ಕನ್ನಡ ಕುದ್ರ್ಯಾರ್ ಸಾಂತ್.ಜುಜೆ ವಾಜಾಚಿ ಪರಬ್

ಸಾಂ.ಜುಜೆ ವಾಜ್ ಆಮ್ಕಾಂ ಆದರ್ಶ್, ಆಮ್ಚಿ ಕುಟ್ಮಾ ಆದರ್ಶ್ ಕರ್ಯಾಂ - ಬಿಸ್ಪ್ ಜೆರಾಲ್ಡ್
ಕುಂದಾಪುರ್ ಜಾಲ್ಲೆಂ ವಿಜ್ಮಿತ್ ಒಳ್ಕುನ್ ಘೆಂವ್ಯಾ – ವಿಗಾರ್‍ವಾರ್ ಅನಿಲ್ ಸೋಜ್

ಕುಂದಾಪುರ್, ಗಂಗೊಳ್ಳಿ ಫಿರ್ಗಜೆಚೊ ಎಕ್ ವಾಡೊ ಜಾವ್ನಾಸಾ ಕನ್ನಡ ಕುದ್ರು. ಥಂಯ್ಸರ್ ಸಾಂ.ಜುಜೆ ವಾಜಾಕ್ ಸಮರ್ಪಿತ್ ಕೆಲ್ಲೆಂ ಏಕ್ ಚಾಪೆಲ್ ಆಸಾ. ಥಂಯ್ಸರ್ ಸಾಂ.ಜುಜೆ ವಾಜಾಚಿ ಪರಬ್ ಚಲ್ಲಿ. ಉಡುಪಿಚೊ ಬಿಸ್ಪ್ ಅ|ಮಾ|ದೊ|ಜೆರಾಲ್ಡ್ ಐಸಾಕ್ ಲೋಬೊಚ್ಯಾ ಪ್ರಧಾನ್ ಯಾಜಕ್ಪಣಾಖಾಲ್ ಪವಿತ್ರ್ ಬಲಿದಾನ್ ಭೆಟಂವ್ನ್ ಹಾಂಗಾಸರ್ ಪರಬ್ ಆಚರ್ಸಿಲಿ.

 

ಸಹ ಭೆಟಂವ್ಣಿ ಕೆಲ್ಯಾ ಕುಂದಾಪುರ್ಚೊ ವಿಗಾರ್ ವಾರಾ ಅನಿಲ್ ಸೋಜಾನ್ ದೆವಾಚೆ ಉತರ್ ಮೋಡ್ನ್ ‘ಸಾಂ. ಜುಜೆ ವಾಜ್ ದೆವಾಚೊ ಮನಿಸ್, ಮಿಷನರಿಚೊ ಮನಿಸ್, ಮಾಗ್ಣ್ಯಾಚೊ ಮನಿಸ್, ಮರಿಯೆಚೊ ವಿಶೇಷ್ ಭಕ್ತ್, ಆಮ್ಕಾಂ ಪ್ರೇರಣ್ ದಿಲ್ಲೊ, ಪ್ರೇರಣ ದಿಂವ್ಚೊ, ತೊ ಪ್ರೇರಕ್, ಕೇವಲ್ ತಾಚೆಂ ಖಾತಿರ್ ಇಗರ್ಜ್ಯೊ ಭಾಂದ್ಪಾ, ಭಾಂದ್ಲ್ಯಾರ್ ಪಾವಾನಾ, ಆಮಿ ತಾಚೆಂ ಬರಿ, ಖರಿ ಭಕ್ತ್ ಆಚರ್ಸಿಯಾಂ, ಕುಂದಾಪುರಾಂತ್ ಮಾಗ್ಣ್ಯಾ ವೇಳಾರ್ ದೆವಾನ್ ತಾಕಾ ಅಪ್ಣಾ ಸಂಗಿ ವಾರ್ಯಾರ್ ಉಭಾವ್ನ್ ಘೆತ್ಲೆಂ ಅಜಾಪ್ ಆಮಿ ಸರ್ವಾನಿಂ ಮಾಂದುನ್ ಘೆಯ್ಜೆ’ ಮ್ಹಣನ್ ತಾಣಿ ಆಪ್ಲ್ಯಾ ಸಂದೇಶಾಂತ್ ಕಳಯ್ಲೆ.

ಹ್ಯಾ ಫೆಸ್ತಾ ಬಲಿದಾನಾಂತ್ ಗಂಗೊಳ್ಳಿಚೊ ವಿಗಾರ್ ಮಾ|ಬಾ|ಆಲ್ಬರ್ಟ್ ಕ್ರಾಸ್ತಾನ್ ವಾಂಟೊ ಘೆಂವ್ನ್ ಧನ್ಯವಾದ್ ಪಾಠಯ್ಲೆಂ. ಹೇರ್ ಫಿರ್ಗಜೆಚ್ಯಾ ಸಭಾರ್ ಯಾಜಕಾನಿಂ ಹ್ಯಾ ಬಲಿದಾನಾಂತ್ ವಾಂಟೊ ಘೆತ್ಲೊ. ಹ್ಯಾ ಸಂದರ್ಭಾರ್ ಸಾಂ.ಜುಜೆ ವಾಜಾಚಿ ನವಿ ಇಮಾಜ್ ಗೊವ್ಳಿಕ್ ಬಾಪಾನಿಂ ಆಶಿರ್ವಾದಿತ್ ಕೆಲಿ.

ಸಭಾ ಕಾರ್ಯಕ್ರಮಾಂತ್ ಬಿಸ್ಪ್ ಜೆರಾಲ್ಡ್ ಲೋಬೊನ್ ‘ಸಾಂ. ಜುಜೆ ವಾಜ್ ಆಮ್ಕಾಂ ಆದರ್ಶ್, ತೊ ಆಮ್ಕಾಂ ಪ್ರೇರಣ್ ಜಾಂವ್, ಆಮ್ಚಿಂ ಕುಟ್ಮಾ ಆಮಿ ತಾಚ್ಯಾ ಪ್ರೇರಣಾನ್ ಆದರ್ಶ್ ಕರ್ನ್ ಘೆಂವ್ಯಾ. ಆಮಿ ಸಾಂಗಾತಾ ಮಾಗ್ಯಾಂ, ಸಾಂಗಾತಾ ಜೆಂವ್ಯಾ, ಸಾಂಗಾತಾ ಬಸೊನ್ ಉಲಂವ್ಯಾ’ ಮ್ಹಣನ್ ತಾಣಿ ಸಂದೇಶ್ ದಿಲೊ. ಕನ್ನಡ ಕುದ್ರ್ಯಾರ್ ಜಲ್ಮಾಲ್ಲೊ ಮಾ|ಬಾ| ಪ್ಯಾಟ್ರಿಕ್ ಕ್ರಾಸ್ತಾನ್ ಕುದ್ರ್ಯಾ ವಿಶ್ಯಾಂತ್ ಆಪ್ಲಿ ಭೊಗ್ಣಾ ಉಚಾರ್ಲಿ. ಕನ್ನಡ ಕುದ್ರು ವಾಡ್ಯಾಚಿ ಗುರ್ಕಾರ್ನ್ ಆಗ್ನೆಸ್ ಕ್ರಾಸ್ತಾ, ವೇದಿರ್ ಉಪಸ್ಥಿತ್ ಆಸೊನ್ ಕಾರ್ಯಾಕ್ ಸರ್ವ್ ಗುರ್ಕಾರ್ ಆನಿ ಗೊವ್ಳಿಕ್ ಮಂಡಳೆಚೆಂ ಸಾಂದೆ ಹಾಜರ್ ಆಸ್ಲೆಂ. ಫಿರ್ಗಜೆಚೊ ಉಪಾಧ್ಯಕ್ಷ್ ವಿವಿಯನ್ ಕ್ರಾಸ್ತಾನ್ ಧನ್ಯವಾದ್ ಪಾಠಯ್ಲೆಂ.

 

---

---

---

More News

---