ಮುಂಬಯಿ, ಅ.15: ಬಿಲ್ಲವರ ಅಸೋಸಿಯೇಶನ್ ಮುಂಬಯಿ ಇದರ ಉಪಾಧ್ಯಕ್ಷ, ಮಾಜಿ ಗೌರವ ಪ್ರಧಾನ ಕಾರ್ಯದರ್ಶಿ ಡಾ| ಯು.ಧನಂಜಯ ಕುಮಾರ್, ಇವರ ಮಾತೃಶ್ರೀ, ದಿ| ಕೃಷ್ಣಪ್ಪ ಉಳ್ಳಾಲ ಇವರ ಧರ್ಮಪತ್ನಿ ಉಳ್ಳಾಲದ ಪ್ರಸಿದ್ಧ ನಾಟಿ ವೈದ್ಯೆ ಶ್ರೀಮತಿ ಯು.ಎಚ್ ಲಲಿತ (74.) ಅವರು ಗುರುವಾರ (12.10.2017) ಅಲ್ಪಕಾಲದ ಅಸೌಖ್ಯದಿಂದ ಮಂಗಳೂರಿನ ಉಳ್ಳಾಲ ಉಚ್ಚಿಲದ ಸ್ವನಿವಾಸದಲ್ಲಿ ನಿಧನರಾದರು.
ಮೃತರು ನಾಲ್ಕು ಗಂಡು, ಎಂಟು ಹೆಣ್ಣು ಮಕ್ಕಳು, ಬಂಧುಬಳಗ ಅಗಲಿದ್ದಾರೆ. ಶ್ರೀಮತಿ ಯು.ಎಚ್.ಲಲಿತ ಅವರು ಪ್ರಸಿದ್ಧ ವಂಶ ಪಾರಂಪರಿಕ ನಾಟಿ ವೈದ್ಯರಾಗಿದ್ದು, ರೋಟರಿ ಕ್ಲಬ್ ದೇರಳಕಟ್ಟೆ ಸಂಸ್ಥೆಯು ಇವರಿಗೆ ರೋಟರಿ ಸೇವಾಶ್ರಿ ಪ್ರಶಸ್ತಿ ನೀಡಿ ಗೌರವಿಸಿದೆ.