(ಚಿತ್ರ / ವರದಿ : ರೊನಿಡಾ ಮುಂಬಯಿ)
ಮುಂಬಯಿ, ಎ.15: ಭಟ್ಕಳ ತಾಲೂಕು ಬೋಡಿ ಬಿಲ್ಡಿಂಗ್ ಅಸೋಸಿಯೇಶನ್ ಸಂಸ್ಥೆಯು ಯುಕೆಡಿಬಿಎಫ್ಎ ಕುಮ್ಟಾ ಸಂಸ್ಥೆಯ ಸಹಯೋಗದೊಂದಿಗೆ ಕಳೆದ ಶನಿವಾರ ಸಂಜೆ ಭಟ್ಕಳದಲ್ಲಿ ತಾಲೂಕು ಮಟ್ಟದ ಮಿಸ್ಟರ್ ಭಟ್ಕಳ್-2018 ದೇಹಾಂಡ್ಯ ಸ್ಪರ್ಧೆ ಆಯೋಜಿಸಿತ್ತು.
ಭಟ್ಕಳದ ಸಹಾಯಕ ಪೆÇೀಲಿಸ್ ಆಯುಕ್ತ (ಎಸಿಪಿ) ವೆಲೆಂಟೈನ್ ಡಿ'ಸೋಜಾ ದೀಪ ಪ್ರಜ್ವಲಿಸಿ ಸ್ಪರ್ಧಾ ಕಾರ್ಯಕ್ರಮಕ್ಕೆ ಚಾಲನೆಯನ್ನೀಡಿದರು.
ಇದೇ ಶುಭಾವಸರದಲ್ಲಿ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದ ಲಾಜ್ ವೇಗಸ್ನಲ್ಲಿ ಕಳೆದ ನವೆಂಬರ್ನಲ್ಲಿ ನಡೆದ ಅಂತಾರಾಷ್ಟ್ರೀಯ ಸ್ವಾಭಾವಿಕ ದೇಹಾಂಡ್ಯ (ಬೋಡಿ ಬಿಲ್ಡಿಂಗ್) ಸ್ಪರ್ಧೆಯಲ್ಲಿ ಭಾರತ ರಾಷ್ಟ್ರದಿಂದ ಪ್ರತಿನಿಧಿಸಿದ ವೆಲೆಂಟೈನ್ ಡಿ'ಸೋಜಾ ಅವರನ್ನು ಕಾರ್ಯಕ್ರಮ ಸಂಘಟಕರು ಸನ್ಮಾನಿಸಿ ಅಭಿನಂದಿಸಿದರು. ಡಿ'ಸೋಜಾ ಅವರು ಮಿಸ್ಟರ್ ಭಟ್ಕಳ್-2018 ಸ್ಪರ್ಧಾ ವಿಜೇತರಿಗೆ ಪಾರಿತೋಷಕಗಳನ್ನು ವಿತರಿಸಿ ಅಭಿನಂದಿಸಿದರು.