Friday 29th, March 2024
canara news

ಭಿಯೆನಾಕಾತ್ ಸಮಾಧಾನ್ ತುಮ್ಕಾಂ - ಕುಂದಾಪುರ್ ಪಾಸ್ಕಾ ಫೆಸ್ತಾಚೊ ಸಂಭ್ರಮ್

Published On : 16 Apr 2017   |  Reported By : Bernard J Costa


ಕುಂದಾಪುರ್,ಎ.17: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಪಾಸ್ಕಾ ಫೆಸ್ತಾಚೊ ಧಬಾಜೊ ವ್ಹಡಾ ಸಂಭ್ರಮಾನ್ ಚಲ್ಲೊ. ಹೆಂ ದಬಾಜಿಕ್ ಭಕ್ತಿಕ್ ಕಾ0iರ್Éು ಚಾರ್ ಭಾಗಾನಿಂ ಚಲ್ಲೆಂ. ಪಯ್ಲೊ ಭಾಗ್ ಜಾಂವ್ನ್ ಸಾಂಜೆಚ್ಯಾ ಸಾತ್ ವೊರಾರ್ ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಪಾಸ್ಕಾಚ್ಯಾ ವಾತಿಕ್ ಕಿಳೆಂ ತೊಪುನ್, ತಿ ವಾತ್ ನವ್ಯಾ ಉಜ್ಯಾನ್ ಪೆಟಾವ್ನ್ ಉಜ್ವಾಡಾಚಿ ರೀತ್ ಚಲಯ್ಲಿ. ಹಿ ರೀತ್ ಸಂಪದ ಹಾಚೊ ನಿರ್ದೇಶಕ್ ಮಾ|ಬಾ|ರೆಜಿನಾಲ್ಡ್ ಪಿಂಟೊ ಹಾಣಿ ಚಲವ್ನ್ ವೆಲೆಂ.

 

 

 

 

 

 

 

 

 

ಪಾಸ್ಕಾಚ್ಯಾ ವಾತಿ ಥಾವ್ನ್ ಭಕಿಕಾನಿಂ ವಾತಿ ಪೆಟಾಂವ್ನ್ ಘೆವ್ನ್ ಇಗರ್ಜೆ ಭಿತರ್ ಸರ್ತೆರ್ ಮಾಗ್ಣ್ಯಾ ವಿಧಿ ಚಲ್ಲಿ. ಉಪ್ರಾಂತ್ ದುಸ್ರೊ ಭಾಗ್ ಜಾವ್ನ್ ದೆವಾಚ್ಯಾ ಉತ್ರಾಂಚೊ ಸಂಭ್ರಮ್ ಚಲ್ಲೊ.

ಫಾಸ್ಕಾ ಫೆಸ್ತಾಚೊ ಪ್ರಧಾನ್ ಯಾಜಕ್ ಮಾ|ಬಾ|ರೆಜಿನಾಲ್ಡ್ ಪಿಂಟೊನ್ ‘ಪುನರ್ಜೀವಿತ್ ಜಾವ್ನ್ ಉಟ್ಲೊ ಜೆಜು, ಭಿಯೆನಾಕಾತ್, ಸಮಾಧಾನ್ ತುಮ್ಕಾಂ, ಮ್ಹಣನ್ ಆಮ್ಕಾಂ ಭರ್ವಸೊ ದಿತಾಂ, ಜೆಜುನ್ ತಾಚಿ ಕುಡ್ ಕಷ್ಟಾಂ ಮರ್ಣಾ ಸವೆಂ ಆಮ್ಚೆ ಖಾತಿರ್ ಖುರ್ಸಾರ್ ಸಮರ್ಪಿಲಿ, ಆನಿ ತಿಸ್ರ್ಯಾ ದಿಸಾ ತೊ ಕುಡಿ ಅತ್ಮ್ಯಾ ಸವೆಂ ಪುನರ್ಜೀವಿತ್ ಜಾಲೊ, ದೆವಾನ್ ಆಮ್ಕಾಂ ದಿಲ್ಲೆಲಿ ಹಿ ಆಮ್ಚಿ ಕುಡ್, ಆಮಿ ತ್ಯಾಗ್, ಸೆವಾ, ಕುಮೊಕ್, ಭುಜಾವಣ್ ದಿಂವ್ಚ್ಯಾ ಮರಿಫಾತ್ ಹೆರಾಂ ಖಾತಿರ್ ಸಮರ್ಪಿಜೆ, ತೆದ್ನಾ ಆಮ್ಕಾಂಯಿ ದೇವ್ ಪುನರ್ಜೀವಿತ್ ಕರ್ನ್ ಸರ್ಗಿಂಚ್ಯಾ ರಾಜಾಂತ್ ಜಾಗೊ ದಿತಾಲೊ’ ಮ್ಹಣನ್ ತಾಣಿ ತಾಣಿ ಸಂದೇಶ್ ದಿಲೊ.

ತಿಸ್ರ್ಯಾ ಭಾಗಾಂತ್ ಉದಾಕ್ ಪವಿತ್ರ್ ಕರ್ನ್. ಬಾಪ್ತಿಜ್ಮಾ ವೇಳಾರ್ ಕೆಲ್ಲಿ ತಿ ಬಾಸವ್ಣಿ ಸಾರ್ವತ್ರಿಕ್ ಜಾವ್ನ್ ನವ್ಯಾನ್ ಕರಯ್ಲಿ. ಚೊವ್ತೊ ಭಾಗ್ ಜಾವ್ನ್ ಕ್ರಿಸ್ತ್ ಪ್ರಸಾದಾಚೆ ಪವಿತ್ರ್ ಬಲಿದಾನ್ ಸಂಭ್ರಮಿಕ್ ಥರಾನ್ ಭೆಟ0iÉ್ಲು. ವಿಗಾರ್ ಮಾ|ಬಾ|ಅನಿಲ್ ಸೋಜ್ ಆನಿ ಸಹಾಯಕ್ ವಿಗಾರ್ ಮಾ|ಬಾ|ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ ಹಾಣಿ ಸಹ ಭೆಟವ್ಣಿ ಕೆಲಿ. ಹ್ಯಾ ಫಾಸ್ಕಾ ಸಂಭ್ರಮಾಂತ್ ಅನೇಕ್ ಧರ್ಮ್ ಭಯ್ಣ್ಯಾನಿಂ, ಗುರ್ಕಾರಾನಿಂ, ಗೊವ್ಳಿಕ್ ಮಂಡಳೆಚೆ ಸಾಂನ್ದ್ಯಾನಿಂ ತಶೆಂ ಅಧಿಕ್ ಸಂಖ್ಯಾನ್ ಭಕ್ತಿಕಾನಿಂ ವಾಂಟೊ ಘೆತ್ಲೊ.

 




More News

ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ

Comment Here