ಗುರ್ಕಾರ್ ಮ್ಹಳ್ಯಾರ್ ವಾಡ್ಯಾಚೆ ನೀಜ್ ಸೆವಕ್ - ಬಿಸ್ಪ್ ಜೆರಾಲ್ಡ್ ಲೋಬೊ

ಕುಂದಾಪುರ್, ಅ.7: ಗುರ್ಕಾರ್ ಮ್ಹಳ್ಯಾರ್ ವಾಡ್ಯಾಚೆಂ ನೀಜ್ ಸೆವಕ್ ಜಾವ್ನಾಸಾತ್, ವಾಡ್ಯಾಚಿ ಜವಾಬ್ದಾರಿ ಸಾಂಬಾಳ್ನತಾನಾ ಅಧಿಕಾರ್ ಚಲಂವ್ಚೊ ನ್ಹಯ್. ವಾಡ್ಯಾಚಿ ಸೇವಾ ಮ್ಹಣ್ತಾನಾ ಕೇವಲ್ ಕ್ರಿಸ್ತಾಂವಾಚಿ ಸೇವಾ ಮಾತ್ರ್ ಕರ್ಚಿಂ ನ್ಹಯ್. ಜೆಜುನ್ ಕ್ರಿಸ್ತಾಂವಾಕ್ ಸೇವಾ ದಿಂವ್ಕ್ ನಾತಲ್ಲಿ, ತಾಣೆ ಸರ್ವಾಂಕ್ ಸೇವಾ ಕೆಲಿ, ಕ್ರಿಸ್ತಾಂವ್ ಧರ್ಮ್ ರೂತಾ ಜಾಲ್ಲೊ ಉಪ್ರಾಂತ್, ಅಶೆಂ ಜೆಜುನ್ ಸೇವಾ ದಿಲ್ಯಾ ಬರಿ ಜಾತ್ ಕಾತ್ ಲೆಕಿನಾಸ್ತಾಂ ಕಶ್ಟಾಂತ್ ಆಸ್ಲ್ಯಾ ಸರ್ವಾಂಚಿ ಸೇವಾ ಕರಾ’ ಮ್ಹಣನ್ ಉಡುಪಿ ದಿಯೆಸಿಜಿಚೊ ಬಿಸ್ಪ್ ಭೊ|ಮಾ|ದೊ|ಜೆರಾಲ್ಡ್ ಐಸಾಕ್ ಲೋಬೊನ್ ಸಂದೇಶ್ ದಿಲೊ.

ತೆಂ ಕುಂದಾಪುರ್ ಸೈಂಟ್ ಮೇರಿಸ್ ಜೂ.ಕಾಲೇಜಿಚ್ಯಾ ಸಭಾ ಭವನನಾಂತ್ ಚಲಲ್ಯಾ ವಾರಾಡಾಚ್ಯಾ 6 ಫಿರ್ಗಜೆಂತ್ಲ್ಯಾ ವಾಡಾಚ್ಯಾ ಗುರ್ಕಾರಾಂಕ್ ತರ್ಭೆತಿ ಕಾರ್ಯಗಾರಾಂತ್ ತರ್ಬೆತಿ ದಿಂವ್ನ್ ‘ಕಶ್ಟಾರ್ ಆಸ್ಲ್ಯಾಂಕ್ ಕುಮೊಕ್ ಮೆಳಾಶೆಂ ಪ್ರಯತ್ನ್ ಕರಿಜೆ, ವಾಡ್ಯಾಂತ್ ಶ್ರಮದಾನ್ ಕರಿಜೆ, ಅವಘಡ್ ಮರಣ್ ಅಶೆಂ ದುಖಾಚ್ಯಾ ಘಡಿಯೆ ಆಪವ್ಣ್ಯಾಕ್ ರಾಕಾನಾಸ್ತಾಂ ಖಬರ್ ಮೆಳ್ಯಾಕ್ಷಣ್ ಪಯ್ಲೆಂ ವಚೊನ್ ಗುರ್ಕಾರಾನ್ ಆಧಾರ್ ಜಾಯ್ಜೆ. ಕಾಜಾರ್, ರೋಸ್, ಹೇರ್ ಸಂಭ್ರಮಿಕ್ ಕಾರ್ಯಾವೇಳಿ ಗುರ್ಕಾರಾಕ್ ಆಪವ್ಣೆ ನಾತ್ಲ್ಯಾರ್ ತ್ಯಾ ಕಾರ್ಯಾಕ್ ಹಾಜಾರ್ ಜಾಂವ್ಚಿ ಗರ್ಜ್ ನಾ. ಸೇವಕಾ ಬರಿ ಜವಾಬ್ದಾರಿ ಸಾಂಬಾಳ್ಚ್ಯಾ ತುಮ್ಕಾಂ ಗೌರವ್‍ಯಿ ಮೆಳೊಂಕ್ ಜಾಯ್, ತಶೆಂಚ್ ವಾಡ್ಯಾಂತ್ ಲೋಕಾಂಕ್ ಮೆಳೊಂಕ್ ಜಾಯಾಸ್ಲೆಂ ಸರ್ವ್ ಸವಲತ್ಯೊ ಲಾಭಾಶೆಂ ಕರಿಜೆ, ವಾಡ್ಯಾಂತ್ಲ್ಯಾ ವಾಡ್ಯಾ ಸಮಿತಿ ಥಾವ್ನ್ ಸಹಕಾರ್ ಆಪ್ಣಾವ್ನ್ ಘೆಜೆ. ತಶೆಂಚ್ ವಾಡ್ಯಾಂತ್ ಎಕ್ವಟ್ ಮಾಯಾ ಮೋಗ್ ವಾಡಾವ್ಚ್ಯಾಂತ್ ಪ್ರಯತನ್ ಕರಿಜೆ ವಾಡ್ಯಾ ಜಮಾತ್ಯೊ ಚಲ್ಚ್ಯಾ ಘರ್ಚ್ಯಾನಿಂ ವಾಡ್ಯಾಂತ್ಲ್ಯಾ ಸರ್ವಾಂಕ್ ಆಪವ್ಣೆ ದಿಶೆಂ ಕರ್ನ್ ವಾಡ್ಯಾ ಜಮಾತೆ ವೇಳಾರ್ ಸಾಂದ್ಯಾಪಣಾಂಚಿ ಹಾಜ್ರಿ ಚಡಾಯ್ಜೆ ಜಮಾತೆಂತ್ ಯುವಜಣಾನಿಂ ಚಡಿತ್ ಪಾತ್ರ್ ಘೆಶೆಂ ಪ್ರಯತ್ನ್ ಕರಿಜೆ..’ ಮ್ಹಣನ್ ಸಲಹಾ ದಿಲಿ.

ಕುಂದಾಪುರ್, ಪಿಯುಸ್ ನಗರ್, ಬಸ್ರೂರ್, ಕೋಟೆಶ್ವರ್, ಕೋಟ ಆನಿ ಕಂಡ್ಲುರ್ ಫಿರ್ಗಜೆಚ್ಯಾ ಗುರ್ಕಾರಾನಿಂ ಭಾಗ್ ಕಾಣ್ಘೆಲ್ಯಾ ಕಾರ್ಯಗಾರಾಂತ್ ಸಂಪನ್ಮೂಳ್ ವ್ಯೆಕ್ತಿ ಜಾವ್ನ್ ಆಯ್ಲ್ಯಾ ನಿವ್ರತ್ತ್ ಪ್ರಾದ್ಯಪಕ್ ರೊನಾಲ್ಡ್ ಮೊರಾಸ್ ಹಾಣೆ ಗರ್ಜೆಚಿಂ ಮಾಹೆತ್ ಆನಿ ಜಾಣ್ವಯ್ ದಿಲಿ. ಮೆಲ್ವಿನ್ ಮಸ್ಕರ್ಹೇನಾಸಾನ್ ತರಬೇತಿ ಕಾರ್ಯಗಾರಾಕ್ ಸಹಕಾರ್ ದಿಲೊ. ಪಂಗ್ಡಾ ರೂಪಾರ್ ತರ್ಕ್ ಚಲ್ಲೆಂ. ಕಾರ್ಯಗಾರಾ ವಿಶಿಂ ಬರ್ನಾಡ್ ಜೆ. ಕೋಸ್ತಾ, ಜಾರ್ಜ್  ಬಾರೆಟ್ಟೊ  ಆನಿ ಆಶಾ ಕರ್ವಾಲ್ಲೊ ಹಾಣಿ ಆಪ್ಲಿ ಪ್ರತಿಕ್ರಿಯಾ ವಾಂಟುನ್ ಘೆತ್ಲಿ.

ಕಾರ್ಯಗಾರಚ್ಯಾ ಸುರ್ವೆರ್ ಕುಂದಾಪುರ್ ವಾರಾಡ್ಯಾಚೊ ವಿಗಾರ್‍ವಾರ್ ಮಾ|ಬಾ|ಅನಿಲ್ ಸೋಜಾನ್ ಸಾಗತ್ ಮಾಗೊನ್ ತರ್ಭೆತಿ ಕಾರ್ಯಗಾರಾಕ್ ಶುಭಾಷಯ್ ಪಾಠಯ್ಲೆಂ.

 

---

---

---

More News

---