ಕೊಂಕಣಿ ಭಾಷಾ ಮಂಡಳ್, ಮಹಾರಾಷ್ಟ್ರ ಥಾವ್ನ್ ಜಿ. ಎಂ. ಬಿ. ರೊಡ್ರಿಗಸ್ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ನಾಟಕ್ ಸ್ಪರ್ಧೊ

ಮುಂಬಯಿ, ನ.21: ಮುಂಬಯ್‍ಚೊ ಮಾಲ್ಘಡೊ ಕೊಂಕ್ಣಿ ಸಂಸ್ಥೊ, ಕೊಂಕಣಿ ಭಾಷಾ ಮಂಡಳ್, ಮಹಾರಾಷ್ಟ್ರ ಹಾಣಿ ಆಯ್ತಾರಾ, 19 ನವೆಂಬರ್ 2023 ಆಯ್ತಾರಾ ಸರಸ್ವತಿ ಮಂದಿರ್ ಹೈಸ್ಕೂಲ್ ಹೋಲ್, ತುಳ್ಸಿ ಪೈಪ್ ರೋಡ್, ಮಹಿಮ್, ಮುಂಬಯ್ ಹಾಂಗಾಸರ್ ಅಖಿಲ್ ಭಾರತ್ ಕೊಂಕಣಿ ನಾಟಕ್ ಸ್ಪರ್ಧೊ ವ್ಹಡಾ ದಬಾಜಾನ್ ಆಸಾ ಕೆಲ್ಲೊ.

ಸ್ಪರ್ಧೊ ಮಟ್ವ್ಯಾ ವೆಧಿಚ್ಯಾ ಕಾರ್ಯಾ ಸಂಗಿಂ ಸುರ್ವಾತ್ ಜಾಲೊ. ಕೊಂಕಣಿ ಭಾಷಾ ಮಂಡಳಾಚೊ ನಿಕಟ್ ಪೂರ್ವ್ ಅಧ್ಯಕ್ಷ್ ಜೋನ್ ಡಿ'ಸಿಲ್ವಾ ಬಾಬ್ ಮುಖೆಲ್ ಸಯ್ರೊ ಜಾವ್ನ್ ಆಯಿಲ್ಲೆ. ತಾಣಿಂ ಸಂಸ್ಥ್ಯಾಚ್ಯಾ ಕಾರ್ಯಾವಳಿಚೆರ್ ಎಕ್ ನದರ್ ಘಾಲಿ ಆನಿ ಅಸಲೊ ಎಕ್ ಸ್ಪರ್ಧೊ ಕೊಂಕಣಿ ನಾಟಕ್ ಕ್ಷೇತ್ರಾಂತ್ ಮುಂಬಯ್ತ್ ಆಯೊಜಿತ್ ಕೆಲಾ, ತಾಕಾ ಶಾಬಾಶ್ಕಿ ದಿಲಿ ಆನಿ ಸರ್ವ್ ಪಾತ್ರ್ ದಾರಿಂಕ್ ಬರೆಂ ಮಾಗ್ಲೆಂ. ಸಂಸ್ಥ್ಯಾಚೊ ಜೆರಾಲ್ ಕಾರ್ಯಾದರ್ಶಿ ಲೊರೆನ್ಸ್ ಡಿ'ಸೋಜಾ, ಕಮಾನಿನ್ ಸ್ವಾಗತ್ ಕೆಲೆಂ ಆನಿ ಜಿ. ಎಂ. ಬಿ. ರೊಡ್ರಿಗಸ್ ಹಾಂಚೆಂ ನಾಟಕ್ ಕ್ಶೇತ್ರಾಂತ್ ಕೆಲ್ಲ್ಯಾ ಸೆವೆ ವಿಶಿಂ ಸಂಕ್ಷಿಪ್ತ್ ವಿವರ್ ದಿಲೊ. ಆಮಿ ಸಬಾರ್ ತೇಂಪ್ ಥಾವ್ನ್ ಅಸಲೊ ಎಕ್ ಸ್ಪರ್ಧೊ ಆಸಾ ಕರುಂಕ್ ಪ್ರೇತನ್ ಕರ್ನ್ ಆಸ್‍ಲ್ಲ್ಯಾಂವ್. ಆಖ್ರೆಕ್ ಆಜ್ ಆಮ್ಚೆಂ ಸ್ವಪಾಣ್ ಜಾರಿ ಜಾವ್ನ್ ಆಸಾ ಸಾಂಗಾತಾಚ್ ಆಪ್ಣಾಕ್ ಜಿ. ಎಂ. ಬಿ. -ಚ್ಯಾ ದಿಗ್ದರ್ಶನಾಖಾಲ್ ನಟನ್ ಕರ್ಚೆಂ, ತಾಚೆ ನಾಟಕ್ ದಿಗ್ದರ್ಶನ್ ಕರ್ನ್ ಸಾದರ್ ಕರ್ಚೆ ಆನಿ ತಾಚೊ ಎಕ್ ನಾಟಕ್ "ಭುಂಯ್ಕಾಂಫ್" ಬುಕಾ ಲೆಕಾರ್ ಛಾಪುಂಕ್ ಆವ್ಕಾಸ್ ಲಾಬ್‍ಲ್ಲೆ ವಿಶಿಂ ಅಪ್ಲಿ ಸಂತೃಪ್ತಿ ಅಬಿವ್ಯಕ್ತ್ ಕೆಲಿ. ಲಿಯೊ ಫೆರ್ನಾಂಡಿಸ್, ಜೆರಿಮೆರಿ ಹಾಣಿಂ ಸುರ್ವೆರ್ ಥಾವ್ನ್ ಆಖೆರ್ ಮ್ಹಣಾಸರ್ ಬೊವ್ ಬರ್ಯಾ ರಿತಿನ್ ಕಾರ್ಯಾ ನಿರ್ವಾಹಣ್ ಕೆಲೆಂ. ಸಂಸ್ಥ್ಯಾಚೊ ಸಹ ಕಾರ್ಯಾದರ್ಶಿ ಜೋನ್ ಆರ್. ಪಿರೇರಾ, ಆಂತೊನಿ ಫೆರ್ನಾಂಡಿಸ್ (ಟೊನಿ ಮಾರ್ಟಿನ್ಸ್), ಖಜನ್ಧಾರ್ ಮೆಲ್ವಿನ್ ಫೆರ್ನಾಂಡಿಸ್, ರುಜಾರಿಯೊ ಫೆರ್ನಾಂಡಿಸ್ ಹಾಣಿಂ ಹೆಂ ಕಾರ್ಯೆಂ ಯಶಸ್ವಿ ಕರುಂಕ್ ಬರಿಚ್ ವಾಂವ್ಟ್ ಕಾಡ್‍ಲ್ಲಿ ತೆಂ ದಿಸೊನ್ ಆಯ್ಲೆಂ.

ಹ್ಯಾ ಸ್ಪರ್ಧ್ಯಾಂತ್ ಮುಂಬಯ್ ಆನಿ ಮುಂಬಯ್ ಬಾಯ್ಲ್ಯಾ ನಾಟಕ್ ಪಂಗ್ಡಾನಿಂ ವಾಂಟೊ ಘೆತ್‍ಲ್ಲೊ. ಸಿಂಧುದುರ್ಗ್ ಥಾವ್ನ್ ಆಶಿರ್ವಾದ್ ಕಲಾ ಕೇಂದ್ರ, ಆಜ್ಗಾಂವ್, ಹಾಣಿಂ "ಹಾಂವ್ ತುಜೊಚ್" ನಾಟ್ಕುಳೊ, ವಸಯ್ ಥಾವ್ನ್ "ವಸಯ್ಚಿಂ ತಾರಾಂ" ಹಾಣಿಂ "ಘುಸ್ಫೊಡ್ ಗೊಂದೊಳ್", ಮಿರಾ ರೋಡ್ "ಹಸ್ ಮುಖ್ ತಾರಾಂ" ಹಾಣಿಂ "ಡ್ರೈವರ್ ಜಾಂವಯ್", ಉರ್ಬೆಸ್ತ್ ಕಲಾಕಾರ್, ಬೊರಿವಲಿ ಹಾಣಿಂ "ಮೆಸ್ತ್ರಿ", ಆನಿ "ವಾಕೊಲಾ ಸ್ಟಾರ್ಸ್" ವಾಕೊಲಾ ಹಾಂಚೆಂ ಥಾವ್ನ್ "ಪಾದ್ರಾಬ್ಯಾಚೊ ಕೊಂಬೊ" ನಾಟ್ಕುಳೆ ಸಾದರ್ ಜಾಲೆ. ಹರ್ಯೆಕ್ ನಾಟ್ಕುಳೊ ಎಕಾ ವರ್ನಿ ಎಕ್ ಬೊರೊ ಆಸೊನ್ ವರಯ್ಣಾರಾಂಕ್ ಪಂತಾಹ್ವನ್ ದಿಂವ್ಕ್ ಪಾವ್ಲೆ. ಸ್ಪರ್ಧ್ಯಾಕ್ ವರಯ್ಣಾರ್ ಜಾವ್ನ್ ಅಬೆ ಫಿeóÁರ್ಡೊ, ಮಿಂಗೆಲ್ ಮಾರ್ಟಿನ್ಸ್, ಆಂತೊನಿ ಕಿಂಡ್ಲಾ ಆನಿ ಪೀಟರ್ ರೆಬೆರೊ ಹಾಜರ್ ಆಸ್‍ಲ್ಲೆ.

ಸ್ಪರ್ಧ್ಯಾಂತ್ ಜಿಕ್ಲೆಲ್ಯಾಚಿಂ ನಾಂವಾಂ ಹೆ ಪರಿಂ ಆಸಾತ್- ಪಯ್ಲೆಂ ಸ್ಥಾನ್ : ನಾಟ್ಕುಳೊ "ಮೆಸ್ತ್ರಿ", ಉರ್ಬೆಸ್ತ್ ಕಲಾಕಾರ್, ಬೊರಿವಲಿ. ದುಸ್ರೆಂ ಸ್ಥಾನ್ : "ಹಾಂವ್ ತುಜೊಚ್", ಆಶಿರ್ವಾದ್ ಕಲಾ ಕೇಂದ್ರ, ಆಜ್ಗಾಂವ್, ಸಿಂಧುದುರ್ಗ್. ತಿಸ್ರೆಂ ಸ್ಥಾನ್ : "ಘುಸ್ಪೊಡ್ ಗೊಂದೊಳ್", ವಸಯ್ಚಿಂ ತಾರಾಂ, ವಸಯ್, ಮುಂಬಯ್.ಉತ್ತಿಮ್ ಬರಯ್ಣಾರ್: ಶ್ರೀ ಕ್ಲೆರನ್ಸ್ ಪಿಂಟೊ, ಪಡಿಲ್. ಉತ್ತಿಮ್ ದಿಗ್ದರ್ಶಕ್: ಸಿಲ್ವಿಯಾ ಫೆರ್ನಾಂಡಿಸ್, ವಸಯ್, ಉತ್ತಿಮ್ ನಟ್: ವಿಲ್ಸನ್ ಕಿಶೊರ್ ಡೆಸಾ, ವಸಯ್. ಉತ್ತಿಮ್ ನಟಿ: ಪ್ರಿನ್ಸೆಸಿಯಾ ಪ್ಯಾಟ್ರಿಕ್ ಡಿ'ಸೋಜಾ, ಅಜ್ಗಾಂವ್, ಸಿಂಧು ದುರ್ಗ್, ಉತ್ತಿಮ್ ಹಾಸ್ಯ ಕಲಾಕಾರ್: ಜೊಯೆಲ್ ರೊಡ್ರಿಗಸ್, ಉತ್ತಿಮ್ ನ್ಹೆಸಾಪ್: ಜೇಮ್ಸ್ ವಿಲ್ಸನ್ ಲುದ್ರಿಕ್, ಅಜ್ಗಾಂವ್, ಸಿಂಧು ದುರ್ಗ್, ಆನಿ ಉತ್ತಿಮ್ ಮೇಕಪ್: ವಿಲ್ಸನ್ ಕಿಶೊರ್ ಡೆಸಾ, ವಸಯ್. ಕಾರ್ಯಕ್ರಮ ಆಖ್ರೇರ್ ಇನಾಮ್ ವಿತರಣ್ ಕಾರ್ಯಕ್ರಮ ಚಲೊನ್ ವೆಲೆ.

---

---

---

More News

---