ಕುಂದಾಪುರಾಂತ್ ಸಾಂತ್ ಜುಜೆ ವಾಜ್‍ಚೆ ವಾರ್ಷಿಕ್ ಮಹಾ ಪರಬ್

ಕುಂದಾಪುರ್,ಜ.15: ಸುಮಾರ್ 300 ವರ್ಷಾಂ ಪಯ್ಲೆಂ ಕುಂದಾಪುರ್ ಆಸ್ ಪಾಸ್ ಸೇವಾ ದಿಲ್ಲೊ ಸಾಂ.ಜುಜೆ ವಾಜ್ ಕುಂದಾಪುರಾಂತ್ ಮಾಗ್ಣೆ ಕರ್ನ್ ಆಸ್ತಾಂ, ದೇವ್ ತಾಚ್ಯಾ ಮಾಗ್ಣ್ಯಾಕ್ ಮೆಚ್ವೊನ್ ಸಾಂ.ಜುಜೆ ವಾಜಾಕ್ ಧರ್ಣಿರ್ ಥಾವ್ನ್ ವ್ಹಯ್ರ್ ವಾರ್ಯಾರ್ ಉಭಾರ್ನ್ ಧರ್ಲಿ ಮಹಿಮೆವಂತ್ ಘಡಿತ್ ಘಡ್ಲೆಂ. ಏಕಾ ಯಾಜಾಕನ್ ಖುದ್ದ್ ತಾಚ್ಯಾ ದೊಳ್ಯಾನಿಂ ಪಳೆಲ್ಲೆಂ. ಉಪ್ರಾಂತ್ ಜುಜೆ ವಾಜ್ ಶ್ರೀಲಂಕಾತ್ ಆಪಸ್ತೊಲ್ ಜಾಂವ್ನ್ ವಾವ್ರ್ ಆನಿ ಅಜಾಪಾಂ ಕರ್ನ್ ಸಾಂತಾಚಿ ಪದ್ವಿ ಜೊಡ್ತಾಂ. ತೊ ಜಾವ್ನಾಸಾ ಪಯ್ಲೊ ಕೊಂಕ್ಣಿ ಸಾoತ್  ಜಾಂವ್ನಾಸಾ. ಹಾಚಿ ವಾರ್ಷಿಕ್ ಮಹಾ ಪರಬ್ ಕುಂದಾಪುರಾಂತ್ ಚಲ್ಲಿ.

 

 ಉಡುಪಿ ದಿಯೆಸಿಜಿಚೊ ಗೊವ್ಳಿ ಅಧಿಕ್ ಮಾ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಹಾಚ್ಯಾ ಪ್ರಧಾನ್ ಯಾಜಕ್ಪಣಾಖಾಲ್, ಹೇರ್ ಸಭಾರ್ ಯಾಜಕಾಂ ಸವೆಂ ಸಂಭ್ರಮಿಕ್ ತಶೆಂ ಭಕ್ತಿನ್ ಪವಿತ್ರ್ ಬಲಿದಾನ್ ಭೆಟಯ್ಲೆಂ.

‘ಕುಟ್ಮಾಂತ್ ದೆವಾಚೆ ಹಾಜರ್ಪಣ್ ಆಮಿ ಮಾಂದುನ್ ಘೆಜೆ, ಕ್ರೀಸ್ತಿ ಕೇಂದ್ರಿತ್ ಜಾಲ್ಲಿ ಜಿಣಿ ಜಿಯೆಜೆ, ಕಶ್ಟ್ ಪೀಡಾ ಪವಿತ್ರ್‍ಪಣ್ ವಾಡೊಂಕ್ ಆಮ್ಕಾಂ ಅವ್ಕಾಸ್ ದಿತಾಂ, ಆಮ್ಚಿ ಕುಟ್ಮಾ ಮಾಗ್ಣ್ಯಾಚಿ ಜಾಯ್ಜೆ, ಸಂಗಾತಾ ಮಾಗ್ಣೆ ಕರ್ಚಿಂ ಕುಟ್ಮಾ, ಸಂಗಾತಾ ಜಿಯೆತಾ, ಆಮ್ಚಿ ಕುಟ್ಮಾ ಜಾಯ್ಜೆ ಭವಾರ್ಥಿ, ಪೀಡೆಸ್ತಾಂಚಿ ಜತನ್ ಸೇವಾ, ಮೋಗ್ ದಿಜೆ’ ಮ್ಹಣನ್ ಗೊವ್ಳಿ ಬಾಪಾನಿ ಹ್ಯಾ ವೇಳಾರ್ ಸಂದೇಶ್ ದಿಲೊ.

ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಚಲಲ್ಯಾ ಹ್ಯಾ ಸಂಭ್ರಮಾಂತ್ ಕುಂದಾಪುರ್ ವಾರಾಡೊ ವಿಗಾರ್ ವಾರ್ ಮಾ|ಬಾಪ್ ಅನೀಲ್ ಸೋಜಾನ್ ಸಾಂ. ಜುಜೆ ವಾಜಾಚೆ ನೊವೆನ್ ಚಲವ್ನ್ ವೆಲೆಂ. ವಾರಾಡ್ಯಾಚೆಂ ಅನೇಕ್ ಯಾಜಕ್ , ಸಯ್ರೆ ಯಾಜಕ್, ಧರ್ಮ್ ಭಯ್ಣ್ಯೊ ಆನಿ ವಾರಾಡ್ಯಾಚ್ಯಾ ಹರ್ಯೆಕಾಂ ಫಿರ್ಗಜೆಚೊ ಹಜಾರೊಂ ಭಕ್ತಿಕಾಂನಿ ಹ್ಯಾ ಪರ್ಬೆ ಬಲಿದಾನಂತ್ ವಾಂಟೊ ಘೆತ್ಲೊ. ತಶೆಂಚ್ ವಾಮಂಜೂರ್ ಚ¯ಂವ್ಕ್ ಆಸ್ಚ್ಯಾ, ಅಖೀಲ್ ಭಾರತೀಯ ಯುವಜಣ್ ಸಮ್ಮೇಳನಾಂ ಖಾತಿರ್ ಆಯ್ಲೆಂ ಉತ್ತರ್ ಭಾರತಚ್ಯಾ ಬರೇಲಿ ಆನಿ ಭುವನೇಶ್ವರ್ ದಿಯೆಸಿಜೆಚೆಂ ಐ.ಸಿ.ವಯ್.ಎಮ್. ಚೆಂ ಸಭಾರ್ ಸಾಂದೆ ಆನಿ ತಾಂಚ್ಯಾ ಸಂಗಾತಾ ಆಯ್ಲೆಂ ಯಾಜಕ್ ಆನಿ ಧರ್ಮ ಭಯ್ಣಿನೀ ಹ್ಯಾ ಸಂಭ್ರಮಾಂತ್ ಭಾಗ್ ಘೆತ್ಲೊ. ಹಾಂಕಾ ಗೊವ್ಳಿಕ್ ಬಾಪಾನ್ ಫುಲಾಂದಿಂವ್ನ್ ಮಾನ್ ಕೆಲೊ.

ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಂಚ್ಯಾ ನಿರ್ದೇಶನ ಖಾಲ್ ಕುಂದಾಪುರ್ ಗಾಯನ್ ಪಂಗ್ಡಾನಿ ಕಾಂತಾರಾ ಗಾಯ್ಲಿ. ಕುಂದಾಪುರ್ ಫಿರ್ಗಜೆಚೊ ಗೊವ್ಳಿಕ್ ಮಂಡಳೆಚೊ ಉಪಾಧ್ಯಕ್ಷ್ ಜೇಕಬ್ ಡಿಸೋಜಾ, ಕುಂದಾಪುರ್ ಗೊವ್ಳಿಕ್ ಮಂಡಳೆಚೆಂ ಸಾಂದೆ, ಆನಿ ಅನೇಕ್ ಧರ್ಮ್ ಭಯ್ಣಿ ಹ್ಯಾ ಸಂಭ್ರಮಾಂತ್ ಹಾಜರ್ ಆಸ್ಲ್ಯೊ. ಕುಂದಾಪುರ್ ಫಿರ್ಗಜೆಚಿ ಗೊವ್ಳಿಕ್ ಮಂಡಳೆಚಿ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾನ್ ಧನ್ಯವಾದ್ ಪಾಟಯ್ಲೆಂ.

---

---

---

More News

---