Friday 29th, March 2024
canara news

ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಜೆಜುಚ್ಯಾ ಕಷ್ಟಾಂ ಮರ್ಣಾಚೊ ಸುಕ್ರಾರ್

Published On : 14 Apr 2017   |  Reported By : Bernard J Costa


ಕುಂದಾಪುರ್,ಎ.14: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಜೆಜುಚ್ಯಾ ಕಷ್ಟಾಂ ಮರ್ಣಾಚೊ ಸುಕ್ರಾರ್ ಆಚರಣ್ ಕೆಲೊ. ಸಕಾಳಿ ಇಗರ್ಜೆ ಭಿತರ್ ಫಿರ್ಗಜ್ ಲೋಕಾನಿಂ ಖುರ್ಸಾ ವಾಟ್ ಚಲವ್ನ್ ವೆಲಿ. ಸಾಂಜೆಚ್ಯಾ ಸಾಡೆ ಚಾರ್ ವೊರಾರ್ ಇಗರ್ಜೆಂತ್ ಸಂಪ್ರಾದಾಯ್ï ಪ್ರಮಾಣೆ ಜೆಜುಚ್ಯಾ ಖುರ್ಸಾ ಮರ್ಣಾಚಿ ವಿಧಿ ಚಲ್ಲಿ. ಪಯ್ಲ್ಯಾ ಭಾಗಾಂತ್ ದೆವಾಚ್ಯಾ ಉತ್ರಾಂಚೊ ಸಂಭ್ರಮ್. ವಾಚಪ್, ಜೆಜುಚ್ಯಾ ಕಷ್ಟಾಂ ಮರ್ಣಾಚೊ ರೀತ್ ಚಲ್ಲಿ.

 

ಫಿರ್ಗಜ್ ಸಹಾಯಕ್ ಯಾಜಕ್ ಮಾ|ಬಾ| ಜೆರಾಲ್ಡ್ ಸಂದೀಪ್ ಡಿಮೆಲ್ಲೊನ್ ಹಿ ಮಾಗ್ಣ್ಯಾ ವಿಧಿ ಚಲವ್ನ್ ವರ್ನ್ ‘ಖುರಿಸ್ ಮ್ಹಳ್ಯಾರ್ ಜಯ್ತಾಚೊ, ಮೊಗಾಚೊ, ಭವರ್ಸ್ಯಾಂಚೊ ಸಂಕೇತ್ ಜಾವ್ನಾಸಾ, ಜೆಜು ದೆವಾಚಿ ಶೆಳಿ, ತಾಣೆ ಆಮ್ಚೆ ಪಾಸೊತ್ ಅಪ್ಣಾಕಚ್ ಬಲಿದಾನ್ ಭೆಟಂವ್ನ್ ಘೆತ್ಲೆಂ, ಹೆಂ ಜಾವ್ನಾಸಾ ಮಹಾ ಬಲಿದಾನ್, ಹ್ಯಾ ಉಪ್ರಾಂತ್ ಜಿವಾಚೆ ಬಲಿದಾನ್ ನಾ, ಆಮಿ ಜೆಜುನ್ ದಾಖಯ್ಲ್ಯಾ ಬಚಾವೆಚೆ ವಾಟೆನ್ ಚಲೊನ್ ಆಮಿ ಬಚಾವಿ ಜೊಡ್ನ್ ಘೆಜೆ’ ಮ್ಹಣನ್ ತಾಣಿ ಸಂದೇಶ್ ದಿಲೊ.

ದುಸ್ರ್ಯಾ ಭಾಗಾಂತ್ ಭವಾರ್ಥಾಚಿಂ ಪ್ರಾರ್ಥನಾಂ ವಿಧಿ ಚಲ್ಲಿ, ಪವಿತ್ರ್ ಸಭೆ ಪಾಸೊತ್, ಪಾಪಾ, ಬಿಸ್ಪಾಂ, ಧಾರ್ಮಿಕಾಂ, ಪೀಡೆಸ್ತ್, ಅಶೆಂ ವಿವಿಧ್ ಪ್ರಾರ್ಥನಾಂ ಚಲ್ಲಿ.

ತಿಸ್ರ್ಯಾ ಭಾಗಾಂತ್ ಖುರಿಸ್ ಉಗ್ಡಾಪಣ್ ಕಾ0iರ್Éು ಚಲ್ಲೆಂ. ತ್ಯಾ ಉಪ್ರಾಂತ್ ಖುರ್ಸಾಚೊ ಉಮ್ಯಾ ರೀತ್ ಚಲ್ಲಿ, ಆಖೇರಿಚೊ ಭಾಗ್ ಜಾಂವ್ನ್ ಕ್ರಿಸ್ತ ಪ್ರಸಾದ್ ವಾಂಟ್ಲೊ. ಹ್ಯಾ ನಿಮಾಣ್ಯಾ ಸುಕ್ರಾರಾಚ್ಯಾ ವಿಧಿ ವಿಧಾನಾಂತ್, ಫಿರ್ಗಜೆಚೊ ವಿಗಾರ್, ಮಾ|ಬಾ| ಅನೀಲ್ ಡಿಸೋಜಾನ್ ವಾಂಟೊ ಘೆತ್ಲೊ. ಹ್ಯಾ ಭಕ್ತಿಕ್ ಕಾರ್ಯಾಕ್ ಅನೇಕ್ ಧರ್ಮ್ ಭಯ್ಣ್ಯಾ ಸವೆಂ ಅಧಿಕ್ ಮಾಪಾನ್ ಭಕ್ತಿಕ್ ಲೊಕಾನಿಂ ವಾಂಟೊ ಘೆತ್ಲೊ.




More News

ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ

Comment Here