Friday 29th, March 2024
canara news

ಕಟ್ಕರೆ ಬಾಳೊಕ್ ಜೆಜುಚೆ ಬಾರ್ಷಿಕ್ ಪರ್ಬೆ ದಿಸಾ- ಬಿಸ್ಪ್ ಜೆರಾಲ್ಡ್ ಲೋಬೊ

Published On : 13 Jan 2018   |  Reported By : Bernard D'Costa


“ದೆವಾಚ್ಯಾ ಉತ್ರಾಂಚಾ ಬಳಾನ್ ಆಮ್ಚಿ ಕುಟ್ಮಾ ಭಾಂದುನ್ ಹಾಡ್ಯಾಂ”

ಕುಂದಾಪುರ್, ಜ.12: ‘ದೆವಾಚೆ ಉತರ್ ಸಮ್ಜೊನ್ ಘೆಂವ್ನ್, ದೆವಾಚ್ಯಾ ಉತ್ರಾಂಚಾ ಬಳಾನ್ ಆಮ್ಚಿ ಕುಟ್ಮಾ ಭಾಂದುನ್ ಹಾಡ್ಯಾಂ, ದೆವಾಚೆ ಉತರ್ ದಿಸ್ಪಟ್ಚೆಂ ವಾಚುನ್ ನಿಯಾಳ್ ಕರ್ನ್, ತ್ಯಾ ಭಾಷೆನ್ ಆಮಿ ಚಲೊಂಕ್ ಜಾಯ್’ ಮ್ಹಣನ್. ಕೋಟೆಶ್ವರ್ ಬಾಳೊಕ್ ಜೆಚುಚ್ಯಾ ಆಶ್ರಮಾಂತ್ ಜನವರಿಚ್ಯಾ 11 ತಾರೀಕೆರ್ ಬಾಳೊಕ್ ಜೆಜುಜೆಂ ವಾರ್ಷಿಕ್ ಮಹಾ ಪರ್ಬೆ ದಿಸಾ ಮಹಾ ಬಲಿದಾನ್ ಭೆಟಂವ್ನ್ ಉಡುಪಿ ದಿಯೆಸಿಜಿಚೊ ಬಿಸ್ಪ್ ಬೋವ್ ಮಾನಾಧಿಕ್ ಡಾ|ಜೆರಾಲ್ಡ್ ಐಸಾಕ್ ಲೋಬೊ ಹಾಣಿ ಸಂದೇಶ್ ದಿಲೊ.

‘ಹ್ಯಾ ಮಹಾ ಬಲಿದಾನಾಂತ್ ವಾಂಟೊ ಘೆತ್ಲ್ಯಾ ಕಾರ್ಮೆಲ್ ಮೇಳ್ ಗೋವಾ ಪ್ರಾಂತ್ಯಾಚೊ ಮೊನಿಸ್ಟ್ರಿ ಸುಪೀರಿಯರ್ ಆರ್ಚಿಬಾಲ್ಡ್ ಗೊನ್ಸಾಲ್ವಿಸ್ ಹಾಣಿ ’ದೆವಾಚೆಂ ಉತರ್ ಆಮ್ಚ್ಯಾ ಜಿಣಿಯೆಚೊ ಮೂಲ್ಯಾ ಫಾತರ್ ಜಾವ್ನಾಸಾ. ಪಯ್ಲೆಂ ಕೊಂಕ್ಣೆಂತ್ ದೆವಾಚ್ಯಾ ಉತ್ರಾಂಚೆಂ ಪುಸ್ತಕ್ ನಾತಲ್ಲೆಂ, ಆತಾಂ ಸರ್ವ್ ಭಾಷೆನಿಂ ಬೈಬಲ್ ತರ್ಜುಮೊ ಜಾಲಾ, ಅಮ್ಚ್ಯಾ ಭಾಶೆನ್ ದೆವಾಚೆಂ ಉತರ್ ವಾಚ್ಲ್ಯಾರ್‍ಯಿ, ಆಮ್ಕಾಂ ತೆಂ ಆಮ್ಚ್ಯಾ ಕಾಳ್ಜಾಂತ್ ಪಾವೊಂಕ್ ನಾ, ದೆಕುನ್ ಭಕ್ತಿನ್ ವಾಚುನ್ ದೆವಾಚೆಂ ಉತರ್ ಆಮ್ಚ್ಯಾ ಕಾಳ್ಜಾನಿಂ ಪಾಂವ್ಚ್ಯಾ ಭಾಷೆನ್ ವಾಚುನ್ ಆಮ್ಚಿ ಕಾಳ್ಜಾಂ ಪರಿವರ್ತನ್ ಕರ್ನ್ ಘೆಂವ್ನ್ ಜಿಯೆಂವ್ಯಾ’ ಮ್ಹಣನ್ ತಾಣಿ ಸಂದೇಶ್ ದಿಲೊ.


ಹ್ಯಾ ಮಹಾ ವಾರ್ಷಿಕ್ ಪರ್ಬೆಚ್ಯಾ ಬಲಿದಾನಾಂತ್ ಕುಂದಾಪುರ್ಚೊ ವಿಗಾರ್ ವಾರ್ ಮಾ|ಬಾ| ಅನಿಲ್ ಸೋಜ್ ಯಾಜಕಾಂಚೊ ಎಪಿಸ್ಕೊಪಲ್ ವಿಗಾರ್ ಮಾ|ಬಾ| ಪಿಯುಸ್ ಸೋಜ್, ಕಾರ್ಮೆಲ್ ಸುಪಿರಿಯರ್ ಮಾ|ಬಾ| ಸಾಂತುಮಾಯೆರ್, ಮಾ|ಬಾ|ಫ್ರೆಡ್ ಮಸ್ಕರೇನ್ಹಾಸ್, ಮಾ|ಬಾ|ವಿಶಾಲ್ ಲೋಬೊ, ಮಾ|ಬಾ| ಕ್ಷೇವಿಯರ್ ಪಿಂಟೊ ಮಾ|ಬಾ|ಪ್ರವೀಣ್ ಮಾರ್ಟಿಸ್, ಮಾ|ಬಾ| ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ, ಮಾ|ಬಾ|ಬ್ಯಾಪ್ಟಿಸ್ಟ್, ಮಾ|ಬಾ|ಫ್ರಾನ್ಸಿಸ್, ಮಾ|ಬಾ|ಸಿರಿಲ್, ಮಾ|ಬಾ|ಚಾರ್ಲ್ಸ್, ಮಾ|ಬಾ|ಜೋನ್ ಮೆಂಡೊನ್ಸಾ ಆನಿ ಹೇರ್ ಅನೇಕ್ ಯಾಜಕಾನಿಂ ವಾಂಟೊ ಘೆತ್ಲೊ. ಕುಂದಾಪುರ್ಚೊ ವಿಗಾರ್ ವಾರ್ ಮಾ|ಬಾ| ಅನಿಲ್ ಸೋಜ್ ಹಾಣಿ ಕಟ್ಕರೆ ಯಾಜಾಕಾಂಕ್ ಫೆಸ್ತಾಚೆಂ ಶುಭಾಷಯ್ ಪಾಠಯ್ಲೆಂ. ಕಟ್ಕರೆ ಬಾಳೊಕ್ ಜೆಜುಚ್ಯಾ ಆಶ್ರಮಮಾಚೊ ವ್ಹಡಿಲ್ ಮಾ|ಬಾ|ಎಲಿಯಾಸ್ ಸೋಜಾನ್ ಧನ್ಯವಾದ್ ಪಾಠಯ್ಲೆಂ. ಮಾ|ಬಾ|ರಾಯನ್ ಪಾಯ್ಸಾನ್ ಸ್ವಾಗತ್ ಮಾಗ್ಲೊ.

 

 




More News

ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
ಮಾ.24 ; ಸ್ವಸ್ತಿಕ್ ಫ್ರೆಂಡ್ಸ್ ಕ್ಲಬ್ ಪುಂಜಾಲಕಟ್ಟೆ ಇದರ 40ನೇ ಸಂಭ್ರಮಾಚರಣೆ
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
*ಸೌಹಾರ್ದ ಕಾರ್ಯಕ್ರಮಗಳಿಂದ ಮಾತ್ರವೇ ಸ್ವಾಸ್ಥ್ಯ ಸಮಾಜದ ನಿರ್ಮಾಣ ಸಾಧ್ಯ - ಬಶೀರ್ ಮದನಿ*
 ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ
ಕರ್ನಾಟಕ ಜಾನಪದ ಪರಿಷತ್ತು ಮಹಾರಾಷ್ಟ್ರ ಘಟಕ ದ್ವಿತೀಯ ವಾರ್ಷಿಕೋತ್ಸವ

Comment Here