ಬರಿ ಜಿಣಿ ಜಿಯೆಂವ್ಕ್ ಕ್ರಿಸ್ತಿ ಶಿಕ್ಷಣ್ ಗರ್ಜ್ - ಕುಂದಾಪುರಾಂತ್ ಕ್ರಿಸ್ತಿ ಶಿಕ್ಷಣ್ ಆರಂಭತ್ಸೋವ್

ಕುಂದಾಪುರ್ ಜೂ.4: ಬೋವ್ ವರ್ಷಾಂಚೆ ಚಾರಿತ್ರಿಕ್ ಇತಿಹಾಸ್ ಆಸಲ್ಲ್ಯಾ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಕ್ರಿಸ್ತಿ ಶಿಕ್ಷಣಾಚೆ ಆರಂಭತ್ಸೋವ್ ಕಾರ್ಯೆ ವಿಂಚಲೆಲ್ಯಾ ಶಿಕ್ಷಕಿಂ, ಏಕ್ ಕುಟಾಮ್, ಭುರ್ಗಿಂ ಆನಿ ವಿಗಾರ್ ಮಾ|ಬಾ|ಅನಿಲ್ ಸೋಜ್ ಹಾಣಿ ದಿವೊ ಪೆಟೊನ್ ಉದ್ಘಾಟನ್ ಕರ್ನ್ ಕ್ರಿಸ್ತಿ ಶಿಕ್ಷಣಾಚೊ ಆರಂಭತ್ಸೋವ್ ಕೆಲೊ.

‘ಭುರ್ಗಿಂ ಲ್ಹಾನ್ ಆಸ್ತಾನಂಚ್ ಜಿಣಿಯೆಚೆ ಮೌಲ್ಯಾ ತಾಂಕಾ ಶಿಕಯ್ಲ್ಯಾರ್, ತಾಂಚೆ ಥಂಯ್, ತಿಂ ಗಟ್ ರೊಂಬೊನ್ ವೆತಾತ್. ವ್ಹಡಿಲಾನಿಂ ಕೇವಲ್ ಇಸ್ಕೊಲಾಚೆಂ ಶಿಕ್ಷಣಾ ಥಂಯ್ ಚತ್ರಾಯ್ ಘೆತ್ಲ್ಯಾರ್ ಪಾವಾನಾ. ದೊತೊರ್ನಿಚ್ಯಾ ಶಿಕ್ಷಣಾ ಥಂಯಿ ಚತ್ರಾಯ್, ಗಮನ್ ದಿಜೆ. ಕಶೆಂ ಎಕಾ ಘರಾಕ್ ಭದ್ರ್ ಪಂಚಾಂಗಾಚೆ ಬುನ್ಯಾದ್ ಗರ್ಜ್‍ಗಿ ತಶೆಂ ಭುರ್ಗ್ಯಾಂಚ್ಯಾ ಬರ್ಯಾ ಜಿವಿತಾಕ್ ದೊತೊರ್ನ್ ಬುನ್ಯಾದ್ ಜಾವ್ನಾಸಾ. ಜೆಜು ಕ್ರಿಸ್ತಾನ್ ಆಮ್ಕಾಂ ಬರೆ ಜಿವಿತ್ ಜಿಯೆಂವ್ನ್, ಸಾಸ್ಣಿಕ್ ಜಿವಿತ್ ಜೊಡುಂಕ್ ಶಿಕ್ಷಣ್ ದಿಲ್ಯ, ತಿಂ ಕ್ರಿಸ್ತಿ ಶಿಕವ್ಣ್ ಶಿಕೊನ್ ಜಿಣಿ ಸುಫಳ್ ಕರ್ಯಾಂ. ಭುರ್ಗಿಂ ವ್ಹಡಿಲಾಂಚೊ ಪಾಟ್ಲಾವ್ ಕರ್ತಾತ್, ದೆಕುನ್ ವ್ಹಡಿಲಾನಿಂ ಬರೆ ಆದರ್ಶ್ ಜಿವಿತ್ ಜಿಯೆಜೆ. ಕೊಣಾಕ್ ಸಮಾಧಾನ್ ಸಂತೊಷ್ ನಾಂಗಿ, ತಾಂಕಾಂ ದೆವಾಚೊ ಮೋಗ್ ನಾ ಮ್ಹಣನ್ ಅರ್ಥ್. ಕ್ರಿಸ್ತಿ ಶಿಕ್ಷಣ್ ದಿಂವ್ಚಿ ಶಿಕ್ಷಂಕಿ ತಾಂಚೊ ವೇಳ್, ಸಂತೊಂಷ್ ತ್ಯಾಗ್ ಕರ್ನ್ ಭುರ್ಗ್ಯಾಂಕ್ ಕ್ರಿಸ್ತಿ ಶಿಕ್ಷಣ್ ದಿತಾತ್. ತಾಂಕಾ ಆಮಿ ಗೌರವ್ ದಿಂವ್ಯಾ’ ಮ್ಹಣನ್ ವಿಗಾರ್ ಬಾಪಾನ್ ಸಂದೇಶ್ ದಿಲೊ.

ಹ್ಯಾ ಕಾರ್ಯ ವೇಳಾರ್ ವಿಗಾರ್ ಬಾಪಾನ್ ಕ್ರಿಸ್ತಿ ಶಿಕ್ಷಣಾಚೆ ಪುಸ್ತಕ್ ಶಿಕ್ಷಕಾಂಕ್ ಹಸ್ತಾಂತರ್ ಕೆಲೆಂ. ಆನಿ ಸಾಂಕೇತಿಕ್ ಜಾವ್ನ್ ಭುರ್ಗ್ಯಾಂಕ್ ಕ್ರಿಸ್ತಿ ಶಿಕ್ಷಣಾ ಖಾತಿರ್ ಶಿಕ್ಷಕಾಂಚ್ಯಾ ತಾಬೆನ್ ದಿಲೆಂ. ತಶೆಂಚ್ ಕ್ರಿಸ್ತಿ ಶಿಕ್ಷಣ್ ಶಿಕಂವ್ಚ್ಯಾ ಶಿಕ್ಷಕಾಂನಿಂ ಪೆಟಲ್ಯೊ ವಾತಿ ಹಾತಾ ಘೆಂವ್ನ್ ಪ್ರತಿಜ್ಞಾ ವಿಧಿ ಕೆಲಿ.

ಹ್ಯಾ ವೇಳಾ ನಿತಿ ಶಿಕ್ಷಣ್ ದಿಂವ್ಚಿ ಸರ್ವ್ ಶಿಕ್ಷಂಕಿ, ವಿಗಾರ್ ಆನಿ ಫಿರ್ಗಜ್ ಲೋಕಾಂ ಸವೆಂ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ಕ್ರಿಸ್ತಿ ಶಿಕ್ಷಣ್ ಶಿಕ್ಷಕ್ ಸಂಯೋಜಕಿ ಶಾಂತಿ ಬಾರೆಟ್ಟೊ, ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಸರ್ವ್ ಆಯೊಗಾಚಿ ಸಂಚಾಲಕಿ ಪ್ರೇಮಾ ಡಿಕುನ್ಹಾ ಸಿಸ್ಟರ್ ಸಿಲ್ವಿಯಾ ಆನಿ ಸಭಾರ್ ಧರ್ಮ್ ಭಯ್ಣೊ ಹಾಜರ್ ಆಸ್ಲಿ.

---

---

---

More News

---