Friday 29th, March 2024
canara news

ಕುಂದಾಪುರ ಐ.ಸಿ.ವೈ.ಎಮ್ ಥಾವ್ನ್ ಮೊಂತಿ ಸಾಯ್ಬಿಣಿಚ್ಯಾ ಪರ್ಬೆಕ್ ನಖ್ಲಿ ನೆಸ್ಣಾ ಸ್ಪರ್ಧೊ

Published On : 05 Sep 2017   |  Reported By : Bernard J Costa


ಕುಂದಾಪುರ್, ಸೆ.4: ಕುಂದಾಪುರ್ ರೊಜಾರ್ ಮಾಯ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಥಾವ್ನ್ ಫಿರ್ಗಜೆಚ್ಯಾ ಭುರ್ಗ್ಯಾಂ ಖಾತಿರ್ ನಖ್ಲಿ ನೆಸ್ಣಾ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಎಲ್.ಕೆ,ಜಿ. ಚ್ಯಾ ಫ್ರಾಸ್ ಲ್ಹಾನ್ ಭುರ್ಗ್ಯಾಂಕ್, ತಶೆಂ ಎಲ್.ಕೆ,ಜಿ, ಆನಿ ಯು.ಕೆ.ಜಿ, 1-3, 4-7, ಆನಿ 8-10 ಚ್ಯಾ ಭುರ್ಗ್ಯಾಂಕ್ ವಿವಿಧ್ ರೀತಿಚೆ ನೆಸ್ಣಾ ಸ್ಪರ್ಧೊ ಮಾಂಡುನ್ ಹಾಡ್ಲೊ.

 

ಲ್ಹಾನ್ ಭುರ್ಗ್ಯಾಂಚ್ಯಾ ಸ್ಪರ್ಧ್ಯಾಂತ್ ಪ್ರೇಯಾ ಕೊರೆಯಾ ಆನಿ ಎಲಿನಾ ಪಾಯ್ಸ್, ಎಲ್.ಕೆ,ಜಿ ಆನಿ ಯು.ಕೆ.ಜಿ. ವಿಭಾಗಾಂತ್ ಸೆನೊರಾ ಡಿಸೋಜಾ ಆನಿ ವಿಲ್ಷಾ ಡಿಆಲ್ಮೇಡಾ. 1 -3, ವಿಭಾಗಾಂತ್ ಡೆರ್ವಿನ್ ಡಿಸೋಜಾ ಆನಿ ನಿಧಿ ಡಿಸೋಜಾ, 4-7, ವಿಭಾಗಾಂತ್ ಸ್ಟೆನೆನೀಲಾ ಡಿಸೋಜಾ ಆನಿ ರಿಶೀಕಾ ಮೊತೇರೊ, 8-10 ವಿಭಾಗಾಂತ್ ಸಿಂಡಿ ರೆಬೆಲ್ಲೊ ಹಾಣಿ ಅನುಕ್ರಮಾರ್ ಪಯ್ಲೆಂ ಆನಿ ದುಸ್ರೆ ಸ್ಥಾನ್ ಅಪ್ಣಾಂವ್ನ್ ಇನಾಮಾ ಜಿಕುನ್ ಘೆತ್ಲಿ.

ಕಾರ್ಯಕ್ರಮಾಕ್ ವಿಗಾರ್ ಮಾ|ಬಾ|ಅನಿಲ್ ಸೋಜಾನ್ ಅಧ್ಯಕ್ಷ್‍ಪಣ್ ಘೆಂವ್ನ್ ‘ಅಸಲೆಂ ಸ್ಪರ್ಧೆ ಕೆದಾಳಾರ್‍ಯಿ ಮಾಂಡುನ್ ಹಾಡಿಜೆ, ಭುರ್ಗ್ಯಾಂಕ್ ವ್ಹಡಿಲಾನಿಂ ಬರ್ಯಾ ರೀತಿನ್ ತಯಾರಾಯ್ ಕೆಲ್ಯಾ, ಆನಿಕೀ ತಾಂಕಾ ನಿರ್ದೇಶನಾಚಿ ಗರ್ಜ್ ಆಸಾ. ಅಸಲ್ಯಾ ಸ್ಪರ್ಧ್ಯಾ ಥಾವ್ನ್ ಭುರ್ಗ್ಯಾಂಚಿ ಸುಪ್ತ್ ದೆಣಿ ಉಜ್ವಾಡಾಕ್ ಯೆತಾಂ, ತಾಂಕಾ ಪ್ರೇರಣ್ ಲಾಭ್ತಾ.’ ಮ್ಹಣ್ತಾಂ, ಕಾರ್ಯೆ ಮಾಂಡುನ್ ಹಾಡ್ಲ್ಯಾ ಐ.ಸಿ.ವೈ.ಎಮ್ ಸಂಘಟನಾಕ್ ಆನಿ ಜಿಕಲ್ಯಾಂಕ್ ಅಭಿನಂದನ್ ಪಾಠಯ್ಲೆಂ.

ವರವ್ಣಿದಾರ್ ಜಾಲ್ಯಾ ಸಾಂತ್ ಜೋಸೆಫ್ ಹಾಯರ್ ಪ್ರೈಮರಿ ಇಸ್ಕೊಲಾಚಿ ಮುಖೇಲ್ ಮೇಸ್ತ್ರಿಣ್ ಸಿಸ್ಟರ್ ಕೀರ್ತನಾನ್ ಆಪ್ಲಿ ಭೊಗ್ಣಾ ಉಚಾರ್ಲಿ. ಅನ್ಯೆಕ್ಲೆ ವರವ್ಣೆದಾರ್ ಶಿಕ್ಷಕಿ ಮರ್ಲಿನ್ ನಜೆರೆತ್ ಜಾವ್ನಾಸ್ಲಿ. ಐ.ಸಿ.ವೈ.ಎಮ್ ಅಧ್ಯಕ್ಷಿಣ್ ರೋಶಲ್ ಡಿಆಲ್ಮೇಡಾನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ಡೋರಿನ್ ಫೆರ್ನಾಂಡಿಸಾನ್ ಧನ್ಯವಾದ್ ಪಾಠಯ್ಲೆಂ. ಕಾರ್ಯಕ್ರಮ್ ಅಶ್ಮಿತಾ ಕೊರೆಯಾನ್ ಕಾರ್ಯೆ ನಿರ್ವಹಣ್ ಕೆಲೆಂ.

 




More News

ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ

Comment Here