Monday 23rd, October 2017
canara news

ಆಳ್ವಾಸ್ ನಲ್ಲಿ ವರಿಷ್ಠ ಕ್ರೀಡಾಕೂಟ 2017

Published On : 08 Oct 2017   |  Reported By : Gurudatt Somayaji


ಮಿಜಾರು ಆಳ್ವಾಸ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಗ್ರಾಮೀಣ ಜಾನಪದ ಕ್ರೀಡೆಗಳ ಅನನ್ಯ ಲೋಕವನ್ನು ತೆರೆದಿಡುವ ವರಿಷ್ಠ ಕ್ರೀಡಾಕೂಟ-2017 ನ್ನು ಮೂಡಬಿದ್ರೆಯ ಉದ್ಯಮಿ ದೇವಿಪ್ರಸಾದ್ ಶೆಟ್ಟಿ ಉದ್ಘಾಟಿಸಿದರು .

ಅವರು ಈ ಸಂದರ್ಭದಲ್ಲಿ ಮಾತನಾಡಿ, ವಿದ್ಯಾರ್ಥಿಗಳು ಕ್ರೀಡೆಯನ್ನು ವಿದ್ಯಾಭ್ಯಾಸಕ್ಕೆ ಪೂರಕವಾಗಿ ರೂಪಿಸಿಕೊಳ್ಳಬೇಕು . ನಮ್ಮ ಸಂಪ್ರದಾಯ ಮತ್ತು ಸಂಸ್ಕೃತಿಯನ್ನು ಉಳಿಸುವಲ್ಲಿ ಗ್ರಾಮೀಣ ಕ್ರೀಡೆಗಳು ಮಹತ್ತರ ಪಾತ್ರ ವಹಿಸುತ್ತವೆ . ಕ್ರೀಡಾಲೋಕಕ್ಕೆ ಭಾರತದ ಕೊಡುಗೆ ಅಪಾರ. ಹಿರಿಯರು ಬಿಟ್ಟುಹೋದ ಈ ಸಂಸ್ಕೃತಿಯನ್ನು ನಾವು ಉಳಿಸಿ ಬೆಳೆಸಿಕೊಳ್ಳಬೇಕು . ಆಧುನಿಕ ಕ್ರೀಡೆಯ ಜೊತೆಗೆ ವರಿಷ್ಠ ಕ್ರೀಡಾಕೂಟ ಆಯೋಜಿಸುವ ಮೂಲಕ ಆಳ್ವಾಸ್ ಸಂಸ್ಥೆ ಜಾನಪದ ಕ್ರೀಡೆಗೂ ಪ್ರೋತ್ಸಾಹ ನೀಡುತ್ತಿರುವುದು ಗ್ರಾಮೀಣ ಜಾನಪದ ಕ್ರೀಡೆಗಳನ್ನು ಉಳಿಸಿ ಬೆಳೆಸುವುದಕ್ಕೆ ದಿಟ್ಟ ಹೆಜ್ಜೆ ಎಂದರು.

ಕ್ರಿಕೆಟ್, ಫುಟ್ಬಾಲ್ ಮತ್ತು ಆಧುನಿಕ ಕ್ರೀಡೆಗಳು ಗ್ರಾಮೀಣ ಕ್ರೀಡೆಗಳನ್ನು ಮಸುಕಾಗಲು ಬಿಡಬಾರದು . ಬುದ್ಧಿಶಕ್ತಿ , ನಾಯಕತ್ವ ಗುಣಗಳು ಮತ್ತು ಏಕಾಗ್ರತೆಯ ಬೆಳವಣಿಗೆಗೂ ಚನ್ನೆಮಣೆ, ಕುಟ್ಟಿದೊಣ್ಣೆ ಯಂತಹ ಕ್ರೀಡೆಗಳು ಸಹಕಾರಿ ಎಂದು ಅವರು ತಿಳಿಸಿದರು .

ಆಳ್ವಾಸ್ ಇಂಜಿನಿಯರಿಂಗ್ ಕಾಲೇಜು ಪ್ರಾಂಶುಪಾಲ ಡಾ . ಪೀಟರ್ ಫೆರ್ನಾಂಡಿಸ್ ಅತಿಥಿಗಳನ್ನು ಗೌರವಿಸಿದರು .

ಗ್ರೀಷ್ಮ ಕಾರ್ಯಕ್ರಮ ನಿರೂಪಿಸಿದರು . ಸುಹಾಸ್ ವಂದಿಸಿದರು. ಆಳ್ವಾಸ್ ಪದವಿ ಕಾಲೇಜಿನ ಪ್ರಾಂಶುಪಾಲ ಡಾ. ಕುರಿಯನ್, ಕಾರ್ಯಕ್ರಮ ಸಂಯೋಜಕ ಸುರೇಶ ಕೆ.ವಿ., ಡಾ. ಸತ್ಯನಾರಾಯಣ ಉಪಸ್ಥಿತರಿದ್ದರು .

ಎರಡು ದಿನಗಳ ಕ್ರೀಡಾಕೂಟದಲ್ಲಿ ಕುಂಟೆಬಿಲ್ಲೆ, ಬುಗುರಿ , ಕುಟ್ಟಿದೊಣ್ಣೆ , ಲಗೋರಿ , ಕೊತ್ತಳಿಗೆ ಕ್ರಿಕೆಟ್, ಗಿಲ್ಲಿದಾಂಡು, ಅಕ್ಕಿಮುಡಿ ಸ್ಪರ್ಧೆ ಮತ್ತು ಚೌಕಾಬಾರ ಮುಂತಾದ 25 ಕ್ಕೂ ಹೆಚ್ಚಿನ ಗ್ರಾಮೀಣ ಕ್ರೀಡೆಗಳನ್ನು ಆಯೋಜಿಸಲಾಗಿದೆ .




More News

ಅ.28: ಮಂಗಳೂರುನಲ್ಲಿ ತಾರಸಿ ತೋಟ ಕೃಷಿ ತರಬೇತಿ ಶಿಬಿರ
ಅ.28: ಮಂಗಳೂರುನಲ್ಲಿ ತಾರಸಿ ತೋಟ ಕೃಷಿ ತರಬೇತಿ ಶಿಬಿರ
ತುಳಸಿಗಿರೀಶ್ ಬಾಲರಾಮ ರಾವ್ ಹುನ್ನೂರು ನಿಧನ
ತುಳಸಿಗಿರೀಶ್ ಬಾಲರಾಮ ರಾವ್ ಹುನ್ನೂರು ನಿಧನ
ಸಿಎಂ ಸಮ್ಮುಖದಲ್ಲೇ ಕಾಂಗ್ರೆಸ್ ನಾಯಕರಿಬ್ಬರ ತಳ್ಳಾಟ
ಸಿಎಂ ಸಮ್ಮುಖದಲ್ಲೇ ಕಾಂಗ್ರೆಸ್ ನಾಯಕರಿಬ್ಬರ ತಳ್ಳಾಟ

Comment Here