ಕೊಂಕಣಿ ಸಾಹಿತ್ಯ್ ಗೋಷ್ಠಿ ಆನಿ ಕವಿತಾ ಗೋಷ್ಠಿ

ಕಲ್ಯಾಣಪುರ್,ಮಾ.6: ಕೊಂಕಣಿ ಎಕ್ವಟ್ ಉಡುಪಿ ಅನಿ ‘ಕಲಾಮ್ರತ್’ ಸಾಹಿತ್ಯ ಕಲಾ ಸಂಘ್ ಕುಂದಾಪುರ್ ಹಾಂಚ್ಯಾ ಆಶ್ರಯಖಾಲ್ ಕಲ್ಯಾಣಪುರ್ ಮಿಲಾಗ್ರಿಸ್ ಕಾಲೇಜಿಚ್ಯಾ ಸಭಾ ಸಾಲಾಂತ್ ಖ್ಯಾತ್ ಕೊಂಕಣಿ ಸಾಹಿತಿ ವಲ್ಲಿ ಕ್ವಾಡರ್ಸ್ ಹಾಂಚೆ ಆಯ್ಲೆವಾರ್ ಪ್ರಕಟಿತ್ ಜಾಲ್ಯಾ ಪುಸ್ತಕಾ ವಿಶಿಂ ಸಾಹಿತ್ಯ್ ವಿಚಾರ್ ಗೋಷ್ಠಿ ಆನಿ ಕೊಂಕಣಿ ಕವಿತಾ ಗೋಷ್ಠಿ ಚಲ್ಲಿ.

 

 ವಿಚಾರ್ ಗೋಷ್ಠಿಚೆ ಉದ್ಘಾಟನ್ ಕೊಂಕಣಿ ಸಾಹಿತಿ ಮಿಲಾಗ್ರಿಸ್ ಕಾಲೇಜಿಚೊ ಪ್ರಿನ್ಸಿಪಾಲ್ ಪ್ರಾಂಶುಪಾಲ ಡಾ .ಜೆರಿ ನಿಡ್ಡೋಡಿನ್ ದಿವೊ ಪೆಟೊನ್ ಉದ್ಘಾಟನ್ ಕರ್ನ್ ‘ವಲ್ಲಿ ಕ್ವಾಡರ್ಸಾನ ಕೊಂಕ್ಣೆತ್ ಉತ್ತಮ ಕ್ರತಿಯೊ ರಚನ್ ಕೆಲ್ಯಾತ್, ತೊ ಎಕ್ ಕೇವಲ್ ಸಾಹಿತಿ ಮಾತ್ರ್ ನ್ಹಯ್ ತೊ ಎಕ್ ಸಂಸ್ಥೊ ಮ್ಹಳ್ಯಾ ಬರಿ ಕೊಂಕ್ಣಿ ಸಾಹಿತ್ಯ ಖಾತಿರ್ ವಾವುರ್ತಾ ಮ್ಹಣ್ತಾ ಶುಭಾಶಯ್ ಪಾಟಯ್ಲೆಂ. ‘ಕಲಾಮ್ರತ್’ ಸಂಘಾಚೊ ಅಧ್ಯಕ್ಷ್ ಸಾಹಿತಿ ಬರ್ನಾಡ್ ಜೆ.ಕೋಸ್ತಾ, ಅಸಲ್ಯೊ ವಿಚಾರ್ ಗೋಷ್ಟಿ ಕೊಂಕ್ಣೆಕ್ ಗರ್ಜ್ ಆಸಾ, ಅಸಲೆಂ ಪ್ರಕಾರಾಚೆ ಸಾಹಿತಿಚೆಂ ಮಿಲನ್ ಕೆದ್ನಾಯಿ ಜಾಯ್ತ್ ಆಸ್ಲ್ಯಾರ್ ಸಾಹಿತಿಚೊ ಸಂಬಂದ್ ವಾಡ್ತಾ, ಸಾಹಿತಿಕ್ ವಾವ್ರ್ ಚಡ್ತಾಂ’ ಮ್ಹಣ್ತಾಂ ಪ್ರಸ್ತಾವಿಕ್ ಜಾಂವ್ನ್ ಉಲವ್ನ್ ಸ್ವಾಗತ್ ಮಾಗ್ಲೊ.

ವಲ್ಲಿ ಕ್ವಾಡರ್ಸ್‍ಚ್ಯಾ ನವ್ಯಾ ಪುಸ್ತಕಾಂ ವ್ಹಯ್ರ್ ‘ಮುಗ್ದಾನಾತ್‍ಲ್ಲಿಂ ಗಿತಾಂ’ ವಿಚಾರ್ ಆನಿ ವಿಶ್ಲೇಷಣ್ ಕ್ರತಿಯೆಚೆರ್ ಜಿಯೊ ಅಗ್ರಾರ್ ಆನಿ ‘ಬಜಾರ್’ ಕವಿತಾ ಪುಸ್ತಕಾಚೆರ್ ಮೆಲ್ವಿನ್ ಜೆ.ವಾಸ್ ಹಾಣಿ ವಿಚಾರ್ ಮಂಡನ್ ಕೆಲೆಂ. ವಲ್ಲಿ ಕ್ವಾಡರ್ಸಾನ್ ಆಪ್ಲ್ಯಾ ನವ್ಯಾ ಮಟ್ವ್ಯಾ ಕಾಣಿಯೆ ಪುಸ್ತಕ್ ‘ಬಂಧ್’ ವಿಶಿಂ ಉಲವ್ನ್ ವಾಜ್ಪ್ಯಾಂಚಾ ಸವಾಲಾಂಕ್ ಜಾಪ್ ದಿಲ್ಯೊ.

ಉಪ್ರಾಂತ್ ಚಲಲ್ಯಾ ಕವಿತಾ ಗೋಷ್ಠಿಂತ್ ಗ್ಲ್ಯಾಡಿಸ್ ರೇಗೊ, ಬರ್ನಾಡ್ ಜೆ.ಕೋಸ್ತಾ, ವಲ್ಲಿ ಕ್ವಾಡರ್ಸ್, ಮೆಲ್ವಿನ್ ಜೆ ವಾಸ್, ಜಿಯೊ ಅಗ್ರಾರ್, ಜೆರಿ ಬೊಂದೆಲ್, ನವೀನ್ ಸುರತ್ಕಲ್ ಕವಿನಿಂ ಆಪ್ಲಿಂ ಕವಿತಾಂ ಪ್ರಸ್ತೂತ್ ಕೆಲ್ಯೊ. ವೇದಿರ್ ಕೊಂಕಣಿ ಎಕ್ವಟ್ ಸಂಘಟನಾಚಿ ಕಾರ್ಯದರ್ಶಿ ರೋಜಿ ಬಾರೆಟ್ಟೊ ಆನಿ ಗ್ಲ್ಯಾಂಡ ಆಲ್ಮೇಡಾ ಹಾಜರ್ ಆಸ್ಲಿಂ. ಲೇಕಕಿ ಜ್ಯೋತಿ ಮಂಜರಪಲ್ಕೆನ್ ಕಾರ್ಯಕ್ರಮ್ ನಿರೂಪಣ್ ಕರ್ನ್ ಧನ್ಯವಾದ್ ಪಾಠಯ್ಲೆಂ.

 

---

---

---

More News

---