ಕೊಂಕ್ಣಿ ಸಂಸ್ಕ್ರತಿ ಜಿವಾಳ್ ದವರ್ಚ್ಯಾಕ್ ಕುಂದಾಪುರ್ ಸ್ತ್ರೀ ಸಂಘಟನಾ ಥಾವ್ನ್ ವೊವಿಯೊ ಸ್ಪರ್ಧೊ

ಕುಂದಾಪುರ್, ಜು. 29: ಕೊಂಕ್ಣಿ ಸಂಸ್ಕ್ರತಿ ಜಿವಾಳ್ ಧವರ್ಚ್ಯಾ ಉದ್ದೇಷಾನ್ ಕುಂದಾಪುರ್ ಸ್ತ್ರೀ ಸಂಘಟನಾ ಥಾವ್ನ್ ಕುಂದಾಪುರ್ ಫಿರ್ಗಜ್ ಮಟ್ಟಾರ್ ವೊವಿಯೊ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಹ್ಯಾ ಸ್ಪರ್ದ್ಯಾಂತ್ 11 ವಾಡ್ಯಾನಿಂ ವಾಂಟೊ ಘೆಂವ್ನ್ ಸುಮಾರ್ ಶೆಂಬರಾ ಫ್ರಾಸ್ ಚಡ್ ವೊವಿಯೊ ಗಾಯ್ತೆಲ್ಯಾನಿಂ ಭಾಗ್ ಘೆಂವ್ನ್ ಆಪ್ಲಿ ತಾಲೆಂತಾ ಪ್ರದರ್ಶನ್ ಕೆಲೆಂ.

 

ಹ್ಯಾ ವೊವಿಯೊ ಸ್ಪರ್ಧ್ಯಾಂತ್ ಸಾಂ.ಜುಜೆ ವಾಜ್ ವಾಡ್ಯಾಗಾರಾನಿಂ ಪ್ರಥಮ್ ಸ್ಥಾನ್ ಅಪ್ಣಾಯ್ಲೆ. ದುಸ್ರೆ ಸ್ಥಾನ್ ನಿತ್ಯಾದರ್ ಮಾಯ್ ವಾಡ್ಯಾಗಾರಾನಿಂ ಅಪ್ಣಾಯ್ಲೆ ತರ್, ತಿಸ್ರೆಂ ಸ್ಥಾನ್ ಕಾರ್ಮೆಲ್ ವಾಡ್ಯಾಗಾರಾನಿಂ ಅಪ್ಣಾಯ್ಲೆ.

ವೇದಿ ಕಾರ್ಯಾಚೆ ಅಧ್ಯಕ್ಷ್ ಪಣ್ ಘೆತ್ಲ್ಯಾ ಮಾ|ಬಾ|ಜೆರಾಲ್ಡ್ ಸಂದೀಪ್ ಡಿಮೆಲ್ಲೊನ್ ‘ವೊವಿಯೊ ಆಮ್ಕಾಂ ಮಾಲ್ಗಡ್ಯಾ ಥಾವ್ನ್ ಆಯ್ಲೆಂ ದಾಯ್ಜ್, ಕಾಜಾರಾ ರೋಸಾಚ್ಯಾ ಕಾರ್ಯಾ ವೇಳಿ ಚಲ್ಚ್ಯಾ ಹ್ಯಾ ಆಮ್ಚ್ಯಾ ಸಂಸ್ಕ್ರತೆ ವರ್ವಿಂ ಮಾಯಾ ಮೋಗ್ ವಾಡ್ತಾ, ವಾಡ್ಯಾ ಥಂಯ್, ಫಿರ್ಗಜೆ ಥಂಯ್ ಎಕ್ವಟ್ ವಾಡ್ತಾ. ಅಸಲಿ ಎಕ್ ಬರಿ ಸಂಪ್ರ್ರದಾಯ್ ಆಮಿ ಜೀವಾಳ್ ದವರ್ಜೆ. ಮಾಲ್ಗಡ್ಯಾ ಥಾವ್ನ್ ಆಯ್ಲಿ ಹಿ ದೆಣ್ಗಿ ಆಮಿ ಸಾಂಬಾಳ್ನ್ ವರ್ನ್ ಮುಖ್ಲ್ಯಾ ಪೀಳ್ಗೆ ಥಂಯ್ ರುತಾ ಜಾಂವ್ಚ್ಯಾ ಬರಿ ಕರಿಜೆ’ ಮ್ಹಣನ್ ತಾಣಿ ಸಂದೇಶ್ ದಿಲೊ.

ವರವ್ಣೆಗಾರ್ ಜಾವ್ನ್ ಎರಿಕ್ ಸೊನ್ಸ್ ಹಾಣಿ ವೊವಿಯೊ ಸ್ಪರ್ದ್ಯಾ ವಿಶ್ಯಾಂತ್ ಅಭಿಪ್ರಾಯ್ ಉಲ್ಲೇಕ್ ಕರ್ನ್ ಥೊಡಿ ಸೂಚನಾಂ ಸಲಹಾ ದಿಲಿ. ಲೀನಾ ತಾವ್ರೊ ಆನಿ ರೊನಾಲ್ಡ್ ರೊಡ್ರಿಗಸ್ ಹಾಣಿಂ ವರವ್ಣೆಗಾರ್ ಜಾವ್ನ್ ಸಹಕಾರ್ ದಿಲೊ. ಫಿರ್ಗಜ್ ಮಂಡಳಿ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ ವೇದಿರ್ ಹಾಜರ್ ಆಸ್ಲಿ

ಸ್ತ್ರೀ ಸಂಘಟನಾಚಿ ಸಚೇತಕಿ ಸಿಸ್ಟರ್ ಪ್ರೇಮಲತಾನ್ ಪ್ರಸ್ತಾವನಾಚಿ ಉತ್ರಾಂ ಉಲಯ್ಲಿ. ಅಧ್ಯಕ್ಷಿಣ್ ಶಾಂತಿ ಬಾರೆಟ್ಟೊನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ವೀಣಾ ಆಲ್ಮೇಡಾನ್ ಧನ್ಯವಾದ್ ಪಾಠಯ್ಲೆಂ. ಲವೀನಾ ಡಿಆಲ್ಮೇಡಾನ್ ಕಾರ್ಯೆ ನಿರ್ವಹಣ್ P

---

---

---

More News

---