ಕುಂದಾಪುರ್ ವಾರಾಡ್ಯಾಚಿ ನವಿ ಫಿರ್ಗಜ್ ಕಂಡ್ಲುರ್ ಸಾಂತ್ ಅಂತೋನಿಚಿ ಇಮಾಜ್ ದುಸ್ಕ್ರಮಿನಿ ಥಾವ್ನ್ ದ್ವಂಸ್

ಕುಂದಾಪುರ್, ಜೂ.6: ಕುಂದಾಪುರ್ ವಾರಾಡ್ಯಾಚಿ ನವಿ ಫಿರ್ಗಜ್ ಕಂಡ್ಲುರ್, ಇಗರ್ಜೆಚ್ಯಾ ಕಪೌಂಡಾ ಭಿತರ್ ಆಸ್ಲಿ ಸಾಂತ್ ಅಂತೋನಿಚಿ ಇಮಾಜ್ ಕಳಿತ್ ನಾತಲ್ಲ್ಯಾ ದುಸ್ಕ್ರಮಿನಿ ದ್ವಂಸ್ ಕೆಲಿ.

ಇಗರ್ಜೆಚ್ಯಾ ಕಪೌಂಡಾಕ್ ಲಾಗೊನ್ ಸಾಂತ್ ಅಂತೋನಿಚೊ ಗ್ರೊಟ್ಟೊ ಆಸ್ಲೊ. ಗ್ರೊಟ್ಟೊಚ್ಯಾ ಪಾಟ್ಲ್ಯಾ ಕುಶಿನ್ ಆಸಲ್ಲೆಂ ದಾರ್ ಪುಟೊನ್ ಭಿತರ್ ರಿಗೊನ್ ಸಾಂತ್ ಅಂತೋನಿಚಿ ಇಮಾಜ್ ದುಸ್ಕ್ರಮಿನಿಂ ಧ್ವಂಸ್ ಕೆಲ್ಯಾ.

ಹಿ ಫಿರ್ಗಜ್ ಅತಾಂ ಬಸ್ರೂರ್ ಫಿರ್ಗಜೆಚೊ ವಾಂಟೊ ಜಾವ್ನಾಸೊನ್ ಕಾಲ್ (5-6-16) ವೇರ್ ಕಾಲ್ಚ್ಯಾ ಸಾಂಜೆರ್ ಬಿಸ್ಪ್ ಅಧಿಕ್ ಮಾನಾಧಿಕ್ ಬಾಪ್ ಜೆರಾಲ್ಡ್ ಐಸಾಕ್ ಲೋಬೊನ್ ಹಾಂಗಾಸರ್ ಭೆಟ್ ಕರ್ನ್ ಫಿರ್ಗಜೆಂತ್ ಭಕ್ತಿಕಾಂ ಸಂಗಾತಾ ಬಲಿದಾನ್ ಭೆಟಯ್ಲೆಂ. ತ್ಯಾ ಸವೆಂ ನವಿ ಫಿರ್ಗಜ್ ಮ್ಹಣನ್ ಅಧಿಕ್ರತ್ ಜಾವ್ನ್ ಬಿಸ್ಪಾನ್ ಘೋಶಿತ್ ಕೆಲ್ಲೆಂ. ಹ್ಯಾಚ್ ಮಹಿನ್ಯಾಚ್ಯಾ 10 ತಾರೀಕೆರ್ ನವ್ಯಾ ಫಿರ್ಗಜೆಕ್ ಪಯ್ಲೊ ವಿಗಾರ್ ಜಾಂವ್ನ್ ಮಾ|ಬಾ|ವಿಕ್ಟರ್ ಡಿಸೋಜಾ ಯೆಂವ್ಚ್ಯಾರ್ ಆಸಾ.

ಕಾಲ್ ಸಾಂಜೆರ್, ನವ್ಯಾ ಫಿರ್ಗಜೆ ಘೊಷಣ್ ಚಲ್ಲೆಂ ತರ್ ದುಸ್ರ್ಯಾಚ್ ದಿಸಾ ಸಕಾಳಿ ಭಕ್ತಿಕಾಂಕ್ ಸಾಂತ್ ಅಂತೋನಿಚಿ ಇಮಾಜ್ ಧ್ವಂಸ್ ಕೆಲ್ಲಿ ಕಳೊನ್ ಆಯ್ಲೆಂ. ಭಕ್ತಿಕಾಂನಿ ತತ್ಕಾಲಿಕ್ ಮೆಲ್ವಿಚಾರಾಕ್ ಬಸ್ರೂರ್‍ಚೊ ವಿಗಾರ್ ಮಾ|ಬಾ|ವಿಶಾಲ್ ಲೋಬೊಕ್ ಕಳಯ್ಲೆಂ. ತಾಣಿ ಪೆÇಲೀಸಾಂಕ್ ದೂರ್ ದಿಲ್ಯಾ, ಆನಿ ಪೆÇಲೀಸ್ ಯೆಂವ್ನ್ ತನ್ಕಿ ಕರುನ್ ಆಸಾತ್. ಜಿಲ್ಲಾ ಪೆÇಲೀಸ್ ಕಮಿಶನರ್ ಅಣ್ಣಾ ಮಲೈ ಹಾಂಕಾಯಿ ಕಳಿತ್ ಕೆಲಾಂ ಮ್ಹಣನ್ ಸ್ಥಳಿಯ್ ಮಾನೇಸ್ತ್ ವಿನೋದ್ ಡಿಸೋಜಾನ್ ಬಾತ್ಮೆದಾರಾಕ್ ಕಳಯ್ಲಾಂ.

ಹ್ಯಾ ನವ್ಯಾ ಫಿರ್ಗಜೆಂತ್ 65 ಕುಟ್ಮಾ ಆಸೊನ್, ಚಡ್ತಾವ್ ದುಬ್ಳಿ ಕುಟ್ಮಾ ಮ್ಹಣನ್ ಕಳೊನ್ ಆಯ್ಲಾ.

ತ್ಯಾಚ್ ದಿಸಾ ಸಾಜ್ಯೆoರ್ ಉಡುಪಿ ಪೊಲಿಸ್ ಕಮಿಷನರ್ ಅಣ್ಣಾಮಲ್ಯೆನ್ ಬೆಟ್ ದಿಲ್ಯಾo

---

---

---

More News

---