ್ಣಿ ಥಂಯ್ ದೆವಾಕ್ ಪಳೆ, ತೆದ್ನಾ ತುಂ ಜೆಜುಚೊ ಖರೊ ಶಿಸ್ ಜಾತೊಲೊಯ್, ತೆದ್ನಾ ಜೆಜು ತುಜೆಂ ಥಂಯ್ ಜಿಯೆತಾಲೊ’ ಮ್ಹಣನ್ ತಾಣಿ ಸಂದೇಶ್ ದಿಲೊ. ಹ್ಯಾ ವೇಳಾರ್ ತಾಣಿ ಅಂತರ್ ಜಾಳಿ ಥಾವ್ನ್ ಉಪಯೋಗ್ ಜಾಂವ್ಚೆ ಕಾರ್ಮೆಲ್ ಭಾವಾಂಚೆಂ ಕಾರ್ಮೆಲ್ ‘ಎಪ್’ ಉಗ್ತಾವಣ್ ಕೆಲೆಂ.

ವಾರಾಡೊ ಪ್ರಧಾನ್ ಯಾಜಕ್ ಮಾ|ಬಾ|ಅನಿಲ್ ಸೋಜ್ ಹ್ಯಾ ಬಲಿದಾನಾಂತ್ ಹಾಜರ್ ಆಸೊನ್ ತಾಣಿ ಕಾರ್ಮೆಲ್ ಡೈರಿ 2017 (ವಾಜ್ಪಾಂಚಿ ಮಾಹೆತ್) ಉಗ್ತಾವಣ್ ಕೆಲಿ. ಹ್ಯಾ ಫೆಸ್ತಾಚ್ಯಾ ಬಲಿದಾನಾಂತ್ ವಾರಾಡ್ಯಾಚೆಂ ವಿಗಾರಾನಿಂ, ಸರ್ಯೆ ಯಾಜಕಾನಿಂ ಬಲಿದಾನಾಂತ್ ಭಾಗ್ ಘೆತ್ಲೊ. ವಾರಾಡ್ಯಾಚೆಂ ಭಕ್ತಿಕ್ ಆನಿ ಸಭಾರ್ ಧರ್ಮ್ ಭಯ್ಣಿನಿಂ ಹಾಜರ್ ಆಸ್ಲಿ.

ವಿಲ್ಫ್ರೆಡ್ ಫ್ರಾಂಕ್ ಹಾಣಿ ಸಭಾ ಕಾರ್ಯೆ ಚಲವ್ನ್ ದಿಲೆಂ. ಕೋಟೆಶ್ವರ್ ಫಿರ್ಗಜೆಚೊ ವಿಗಾರ್ ಮಾ}ಬಾ|ವಿನ್ಸೆಂಟ್ ಡಿಸೋಜಾನ್ ಮಾನ್ ವಾಂಟ್ಲೊ. ಮಾ}ಬಾ|ರಾಯನ್ ಪಾಯ್ಸ್ ಹಾಣಿ ಗಾಯಾನ್ ಮಂಡಳೆಕ್ ನಿರ್ದೇಶನ್ ದಿಲೆಂ. ಮಾ|ಬಾ|ವಿಲಿಯಮ್ ಮಿರಾಂದಾನ್ ಧನ್ಯವಾದ್ ಪಾಠಯ್ಲೆಂ.