ಮಂಗಳೂರು: ಸರ್ಕಾರದ ಆದೇಶದ ಪ್ರಕಾರ ಸಾರ್ವಜನಿಕ ಸ್ಥಳದಲ್ಲಿ ಸಿಸಿ ಕ್ಯಾಮರಾ ಅಳವಡಿಸುವುದು ಕಡ್ದಾಯವಾಗಿದೆ ಎಂದು ಡಿಸಿಪಿ ಹನುಮಂತರಾಯ ಹೇಳಿದ್ದಾರೆ. ರಾಜ್ಯ ಸರ್ಕಾರ ಸಾರ್ವಜನಿಕ ಸುರಕ್ಷಾ ಕಾನೂನನ್ನು ಅಂಗೀಕರಿಸಿದ್ದು, ಆ ಪ್ರಕಾರ ಸಿಸಿಟಿವಿ ಅಳವಡಿಕೆ ಕಡ್ಡಾಯವಾಗಿದೆ.
ಶಾಲೆ ಕಾಲೇಜು ಅಪಾರ್ಟ್ ಮೆಂಟ್ ಮತ್ತು ವಾಣಿಜ್ಯ ಕಟ್ಟಡಗಳು ಸೇರಿದಂತೆ ಖಾಸಗಿ ಸಂಸ್ಥೆಗಳು ಸಿಸಿಟಿವಿ ಅಳವಡಿಸಬೇಕು . ಇದು ಕೇವಲ ನೆಪಮಾತ್ರ ಆಗಬಾರದು, ಉತ್ತಮ ರೆಸೊಲ್ಯೂಷನ್ ಇರುವ ಕ್ಯಾಮೆರಾಗಳನ್ನೇ ಅಳವಡಿಸಬೇಕು.ಮತ್ತು ಇದು ಒಂದು ತಿಂಗಳ ದಾಖಲೆ ಸಾಂಗ್ರಹಿಸುವಷ್ಟು ಬ್ಯಾಕ್ ಅಪ್ ಹೊಂದಿರಬೇಕು ಎಂದು ತಿಳಿಸಿದ್ದಾರೆ.