ಪುತ್ತೂರು: ಚೆನ್ನೈನ ವೇಲಚೇರಿ ಎಸ್ಡಿಟಿಎ ಅಕ್ವೇಟಿಕ್ ಕಾಂಪ್ಲೆಕ್ಸಿನಲ್ಲಿ ಜನವರಿ 26ರಿಂದ 28ರ ತನಕ ಜರಗಿದ 30ನೆಯ ದಕ್ಷಿಣ ವಲಯ ಸ್ವಿಮ್ಮಿಂಗ್ ಚಾಪ್ಯನ್ಶಿಪ್ನ 50ಮೀ ಬ್ರೆಸ್ಟ್ ಸ್ಟ್ರೋಕ್ ಸ್ಪರ್ಧೆಯಲ್ಲಿ ಪುತ್ತೂರಿನ ಸಂತ ಫಿಲೋಮಿನಾ ಪ್ರೌಢ ಶಾಲೆಯ 9ನೆಯ ತರಗತಿಯ ವಿದ್ಯಾರ್ಥಿಯಾದ ನೀಲ್ ಮಸ್ಕರೇನ್ಹಸ್ ಕಂಚಿನ ಪದಕವನ್ನು ಗಳಿಸಿರುತ್ತಾರೆ.
ಇವರು ಸಾಮೆತ್ತಡ್ಕ ನಿವಾಸಿಯಾಗಿದ್ದು, ಸಂತ ಫಿಲೋಮಿನಾ ಕಾಲೇಜಿನ ಇತಿಹಾಸ ವಿಭಾಗದ ಸಹ ಪ್ರಾಧ್ಯಾಪಕ ಡಾ| ನೋರ್ಬರ್ಟ್ ಮಸ್ಕರೇನ್ಹಸ್ ಮತ್ತು ಕನ್ಯಾನ ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಉಪನ್ಯಾಸಕಿಯಾಗಿರುವ ಪ್ರಮೀಳಾ ಕ್ರಾಸ್ತಾರವರ ಪುತ್ರ. ಪುತ್ತೂರು ಅಕ್ವಾಟಿಕ್ ಕ್ಲಬ್ನ ಸದಸ್ಯರಾದ ಇವರಿಗೆ ಪರ್ಲಡ್ಕ ಡಾ| ಶಿವರಾಮ ಕಾರಂತ ಬಾಲವನ ಈಜುಕೊಳದಲ್ಲಿ ಪಾರ್ಥ ವಾರಣಾಸಿ, ನಿರೂಪ್ ಜಿ ಆರ್ ಮತ್ತು ವಸಂತ ಕುಮಾರ್ ತರಬೇತು ನೀಡುತ್ತಿದ್ದಾರೆ.