ಅತ್ತೂರ್ ಸಾಂ. ಲೊರೆಸ್ ಮೈನರ್ ಬಾಸಿಲಿಕಾಂತ್ ಬಾಸಿಲಿಕಾಚೆ ವರ್ಷಾಚರಣಾಚೊ ಸಂಭ್ರಮ್

ಕಾರ್ಕೊಳ್ ಅತ್ತೂರ್ ಸಾಂ. ಲೊರೆಸ್ ಪುಣ್ಯ್ ಕ್ಷೇತ್ರಾಕ್ ಬಾಸಿಲಿಕಾಚೆಂ ಸ್ಥಾನ್ ಮಾನ್ ಮೆಳೊನ್ ಎಕ್ ವರಸ್ ಸಂಪ್ಲೆ. ಆಮ್ಚ್ಯಾ ಕರ್ನಾಟಕಾಂತ್ ಕೇವಲ್ ದೋನ್ ಮೈನರ್ ಬಾಸಿಲಿಕಾ ಆಸೊನ್ ಏಕ್ ಬೆಂಗಳುರು ಸಾಂ. ಮೇರಿಸ್ ಬಾಸಿಲಿಕಾ ತರ್ ದುಸ್ರೆಂ ಆಮ್ಚ್ಯಾ ಕಾರ್ಕಳ್ ಅತ್ತೂರ್ ಸಾಂ.ಲೊರೆಸಾಚೆ ಪುಣ್ಯ್ ಕ್ಷೇತ್ರ್ ಜಾವ್ನಾಸಾ. ಸಂಸಾರಾಂತ್ 1742 ಆಸೊನ್ ಭಾರಾತಾಂತ್ 22 ಬಾಸಿಲಿಕಾ ಆಸಾತ್.

ಆತ್ತೂರಾಕ್ ಬಾಸಿಲಿಕಾಚೆ ಸ್ಥಾನ್ ಮಾನ್ ಮೇಳ್ತೆರ್ ಕಾರ್ಕೊಳ್ ಅಂತರಾಷ್ಟೀಯ ಮಟ್ಟಾರ್ ಒಳ್ಕೊಂಕ್ ಫಾವೊ ಜಾಲೆಂ. ಪಯ್ಲೆಂಚ್ ಹಾಂಗಾಸರ್ ಭಕ್ತಾಂಚಿ ಖೇಟ್ ಆಸ್ತಾ ತರ್ ಬಾಸಿಲಿಕಾಚೆ ಸ್ಥಾನ್ ಮಾನ್ ಮೆಳ್ತೆರ್ ಆನಿಕಿ ಚಡ್ ಭಕ್ತ್ ಹ್ಯಾ ಬಾಸಿಲಿಕಾಕ್ ಭೇಟ್ ದಿಂವ್ನ್ ಆಸಾತ್.

 

ಅಗೋಸ್ತಾಚ್ಯಾ ಏಕ್ ತಾರೀಕೆರ್ ಅತ್ತೂರ್ ಬಾಸಿಲಿಕಾಂತ್ ವರಸ್ ಸಂಪ್ಣೆಚೊ ಆನಿ ದುಸ್ರ್ಯಾ ವರ್ಸಾಚ್ಯಾ ಪಾಂವ್ಡಾಕ್ ಪಾಂಯ್ ತೆಂಕ್ಚ್ಯಾ ಸಂದರ್ಭಿ ವಿಶೇಸ್ ಬಲಿದಾನ್, ನೊವೆನ್, ಸಾಂಕ್ತಾಮೆಂತಾಚೆ ಆರಾಧಾನ್ ಅಶೆಂ ಭಕ್ತಿಕ್ ಕಾರ್ಯಿಂ ಚಲ್ಲಿ.

ಹ್ಯಾ ಸಂಧರ್ಭಿ ಉಡುಪಿಚೊ ಧರ್ಮಾಧ್ಯಕ್ಷ್ ಅ|ಮಾ|ದೊ|ಜೆರಾಲ್ಡ್ ಐಸಾಕ್ ಲೋಬೊ ಹಾಣಿ ಸಂಭ್ರಮಾಚೆ ಆನಿ ಭಕ್ತಿ ಪ್ರಧಾನ್ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ತಾಣಿ ‘ ಪವಿತ್ರ್ ಪುಸ್ತಕಾಂತ್ಲಿ ವಾಚ್ಪಾ ಆಮಿ ಹ್ಯಾ ಪರಿ ಜಿಣಿಯೆಂತ್ ಮಾಂಡುನ್ ಹಾಡಿಜೆ ಪಯ್ಲೆಂ ಶ್ರವಣ – ಮ್ಹಳ್ಯಾರ್ ದೆವಾಚೆ ಉತರ್ ಆಮಿ ಸಾರ್ಕ್ಯಾ ರೀತಿನ್ ಆಯ್ಕೊನ್ ಘೆಂವ್ಕ್ ಜಾಯ್. ದುಸ್ರೆ ಮನನ – ಆಯ್ಕಾಲ್ಲೆಂ ಉತರ್ ನಿಯಾಳ್ ಕರಿಜೆ, ಎಕಾ ರೀತಿನ್ ಸವಾಂದ್ ಆಮ್ಚೆಂ ಥಂಯ್ ಚಲಾಜೆ, ಆನಿ ಉತರ್ ಸಮ್ಜೊನ್ ಘೆಜೆ. ತಿಸ್ರೆಂ ನಿಧಿವ್ಯಸನ – ಮ್ಹಳ್ಯಾರ್ ಎಕಾಗ್ರತಾಯೆನ್ ದೆವಾಚೆ ಉತರ್ ಆಮಿ ಕಾಳ್ಜಾಂತ್ ಆಟಂವ್ನ್ ತಾಂತುನಂಚ್ ಆಮ್ಚಿ ಮತ್ ಖಂಜಯ್ಜೆ. ಚೊವ್ತೆ ಅನುಕರಣ್ - ದೆವಾಚೆ ಉತರ್ ಖಾಲಿ ಆಯ್ಕಾಲ್ಯಾರ್, ನಿಯಾಳ್ಯಾರ್, ಖಂಚವ್ನ್ ಘೆತ್ಲ್ಯಾರ್ ಪಾವಾನಾ, ದೆವಾಚೆ ಉತರ್ ಆಮಿ ಅನುಕರಣ ಕರಿಜೆ, ದೆವಾಚೆ ಉತರ್ ಆಮಿ ಪಾಳುಂಕ್ ಜಾಯ್’ ಮ್ಹಣನ್ ತಾಣಿ ಸಂದೇಶ್ ದಿಲೊ.

ಮಹಾಬಲಿದಾನಾಂತ್ ಅತ್ತೂರ್ ಬಾಸಿಲಿಕಾಚೊ ರೆಕ್ಟರ್ ಮಾ|ಬಾ|ಜಾರ್ಜ್ ಡಿಸೋಜಾ, ಆತ್ತೂರ್ಚೊ ವಿಗಾರ್ ಮಾ|ಬಾ|ಜೋಸ್ವಿ ಫೆರ್ನಾಂಡಿಸ್, ಉಡುಪಿ ಕಥೊಲಿಕ್ ವಿಧ್ಯಾ ಬೋರ್ಡಾಚೊ ನಿರ್ದೇಶಕ್ ಮಾ|ಬಾ|ಲಾರೆನ್ಸ್ ಡಿಸೋಜಾ, ಮಿಲಾಗ್ರಿಸ್ ಕಾಥೆಡ್ರಾಲಾಚೊ ರೆಕ್ಟರ್ ಮಾ|ಬಾ| ಸ್ಟ್ಯಾನಿ ಬಿ ಲೋಬೊ ಹಾಣಿ ಸಹ ಭೆಟವ್ಣಿ ಕೆಲಿ. ದಿಯೆಸಿಜಿಚೆ ಸಭಾರ್ ಯಾಜಕ್, ಸಭಾರ್ ಸಯ್ರ್ಯಾ ಯಾಜಾಕಾನಿಂ ಹ್ಯಾ ಬಲಿದಾನಾಂತ್ ವಾಂಟೊ ಘೆತ್ಲೊ. ಹ್ಯಾ ಭಕ್ತಿಚ್ಯಾ ಸಂಭ್ರಮಾಂತ್ ಅನೇಕ್ ಕಥೊಲಿಕ್ ಭಕ್ತ್, ತಶೆಂಚ್ ಹೇರ್ ಜಾತಿಚ್ಯಾ ಭಕ್ತಿಕಾನಿಂ ವಾಂಟೊ ಘೆತ್ಲೊ. ರೆಕ್ಟರ್ ಮಾ|ಬಾ|ಜಾರ್ಜ್ ಡಿಸೋಜಾನ್ ಧನ್ಯವಾದ್ ಪಾಠಯ್ಲೆಂ. 

---

---

---

More News

---