ಮಂಗಳೂರು:ಲಾರಿಯಡಿಗೆ ಬಿದ್ದು ಬಾಲಕಿ ಸಾವನ್ನಪ್ಪಿದ ಘಟನೆ ಮಂಗಳೂರಿನ ಅಳಕೆಯಲ್ಲಿ ನಡೆದಿದೆ. ಮೃತಪಟ್ಟ ಬಾಲಕಿಯನ್ನು ರಚನಾ ಪೈ(೮ವರ್ಷ) ಎಂದು ಗುರುತಿಸಲಾಗಿದೆ. ನಿನ್ನೆ ಸಂಜೆ ವೇಳೆ ತಂದೆ ರಮಾನಂದ ಪೈ ಜೊತೆ ಮಗಳು ರಚನಾ ಪೈ ಆಕ್ಟಿವಾದಲ್ಲಿ ಮಾರ್ಕೆಟ್ ಗೆ ತೆರಳಿ ಮನೆಗೆ ವಾಪಾಸಾಗುತ್ತಿದ್ದ ವೇಳೆ ಅಳಕೆ ಸಮೀಪ ಆಕ್ಟಿವಾ ಸ್ಕಿಡ್ ಆಗಿ ರಚನಾ ಪೈ ನೆಲಕ್ಕುರುಳಿದ್ದಾಳೆ. ಪರಿಣಾಮ ಹಿಂದಿನಿಂದ ಬಂದ ಲಾರಿಯೊಂದು ಆಕೆಯ ಮೇಲೆಯೇ ಹರಿದುಹೋಗಿದೆ.ಗಂಭೀರ ಗಾಯಗೊಂಡ ಬಾಲಕಿಯನ್ನು ತಕ್ಷಣ ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೇ ರಚನಾ ಪೈ ಸಾವನ್ನಪ್ಪಿದ್ದಾಳೆ.
ರಚನಾ ಪೈ ಮಂಗಳೂರಿನ ಕೆನರಾ ಸ್ಕೂಲ್ ನ ಮೂರನೇ ತರಗತಿ ವಿದ್ಯಾರ್ಥಿನಿಯಾಗಿದ್ದಳು.ಘಟನೆ ಕುರಿತಂತೆ ಬರ್ಕೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.