ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ಕಮ್ಯುನಿಟಿ ಹೆಲ್ಪ್ ಲಾಯ್ನ್ ಸೆಂಟರ್ ಉದ್ಘಾಟನ್ ಪ್ರದೇಶ್ ಕಮ್ಯುನಿಟಿ

ಕುಂದಾಪುರ್, ಸೆ:6: ಆಮ್ಚ್ಯಾ ಕ್ರಿಸ್ತಾಂವ್ ಸಮೂದಾಯೆಚ್ಯಾ ಲೊಕಾಂಕ್ ಥರಾವಳ್ ಥರಾಚ್ಯೊ ಸವಲತ್ಯೊ, ಕುಮೊಕ್, ಸರ್ಕಾರಾ ಥಾವ್ನ್ ಅಲ್ಪ್ ಸಂಖ್ಯಾಕ್ ಲೊಕಾಂಕ್ ಮ್ಹಣ್ಚೆ ಆಮ್ಕಾಂ ಕ್ರಿಸ್ತಾಂವಾಕ್ ಸಭಾರ್ ಥರಾಂಚಿ ಸವ್ಲತ್ಯೊ ಮೆಳ್ತಾತ್. ಹಾಚೊ ಪೂರ್ತೊ ಉಅಪಯೋಗ್ ಆಮ್ಚಿ ಸಮುದಾಯ್ ಕರ್ನ್ ಘೆನಾನಾ. ದೆಕುನ್ ಹಾಚ್ಯೊ ಉಪಯೋಗ್ ಆಮ್ಚ್ಯಾ ಕ್ರಿಸ್ತಾಂವ್ ಲೊಕಾಂನಿ ಕರ್ನ್ ಘೆಂವ್ಚ್ಯಾ ಖಾತಿರ್ ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ಹಾಣಿ ಆಮ್ಚ್ಯಾ ಸಮುದಾಯೆಕ್ ಲಾಗೊನ್ ಕಮ್ಯೂನಿಟಿ ಹೆಲ್ಪ್ ಲಾಯ್ನ್ ಸೆಂಟರ್ ಮ್ಹಳೊ ಸಂಸ್ಥೊ, ಉಡುಪಿ ದುಖಿ ಸಾಯ್ಬಿಣಿಚ್ಯಾ ಇಗರ್ಜೆ ಸಾಲಾಂತ್ ಬೋವ್ ಮಾ|ವಿಗಾರ್ ಜೆರಾಲ್ ಮೊನ್ಸಿಜೆಂರ್ ಬಾಪ್ ಬ್ಯಾಪ್ಟಿಸ್ಟ್ ಮಿನೇಜೆಸಾಚ್ಯಾ ಆಶಿರ್ವಚನಚ್ಯಾ ಖಾಲ್ ಡಿಸಿಲ್ವಾ ಫೌಂಡೇಶನಾಚ್ಯಾ ಚೇಯೆರ್‍ಮೇನ್ ಜಾನ್ ಡಿಸಿಲ್ವಾನ್ ಉಗ್ತಾವಣ್ ಕೆಲೆಂ.

ಮೊನ್ಸಿಜೆಂರ್ ಬ್ಯಾಪ್ಟಿಸ್ಟ್ ಮಿನೇಜೆಸ್ ಬಾಪಾನ್ ಹೆಂ ಹೆಲ್ಪ್ ಲಾಯ್ನ್ ಸೆಂಟರ್ ‘ಆಮ್ಚ್ಯಾ ಸಮುದಾಯಾಕ್ ಬರೆಪಣ್ ಹಾಡುಂದಿ, ಹಾಚೊ ಉಪಯೋಗ್ ಆಮ್ಚ್ಯಾ ಸಮುದಾಯೆಚ್ಯಾ ಲೊಕಾನಿಂ ಜೊಕ್ತ್ಯಾ ರೀತಿ ಜೊಡ್ನ್ ಘೆಜೆ. ಹ್ಯಾ ವರ್ವಿಂ ಆಮ್ಚ್ಯಾ ಸಮುದಾಯೆಕ್ ಬರೆಪಣ್ ಲಾಭೊಂಧಿ’ ಮ್ಹಣನ್ ತಾಣಿ ಸಂದೇಶ್ ದಿಲೊ.

ಹ್ಯಾ ಸೆಂಟರಾಕ್ ಕಂಪ್ಯುಟರ್ ಆನಿ ಹೇರ್ ಸವ್ಲತ್ ದಾನ್ ದಿಲ್ಯಾ ಜಾನ್ ಡಿಸಿಲ್ವಾ ದಂಪತಿಕ್ ಕಥೊಲಿಕ್ ಸಭಾ ಥಾವ್ನ್ ಸನ್ಮಾನ್ ಕೆಲೊ. “ಎಕಾ ಕಾಳಾರ್ ಆಮ್ಚೊ ಸಮುದಾಯ್ ಮುಖ್ಲ್ಯಾ ಪಾಂವ್ಡಾರ್ ಆಸಲ್ಲೊ, ಆತಾಂ ಪಾಟಿಂ ಪಡ್ಲಾಂ, ತಶೆಂ ಜಾಯ್ನಾಯೆ, ಪರತ್ ಆಮ್ಚ್ಯಾ ಸಮುದಾಯೆಚ್ಯಾನಿಂ, ಶಿಕಾಪ್, ವೈದ್ಯಕೀಯಾ ಸೇವಾ, ಸರಕಾರಿ ಕ್ಷೇತ್ರಾಂತ್ ಮುಖಾರ್ ಪಾವಾಜೆ, ಸರ್ಕಾರಾಂ ಥಾವ್ನ್ ಮೆಳ್ಚ್ಯೊ ಸವ್ಲತ್ಯೊ ಆತಾಂ ಆಮಿ ಸಾರ್ಕೆಂ ಮಾಪಾನ್ ಗಳ್ಸುನ್ ಘೆನಾಂವ್, ಆತಾಂ ತೆಂ ಆಮಿ ಗಳ್ಸುಂಕ್ ಜಾಯ್’ ಮ್ಹಣನ್ ಸಂದೇಶ್ ದಿಲೊ.

ಮೈನಾರೊಟಿ ವೆಲ್‍ಫಾರ್ ಡಿಪಾರ್ಟ್‍ಮೆಂಚೊ ಕೊ ಒರ್ಡಿನೇಟರ್ ಅಜಯ್ ಡಿಸೋಜಾನ್ ಅಲ್ಪ ಸಂಖ್ಯಾಕ್ ಸರ್ಕಾರಾ ಥಾವ್ನ್ ಮೆಳ್ಚ್ಯಾ ಸವಲತ್ ಆನಿ ಸ್ಕಾಲರ್‍ಶಿಫ ವಿಶ್ಯಾಂತ್ ಮಾಹೆತ್ ದಿಲಿ. ಖಂಯ್ಚಿಯಿ ಇಸ್ಕೊಲಾಂ ಸ್ಕಾಲರ್‍ಶಿಪ್ ಅರ್ಜೆಕ್ ದಸ್ಕತ್ ಕರಿನಾ ಜಾಲ್ಯಾರ್ ಮ್ಹಾಕಾ ವ ಬಿ.ಒ. ಕ್ ಕಳಯ್ಜೆ ಮ್ಹಣನ್ ತಾಣಿ ಕಳಯ್ಲೆಂ.. ಕಮ್ಯೂನಿಟಿ ಹೆಲ್ಪ್ ಲಾಯ್ನ್ ಸೆಂಟರ್ ಹಾಚೊ ಸಂಚಾಲಕ್ ಡಾ| ಜೆರಾಲ್ಡ್ ಪಿಂಟೊ ಹಾಣಿ ‘ಹೆಂ ಸೆಂಟರ್ ಆಮಿ ಆಮ್ಚ್ಯಾ ಸಮುದಾಯೆಚ್ಯಾ ಲೊಕಾಂಚ್ಯಾ ಕುಮ್ಕೆ ಖಾತಿರ್ ಕೆಲ್ಯಾ ಹಾಚೊ ಫಾಯ್ದೊ ಜೋಡ್ನ್ ಘೆಯ್ಜೆ’ ಮ್ಹಣಾಲೊ. ವೇದಿರ್ ಅಧ್ಯಾತ್ಮಿಕ್ ನಿರ್ದೇಶಕ್ ಮಾ|ಬಾ|ಫರ್ಡಿನಾಂಡ್ ಗೊನ್ಸಾಲಿಸ್, ಹೆಲ್ಪ್ ಲಾಯ್ನ್ ಸೆಂಟರಾಚೊ ಸಹ ಸಂಚಾಅಲಕ್ ಎಲ್ರೊಯ್ ಕಿರಣ್ ಕ್ರಾಸ್ಟೊ, ಮಾಜಿ ಅಧ್ಯಕ್ಷ್ ವಿಲಿಯಂ ಮಚಾದೊ ಹಾಜರ್ ಆಸ್ಲೆಂ. ಅಧ್ಯಕ್ಷ್ ವಾಲೇರಿಯನ್ ಫೆರ್ನಾಂಡಿಸಾನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ಜೆಸಿಂತಾ ಕುಲಾಸೊನ್ ಧನ್ಯವಾದ್ ಪಾಟಯ್ಲೆ. ಮ್ಯಾಕ್ಷಿಮ್ ಡಿಸೋಜಾನ್ ಕಾರ್ಯೆ ಚಲವ್ನ್ ವೆಲೆಂ.

ಹ್ಯಾ ಕಮ್ಯುನಿಟಿ ಹೆಲ್ಪ್ ಲಾಯ್ನ್ ಸೆಂಟರಾ ಥಾವ್ನ್ ಮಾಹೆತ್, ಜಾಣ್ವಾಯ್, ಕುಮೊಕ್ ಆಶೆತೆಲ್ಯಾನಿಂ ಸಂಚಾಲಕ್ ಡಾ| ಜೆರಾಲ್ಡ್ ಪಿಂಟೊ – 9448480248 ಆನಿ ಸಹ ಸಂಚಾಲಕ್ ಕಿರಣ್ ಕ್ರಾಸ್ಟೊ – 9448255222 ಹಾಂಕಾ ಸಂಪರ್ಕ್ ಕರ್ಯೆತ್

---

---

---

More News

---