ದಿ ಮೆಂಗ್ಳೂರಿಯನ್ ವೆಲ್ಫೇರ್ ಎಸೋಸಿಯೇಶನ್ ಸಂಸ್ಥಾ ್ಯಚೊ 45ವೊ ವಾರ್ಷಿಕೋತ್ಸವ್

Published On : 07 Dec 2018 | Reported By : Rons Bantwal

ಹೆರಾಂ ಖಾತಿರ್ ಕೆಲ್ಲೆಂ ಕಾಮ್ ಶಾಸ್ವಿತ್ ಉರ್ತಾ-ಆಲ್ಬರ್ಟ್ ಡಬ್ಲ್ಯೂ. ಡಿಸೋಜಾ

ಮುಂಬಯಿ, ಡಿ.07: ದಿ ಮೆಂಗ್ಳೂರಿಯನ್ ವೆಲ್ಫೇರ್ ಎಸೋಸಿಯೇಶನ್ (ರಿ) ವಿದ್ಯಾವಿಹಾರ್ ಹ್ಯಾ ಸಂಸ್ಥ್ಯಾನ್ ಆಪೆÇ್ಲ 45-ವೊ ವಾರ್ಷಿಕೋತ್ಸವ್ ಡಿಸೆಂಬರ್ 2, 2018 ತಾರಿಕೆರ್ ಸಾಂಜೆಚಾ 7.00 ವರಾರ್ ಸಾಂ ಜೂಡ್ ಇಗರ್ಜೆಚಾ ಉಗ್ತೆಂ ಮೈದಾನ್, ಜೆರಿಮೆರಿ, ಮುಂಬಯ್ ಹಾಂಗಾಸರ್ ವ್ಹಡಾ ದಬಾಜ್ಯಾನ್ ಆಚಾರಣ್ ಕೆಲೊ.

45-ವ್ಯಾ ವಾರ್ಷಿಕೋತ್ಸವಾಚೊ ಅಂಗ್ ಜಾವ್ನ್ ಮಟ್ವೆಂ ವೆಧಿಚೆಂ ಕಾರ್ಯೆಂ ಆಸಾ ಕೆಲ್ಲೆಂ. ಮುಖೆಲ್ ಸಯ್ರೆ ಜಾವ್ನ್ ಮೋಡೆಲ್ ಬ್ಯಾಂಕಾಚೊ ಆನಿ ಆಲ್ಡೆಲ್ ಟ್ರಸ್ಟಾಚೊ ಅಧ್ಯಕ್ಷ್, ಪ್ರಿಂಟಾನಿಯಾ ಸಂಸ್ಥ್ಯಾಚೊ ಕಾರ್ಯಾಧ್ಯಕ್ಷ್ ಆಲ್ಬರ್ಟ್ ಡಬ್ಲ್ಯೂ.ಡಿಸೋಜಾ ಆನಿ ಕೊಂಕ್ಣಿ ಕಾರ್ಯಕರ್ತ್ ಆನಿ ಉದ್ಯಮಿ ವಾಲ್ಟರ್ ಡಿಸೋಜಾ, ಜೆರಿಮೆರಿ ಹಾಣಿಂ ವೆಧಿಚೆರ್ ಬಸ್ಕಾ ಘೆತ್ಲಿ.

ಸಂಸ್ಥ್ಯಾಚೊ ಉಪಾಧ್ಯಕ್ಷ್ ವಿನ್ಸೆಂಟ್ ಕಸ್ತೇಲಿನೊ, ಜೆರಾಲ್ ಕಾರ್ಯಾದರ್ಶಿ ಲಿಯೋ ಫೆರ್ನಾಂಡಿಸ್, ಜೆರಿಮೆರಿ ಆನಿ ಖಜನ್ದಾರ್ ರೋಬರ್ಟ್ ಕ್ವಾಡ್ರಸ್ ವೆದಿಚೆರ್ ಆಸೋವ್ನ್ ಆಲ್ಬರ್ಟ್ ಡಿಸೋಜಾ ಹಾಂಕಾಂ ಸಂಸ್ಥ್ಯಾ ತರ್ಫೆನ್ `ಶ್ರೇಷ್ಟ್ ಕೊಂಕಣಿ ಉದ್ಯಮಿ' ಪ್ರಶಸ್ತಿ ಜಾವ್ನ್ ಮಾನ್ ಪತ್ರ್, ಪುಲಾಂ, ಫಳಾಂ, ಶೋಲ್ ಆನಿ ಉರ್ಮಾಲ್ ಬಸೊವ್ನ್ ಸನ್ಮಾನ್ ಕೆಲೊ.

ಆಮಿ ಜೆ ಕಿತೆಂ ಆಮ್ಚೆ ಖಾತಿರ್ ಕರ್ತಾಂವ್ ತೆಂ ಆಮ್ಚೆ ಸಾಂಗಾತಾಚ್ ವ್ಹೆತಾ. ಪುಣ್ ಜೆ ಕಿತೆಂ ಹೆರಾಂ ಖಾತಿರ್ ಕರ್ತಾಂವ್ ತೆಂ ಹಾಂಗಾಸರ್ ಶಾಸ್ವಿತ್ ಉರ್ತಾ. ದಿ ಮೆಂಗ್ಳೂರಿಯನ್ ವೆಲ್ಫೇರ್ ಎಸೋಸಿಯೇಶನ್ ಎಕ್ ಸಂಸ್ಥೊ ಗೆಲೆತ್ಯಾ 45 ವರ್ಸಾಂ ಥಾವ್ನ್ ಕೊಂಕ್ಣಿ ಭಾಸೆಚಾ ಉದರ್ಗತಿ ಖಾತಿರ್ ಅಸಲೊ ನಿರಂತರ್ ವಾವ್ರ್ ಕರ್ನ್ ಆಸಾ ಮ್ಹಣೊನ್ ಆಲ್ಬರ್ಟ್‍ನ್ ಸಂಸ್ಥ್ಯಾಚಾ ಕಾಮಾಂ ವಿಶಿಂ ಶಾಬಾಸ್ಕಿ ದಿಲಿ. ಥೊಡ್ಯಾ ವರ್ಸಾಂ ಆಧಿಂ ತಾಣೆಂ ಕೊಂಕ್ಣಿ ಭುರ್ಗ್ಯಾಂಕ್ ತಾಂತ್ರಿಕ್ ಶಿಕಾಪ್ ಲಾಭಾಶೆಂ ಕರುಂಕ್ ಬೊರಿವ್ಲಿಂತ್ ತಾಂತ್ರಿಕ್ ಕೊಲೆಜಿಚಿ ಸುರ್ವಾತ್ ಕೆಲ್ಲಿ ಆನಿ ಉಪ್ರಾಂತ್ ತಾಣೆ ಫಾಲ್ಘಾರಾಂತ್ (ಮಹಾರಾಷ್ಟ್ರ) ಆಸಾ ಕೆಲ್ಲ್ಯಾ ಶಿಕ್ಪಾ ಸಂಕುಲಾ ವಿಶಿಂ ಮ್ಹಾಹೆತ್ ದಿಲಿ. ಆನಿ ಬೇಂಕಾ ವಿಶಿಂ ಉಲವ್ನ್, ಮೋಡೆಲ್ ಕೋ.ಆಪರಟಿವ್ ಬೇಂಕ್ ಸದ್ದಾ ್ಯಕ್ ಎಕ್ ಶೆಡ್ಯೂಲ್ಡ್ ಬೇಂಕ್ ಜಾಂವ್ಚಾರ್ ಆಸಾ ಮ್ಹಣೊನ್ ಸಾಂಗ್ತಾನಾ ಹಾಜಿರ್ ಆಸ್ಲ್ಯಾ ಪ್ರೇಕ್ಷಕಾನಿಂ ತಾಳಿಯ್ಯಾಂಚಾ ಶಿಂವೊರಾನ್ ಆಪೆÇ್ಲ ಸಂತೊಸ್ ವ್ಯಕ್ತ್ ಕೆಲೊ. ಪ್ರಸ್ತುತ್ ತೊ ಮೋಡೆಲ್ ಕೋ-ಓಪರಟಿವ್ ಬೇಂಕಾಚೆ ಅಧ್ಯಕ್ಷ್ ಜಾವ್ನಾಸಾ.

ಸಾಂಗಾತಾಚ್ ರುಡೊಲ್ಫ್ ರೆಬೆಲ್ಲೊ (ಸಂಸ್ಥ್ಯಾಚೊ ಆದ್ಲೊ ಅಧ್ಯಕ್ಷ್), ಲೊರೆನ್ಸ್ ಕುವೆಲ್ಲೊ (ಸಂಪಾದಕ್ ದಿವೊ ಹಪ್ತಾ ್ಯಳೆಂ), ಕ್ಲೆಮೆಂಟ್ ಲೋಬೊ, ಬೆನೆದಿಕ್ಟಾ ರೆಬೆಲ್ಲೊ (ಮೋಡೆಲ್ ಬ್ಯಾಂಕಾಚೆ ದಿರೆಕ್ತೊರ್), ಬ್ಲಾ ್ಯನಿ ಡಿಕೋಸ್ಟಾ (ಗಾಯಕ್), ದೆವಿಕಾ ಮೊಂತೆರೊ (ಗಾಯಕಿ), ಶಾಂತಿ ಒಲಿವೆರಾ, (ಯೊಗಾ), ಶಾಂತಿ ಬಾರ್ಬೊeóÁ, ಗ್ರೆಗರಿ ನಿಡ್ಡೊಡಿ, ¥sóÉÇ್ಲರಾ ಡಿಸೋಜಾ, ಕಲ್ಮಾಡಿ, (ಸರ್ವ್ ನಾಟಕ್ ಕಲಾಕಾ,ರಾಂ) ಲಿಬರ್ಟ್ ಒಲಿವೆರಾ (ಫಿಲ್ಮ್ ನಟ್), ರೆಜಿನಾಲ್ಡ್ ಸಾಂತುಮಾಯೆರ್, ಬೆನೆದಿಕ್ಟಾ ನಜರೆತ್, ಫಿಲೊಮೆನಾ ರೆಬೆಲ್ಲೊ, ಐರಿನ್ ಮಥಾಯಸ್ ಹಾಂಕಾಂ ತಾಣಿಂ ತಾತಾಂಚಾ ಕ್ಷೇತ್ರಾಂತ್ ದಿಲ್ಲ್ಯಾ ಊಂಚ್ಲ್ಯಾ ಸೆವೆ ಖಾತಿರ್ ಫುಲಾಂಚೆ ತುರೆ ದಿವ್ನ್ ಮಾನ್ ಕೆಲೊ.

ಹ್ಯಾ ಸಂಧರ್ಬಾರ್ ಮನೋರಂಜನಾಚೊ ವಾಂಟೊ ಜಾವ್ನ್ ಸಾಂದ್ಯಾಚ್ಯಾ ಭುರ್ಗ್ಯಾಂ ಥಾವ್ನ್ ಪದಾಂ ಆನಿ ನಾಚ್ ಆಸಾ ಕೆಲ್ಲೆ. ಕುಮಾರಿ ಐನಿಶ್ ಮಥಾಯಸಾನ್ ನಾಚಾ ದ್ವಾರಿಂ ಕಾರ್ಯಾಚಿ ಸುರ್ವಾತ್ ಕೆಲಿ. ಮಿರಾ ರೋಡ್ ಥಾವ್ನ್ ಆಯಿಲ್ಲ್ಯಾ ಶಾಂತಿ ಒಲಿವೆರಾ ಹಿಣೆಂ ಯೊಗಾ ಮಾರಿಫಾತ್ ಲೊಕಾಕ್ ಭಲಾಯ್ಕಿ ಸಾಂಬಾಳುಂಕ್ ಉಲೊ ದಿಲೊ ಆನಿ ಯೋಗಾಚಿಂ ಸಬಾರ್ ಆಸನಾಂ ಕರ್ನ್ ದಾಕಯ್ಲಿಂ. ವಸಯ್ ಥಾವ್ನ್ ಆಯಿಲ್ಲ್ಯಾ ಕಲಾಕಾರಾನಿಂ `ಚಾವಿ' ಮ್ಹಳ್ಳೊ ನಾಟ್ಕುಳೊ ಖೆಳವ್ನ್ ದಾಕಯ್ಲೊ. ತಾಂತುಂ ರೆಜಿನಾಲ್ಡ್ ಸಾಂತುಮಾಯೆರ್, ಆಲ್ಬರ್ಟ್ ಡಿಕೊಸ್ಟಾ, ಹೆನ್ರಿ ಪಿಂಟೊ, ಹಿಲ್ಡಾ ಡಿಸೋಜಾ ಆನಿ ಲೊರೆನ್ಸ್ ಡಿಕೊಸ್ಟಾ ಹಾಣಿಂ ಭಾಗ್ ಘೆತ್ಲೊ. ದೆವಿಕಾ ಆನಿ ಬ್ಲಾನಿ ಡಿಕೊಸ್ಟಾ, ಡೊಕ್ಟರ್ ರೊಶ್ನಿ ಕ್ರಾಸ್ಟಾ, ಮಾನ್ಯುವೆಲ್ ಫೆರ್ನಾಂಡಿಸ್ ಆನಿ ಹೆರಾಂನಿ ಆಪ್ಲ್ಯಾ ಸುಮಧುರ್ ತಾಳ್ಯಾನಿ ಪ್ರೇಕ್ಷಕಾಂಕ್ ಬಸ್ಲೆ ಥಂಯ್ ಧಲಾಶೆಂ ಕೆಲೆಂ. ಕಾರ್ಯಾಕ್ರಮ್ ವೆಳಾರ್ ಸುರ್ವಾತ್ ಜಾಲೆಂ ಆನಿ ಸರ್ವಾಂಕೀ ರುಚ್ಲೆಂ.

ಸಂಸ್ಥ್ಯಾಚೊ ಅಧ್ಯಕ್ಷ್ ಲೋರೆನ್ಸ್ ಡಿಸೋಜಾ ಕಮಾನಿನ್ ಯೆವ್ಕಾರ್ ಮಾಗೊವ್ನ್ ಸಯ್ರಾಚಿಂ ವಳಕ್ ಕರ್ನ್ ಪುಲಾಂ ತುರೆ ದಿವ್ನ್ ಮಾನ್ ಕೆಲೊ. ವಿವಿಧ್ ಶೆತಾನಿಂ ಉತ್ತಿಮ್ ಅಂಕ್ ಘೆವ್ನ್ ಉತ್ತಿರ್ಣ್ ಜಾಲ್ಲ್ಯಾ ವಿಧ್ಯಾಥಿರ್üಂಕ್ ಪ್ರತಿಭಾ ಪುರಸ್ಕಾರ್ ದಿವ್ನ್ ಗೌರವ್ ಕೆಲೊ. ಲೊರೆನ್ಸ್ ಡಿಸೋಜಾ, ಕಮಾನಿ ಆನಿ ಲಿಯೊ ಫೆರ್ನಾಂಡಿಸ್ ಹಾಣಿಂ ಕಾರ್ಯಾ ನಿರ್ವಾಹಣ್ ಕೆಲೆಂ. ರೊಬರ್ಟ್ ಕ್ವಾಡ್ರಸಾನ್ ವಂದಿಲೆಂ.