ಕುಂದಾಪುರಾಂತ್ ದೇವ್ ಸ್ತುತಿ ತರ್ಭೆತಿ ಶಿಬಿರ್

ಕುಂದಾಪುರ್,ಜು.10; ಕುಂದಾಪುರ್ ದೇವ್ ಸ್ತುತಿ ಆಯೋಗಾನ್, ಹ್ಯಾಚ್ ಆಯ್ತಾರಾ ೯ ತಾರಿಕೇರ್ ಫಿರ್ಗಜ್ ಮಟ್ಟಾರ್ ದೇವ್ ಸ್ತುತಿ ತರ್ಭೆತಿ ಶಿಬಿರ್ ಮಾಂಡುನ್ ಹಾಡ್ಲೆಂ. ಹಿ ತರ್ಭೆತಿ ದಿಂವ್ಕ್ ಉಡುಪಿ ದಿಯೆಸಿಜ್ ದೇವ್ ಸ್ತುತಿ ಆಯೋಗಾಚೆಂ ನಿರ್ದೇಶಕ್ ಮಾ|ಬಾ|ಸ್ಟೀವನ್ ಡಿ'ಸೋಜಾ ಹಾಣಿ ಮುಖೇಲ್ಪಣ್ ಘೆತ್ಲೆಂ.

ಸುರ್ವೆರ್ ಕುಂದಾಪುರ್ ದೇವ್ ಸ್ತುತಿ ಆಯೋಗಾಚ್ಯಾ ಸಾಂದ್ಯಾನಿ ಪ್ರಾರ್ಥನ್ ಗೀತ್ ಗಾಯ್ಲೆಂ. ಕುಂದಾಪುರ್ ಫಿರ್ಗಜೆಚೊ ವಿಗಾರ್ ಮಾ|ಬಾ|ಅನಿಲ್ ಡಿ'ಸೋಜಾನ್ ದೇವ್ ಸ್ತುತಿಚೆಂ ತರ್ಭೆತ್ ಗರ್ಜ್ ಕಿತ್ಯಾಕ್ ಮ್ಹಣನ್ ಪ್ರಸ್ತಾವನ್ ಭಾಷಣ್ ಕರ್ನ್ ಕಳಯ್ಲೆಂ.

ಮಾ|ಬಾ|ಸ್ಟೀವನ್ ಡಿ'ಸೋಜಾನ್ ತ್ರಿ ಎಕ್ ದೆವಾಕ್ ಕಶಿಂ ಸ್ತುತಿ ಕರ್ಚಿಂ, ದೆವಾಚಿ ಸ್ತುತಿ ಕಿತ್ಯಾಕ್ ಕರ್ಚಿಂ ಮ್ಹಣ್ತಾಂ, ದೇವ್ ಸ್ತುತಿ ವಿವಿಧ್ ಥರಾಚಿಂ ಆಸಾತ್, ಸರ್ವ್ ಸಾಂಕ್ತಾಮೆಂತಾಚಿಂ ದೇವ್ ಸ್ತುತಿಯೊ, ಧಾರ್ಮಿಕ್ ಆಂಗವ್ಣೆಚ್ಯೊ ದೇವ್ ಸ್ತುತಿ, ಪವಿತ್ರ್ ಸಭೆಚೆಂ ಮಾಗ್ಣಿ. ಪವಿತ್ರ್ ಸಾಂಕ್ರಾಮೆಂತಾಚಿಂ ಆರಾಧಾನ್, ಅಶೆಂ ವಿವಿಧ್ ಥರಾಚ್ಯಾ ದೇವ್ ಸ್ತುತೆ ವಿಷ್ಯಾಂತ್ ಸಮ್ಜಣಿ ದಿಲಿ.

ಮಾ|ಬಾ|ವಿಲ್ಸನ್ ಡಿಸೋಜಾನ್ ದೇವ್ ಸ್ತುತಿ ಕರ್ಚೆಂ ಆಮ್ಚೆಂ ಭಾಗ್ ಆನಿ ಹಕ್ಕ್ ಜಾವ್ನಾಸಾ ಮ್ಹಣ್ತಾಂ, ಆರಾಧಾನ್,ಸ್ತುತಿ ಕಶೆಂ, ಬರವ್ಯೆತ್ ಮ್ಹಣನ್ ಕಳವ್ನ್. ಪವಿತ್ರ್ ಬಲಿದಾನಾಕ್ ಪ್ರಸ್ತಾವನ್ ಲಾಯಿಕಾನಿಂಚ್ ಬರಯ್ಲ್ಯಾರ್ ಬರೆ. ಮೀಸಾ ವೇಳಾರ್ ಭವಾರ್ಥಾವಚಿಂ ಪ್ರಾರ್ಥನಾಂ ಕಿತ್ಲಿಂ, ಕಶೆಂ ಬರೈಜೆ ವಿಶೇಸ್ ದೀಸ್ ಜಾಲ್ಯಾರ್ ಪಾಂಚ್ ಭವಾರ್ಥಾಚಿಂ ಪ್ರಾರ್ಥನಾಂ ಮ್ಹಣನ್ ಕಳವ್ನ್,, ವಾಚಾಪ್, ಶ್ಲೋಕ್ ಭವಾರ್ಥಾಚಿಂ ಪ್ರಾರ್ಥನಾಂ ವಾಚನ್ ಕರ್ಚಿಂ ಕಶೆಂ ಮ್ಹಳ್ಯಾ ವಿಷ್ಯಾಂತ್ ಸಮ್ಜೊಣಿ ದಿಲಿ. ಪವಿತ್ರ್ ಪುಸ್ತಕಾ ವಿಶಿಂ ಜಾಣ್ವಾಯ್ ದಿಂವ್ನ್ ವಾಚ್ಪಾ ಗ್ರಂಥ್ ದೇವ್ ಪರ್ಗಟ್ ಕರುಂಕ್ ಆನಿ ಪವಿತ್ರ್ ಪುಸ್ತಕ್ ವಾಚುಂಕ್ ಆನಿ ನಿಯಾಳುಂಕ್’ ಮ್ಹಣನ್ ಜಾಣ್ವಯ್ ದಿಲಿ.

ಉಪ್ರಾಂತ್ ದೇವ್ ಸ್ತುತಿ ಆನಿಕಿ ಉತ್ತಿಮ್ ಥರಾನ್ ಕಶೆಂ ಕರ್ಯೆತ್ ಆನಿ ದೇವ್ ಸ್ತುತೆ ವೇಳಾರ್ ಜಾಂವ್ಚ್ಯಾ ಆಡ್ಕಳ್ಯಾಂ ವಿಷ್ಯಾಂತ್ ಪಂಗಡ್ ಕರ್ನ್ ತರ್ಕ್ ಚಲಯ್ಲೆಂ. ಹ್ಯಾ ಕಾರ್ಯಂತ್ ಕುಂದಾಪುರ್ ಫಿರ್ಗಜೆಚಿ ದೇವ್ ಸ್ತುತಿ ಆಯೋಗಾಚಿ ಸಂಚಾಲಕಿ ಸಿಸ್ಟರ್ ವಾಯ್ಲೆಟ್ ತಾವ್ರೊ ಹಾಜರ್ ಆಸ್ಲಿ. ಸರ್ವ್ ಆಯೋಗಾಚಿಂ ಸಂಚಾಲಕಿ ಪ್ರೇಮಾ ಡಿಕುನ್ಹಾನ್ ಸ್ವಾಗತ್ ಮಾಗ್ಲೊ. ಆಯೋಗಾಚಿ ಸಾಂದಿಣ್ ವೇಲಾ ಬ್ರಗಾಂಜಾನ್ ಧನ್ಯವಾದ್ ಪಾಠಯ್ಲೆಂ

 

---

---

---

More News

---