ಕುಂದಾಪುರ: ಬೀಜಾಡಿ ಗ್ರಾಮದ ದೊಡ್ಮನೆಬೆಟ್ಟು ಶ್ರೀ ಮುಖ್ಯಪ್ರಾಣ ದೇವಸ್ಥಾನದಲ್ಲಿನ ತೃತೀಯ ವರ್ಷದ ಶ್ರೀ ಗಣೇಶೋತ್ಸವವು ಆ25ರಿಂದ 27 ರವರೆಗೆ ನಡೆಯಲಿದೆ. ಆ 25ರ ಶುಕ್ರವಾರ ಬೆಳಿಗ್ಗೆ 9:30ಕ್ಕೆ ಗಣಹೋಮ, ಶ್ರೀ ಗಣಪತಿ ದೇವರ ಪ್ರತಿಷ್ಠಾಪನೆಯೊಂದಿಗೆ ಕಾರ್ಯ-ಕಲಾಪಗಳು ಪ್ರಾರಂಭಗೊಳ್ಳುವವು.
ಮೂರು ದಿನಗಳ ಕಾಲ ಮಹಾಪೂಜೆ, ರಂಗಪೂಜೆ ಇತ್ಯಾದಿ ವಿಶೇಷ ಪೂಜಾಕಾರ್ಯಕ್ರಮಗಳು, ವಿವಿಧ ಭಜನಾ ತಂಡದವರಿಂದ ಭಜನೆ ನಡೆಯಲಿದೆ. ಆ 27ರ ಭಾನುವಾರ ಮಧ್ಯಾಹ್ನ 3:00ರಿಂದ ವೈಭವದ ಮೆರವಣಿಗೆಯೊಂದಿಗೆ ಸಾಗಿ ಅಮಾವಾಸ್ಯೆ ಕಡು ಮೂಲಕ ಗಣೇಶ ವಿಗ್ರಹವನ್ನು ಅರಬಿ ಸಮುದ್ರದಲ್ಲಿ ಜಲಸ್ತಂಭನಗೊಳಿಸಲಾಗುವುದು. ಮೂರು ದಿನಗಳ ಕಾಲ ಸಾರ್ವಜನಿಕ ಭಕ್ತಾಭಿಮಾನಿಗಳಿಗೆ ಶ್ರೀ ದೇವರ ಸನ್ನಿಧಿಯಲ್ಲಿ ವಿವಿಧ ಸೇವಗಳನ್ನು ಸಲ್ಲಿಸುವ ಆವಕಾಶವಿದೆಯೆಂದು ಪ್ರಕಟನೆಯಲ್ಲಿ ತಿಳಿಸಲಾಗಿದೆ