ಮಂಗಳೂರು: ತುಂಬೆ ವೆಂಟೆಡ್‌ ಡ್ಯಾಂನಲ್ಲಿ ಹೂಳೆತ್ತುವ ಕಾಮಗಾರಿ ಆರಂಭಗೊಂಡಿದ್ದು ಸೋಮವಾರ ಜಿಲ್ಲಾಧಿಕಾರಿ ಎ.ಬಿ. ಇಬ್ರಾಹಿಂ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಡ್ಯಾಂನಲ್ಲಿ ಸುಮಾರು 3 ಅಡಿಯಷ್ಟು ಹೂಳು ತುಂಬಿದೆ ಎಂದು ಅಂದಾಜಿಸಲಾಗಿದೆ. ವೆಂಟೆಡ್‌ ಡ್ಯಾಂನಲ್ಲಿ ಕಳೆದ 3 ದಿನಗಳಿಂದ ನೀರಿನ ಮಟ್ಟ 4.7 ಅಡಿಯಲ್ಲಿ ಸ್ಥಿರಗೊಂಡಿದೆ.
ಮೂರು ದಿನಗಳಿಂದ ಡ್ಯಾಂನಿಂದ ನೀರು ಪಂಪ್‌ ಮಾಡಿಲ್ಲ. ಮಂಗಳೂರಿನಲ್ಲಿ ಬೋರ್‌ವೆಲ್‌ ಹಾಗೂ ತೆರೆದ ಬಾವಿಗಳಿಂದ ಟ್ಯಾಂಕರ್‌ ಹಾಗೂ ಸಿಂಟೆಕ್ಸ್‌ ಟ್ಯಾಂಕ್‌ ಮೂಲಕ ನೀರು ಸರಬರಾಜು ಕಾರ್ಯ ನಡೆಯುತ್ತಿದೆ. ಶಾಸಕ ಜೆ.ಆರ್‌. ಲೋಬೊ ಅವರು ಮಂಗಳವಾರ ಮನಪಾ ಅಧಿಕಾರಿಗಳ ಸಭೆ ನಡೆಸಿ ನಗರದಲ್ಲಿ ಕುಡಿಯುವ ನೀರು ನಿರ್ವಹಣೆ ಪರಿಸ್ಥಿತಿಯನ್ನು ಪರಿಶೀಲಿಸಿದರು.
