ಮಂಗಳೂರು: ದ.ಕ.ಜಿಲ್ಲೆಯ ಬಂಟ್ವಾಳ ತಾಲೂಕಿನ ವಿಟ್ಲದ ಹಳೆ ಬಸ್ ನಿಲ್ದಾಣದ ಒಳಗೆ ತಿರುಗುತ್ತಿದ್ದ ಬಸ್ಸಿನ ಹಿಂಬದಿಗೆ ಮುಖ್ಯ ರಸ್ತೆಯಿಂದ ಬಂದ ಪಿಕಪ್ ಡಿಕ್ಕಿ ಹೊಡೆದ ಪರಿಣಾಮ ಸಂಚಾರದಲ್ಲಿ ಅಸ್ತವ್ಯಸ್ತಗೊಂಡ ಘಟನೆ ಶುಕ್ರವಾರ ನಡೆದಿದೆ.
ನಾಲ್ಕು ಮಾರ್ಗ ಜಂಕ್ಷನ್ ಕಡೆಯಿಂದ ಬಂದ ಖಾಸಗಿ ಬಸ್ ನಿಲ್ದಾಣದ ಒಳಗೆ ಹೋಗಲು ತಿರುಗುತ್ತಿದ್ದ ವೇಳೆ ಮೇಗಿನ ಪೇಟೆ ಕಡೆಯಿಂದ ಪಿಕಪ್ ನಿಯಂತ್ರಣಕ್ಕೆ ಸಿಗದೆ ಬಸ್ಸಿನ ಹಿಂಭಾಗಕ್ಕೆ ಡಿಕ್ಕಿಯಾಗಿದೆ. ಇದರಿಂದ ಪಿಕಪ್ ನ ಮುಂಭಾಗ ಹಾನಿಯಾಗಿದೆ. ಇದರಿಂದ ಕೆಲವು ಕಾಲ ವಿಟ್ಲ ಪೇಟೆಯಲ್ಲಿ ವಾಹನ ಸಂಚಾರ ಸ್ಥಗಿತಗೊಂಡು ಬ್ಲಾಕ್ ನಿರ್ಮಾಣವಾಯಿತು.ಬಳಿಕ ವಿಟ್ಲ ಪೊಲೀಸರು ಆಗಮಿಸಿ ಸಂಚಾರ ತೆರವುಗೊಳಿಸಿದರು.