(ಚಿತ್ರ / ವರದಿ : ರೋನ್ಸ್ ಬಂಟ್ವಾಳ್)

ಮುಂಬಯಿ, ಜ.11: ಒಂಬತ್ತು ಹೊಸ ವಾರ್ಡ್‌ಗಳೊಂದಿಗೆ 2017ರ ನಾಗರಿಕ ಚುನಾವಣೆಯ ನಂತರ ಆಡಳಿತ ಮಹಾಯುತಿ ಮತ್ತು ವಿರೋಧಿ ಮಹಾವಿಕಾಸ್ ಆಘಾಡಿ (ಎಂವಿಎ) ಪಕ್ಷಗಳ ಪ್ರಮುಖ ಸ್ಪರ್ಧೆದೊಂದಿಗೆ ಬೃಹನ್ಮುಂಬಯಿ ಮುನ್ಸಿಪಲ್ ಕಾರ್ಪೊರೇಶನ್ (ಬಿಎಂಸಿ) ಇದೀಗ ಚುನಾವಣೆಗೆ ಸಜಾಗಿದ್ದು ರಾಷ್ಟ್ರದ ಮಾಜಿ ಐಪಿಎಸ್ ಅಧಿಕಾರಿ ಕರ್ನಾಟಕ ಬಿಜೆಪಿ ಮಾಜಿ ಉಪಾಧ್ಯಕ್ಷ ಹಾಗೂ ತಮಿಳುನಾಡು ಬಿಜೆಪಿಯ ಮಾಜಿ ರಾಜ್ಯಧ್ಯಕ್ಷ ಕೆ.ಅಣ್ಣಾಮಲೈ (ಅಣ್ಣಾಮಲೈ ಕುಪ್ಪುಸಾಮಿ) ಮುಂಬಯಿಗೆ ಆಗಮಿಸಿ ಬಿಜೆಪಿ ಅಭ್ಯಥಿಗಳ ಪರ ಚುನಾವಣಾ ಪ್ರಚಾರಕಾರ್ಯದಲ್ಲಿ ತೊಡಗಿಸಿಕೊಂಡರು.

ಕರ್ನಾಟಕ ಕರಾವಳಿಯ ಉಡುಪಿಯಲ್ಲಿ ಸೇವೆಗೈದ ‘ಸಿಂಗಂ’ ಪ್ರಸಿದ್ಧಿಯ ಅಣ್ಣಾಮಲೈ ಅವರು ಮುಂಬಯಿ ಸಾಂತಕ್ರೂಜ್‌ನಲ್ಲಿನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದು ಅವರನ್ನು ಬಿಜೆಪಿ ಮುಂಯಿ ಕಾರ್ಯದರ್ಶಿ ಬಿಮಲ್ ಭೂಟ, ತುಳು-ಕನ್ನಡಿಗ ಧುರೀಣ, ಮುಂಬಯಿ ಬಿಜೆಪಿ ದಕ್ಷಿಣ ಭಾರತೀಯ ಘಟಕದ ಪ್ರಧಾನ ಕಾರ್ಯದರ್ಶಿ ವಿಜಯ್ ಎಸ್.ಶೆಟ್ಟಿ ಪಣಕಜೆ ಮತ್ತಿತರರ ಗಣ್ಯರು ಪುಷ್ಫಗುಪ್ಚವನ್ನಿತ್ತು ಮಹಾನಗರಕ್ಕೆ ಬರಮಾಡಿದರು.

ಬಳಿಕ ಅಣ್ಣಾಮಲೈ ಅವರಿಗೆ ಸಾಥ್ ನೀಡಿದ ವಿಜಯ್ ಎಸ್.ಶೆಟ್ಟಿ ಬಿಜೆಪಿ ಅಭ್ಯಥಿಗಳ ಕ್ಷೇತ್ರಗಳಿಗೆ ಭೇಟಿಯನ್ನಿತ್ತು ಮತಯಾಚನಾ ಕಾರ್ಯದಲ್ಲಿ ತೊಡಗಿಸಿಕೊಂಡರು. ಪಕ್ಷದ ಪರವಾಗಿ ಚುನಾವಣಾ ಪ್ರಚಾರದಲ್ಲಿ ಭಾಗಿಯಾಗಿದ್ದ ಅಣ್ಣಾಮಲೈ ಅವರು ಈ ಬಾರಿ ಬಿಎಂಸಿಯ ಚುಕ್ಕಾಣಿಯು ಬಿಜೆಪಿ ವಶವಾಗಲಿದೆ ಎಂದು ಆಶಯವನ್ನು ವ್ಯಕ್ತಪಡಿಸಿದರು.