ಕುಂದಾಪುರ್ ಮರಿಯಾಳ್ ಸೊಡೆಲಿಚೆಂ ಫೆಸ್ತಾಚೆಂ ಆಚರಣ್

ಕುಂದಾಪುರ್, ಅ.28: ರೊಜಾರ್ ಮಾಯ್ ಕುಂದಾಪುರ್ ಫಿರ್ಗಜೆಚ್ಯಾ ಮರಿಯಾಳ್ ಸೊಡೆಲೆಟಿನ್ ಸಾಂ.ಮೊನಿಕಾಚೊ ಉಗ್ಡಾಸ್ ಕಾಡ್ನ್ ಆಪ್ಲೆ ಫೆಸ್ತ್ ಆಚರಣ್ ಕೆಲೆಂ. ಸಹಾಯಕ್ ವಿಗಾರ್ ಬಾಪ್ ಜೆರಾಲ್ಡ್ ಸಂದೀಪ್ ಡಿಮೆಲ್ಲೊಚ್ಯಾ ಪ್ರಧಾನ್ ಯಾಜಕ್ಪಣಾರ್ ಆನಿ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಯಾಜಕ್ಪಣಾಖಾಲ್ ಪವಿತ್ರ್ ಬಲಿದಾನ್ ಭೆಟಯ್ಲೆ. ಪಯ್ಲೆಂ ಹಿ ಸೊಡೆಲಿಟಿ ಕ್ರಿಸ್ತಿ ಆವಯಾಂಚಿ ಸೊಡೆಲಿಟಿ ಮ್ಹಳ್ಯಾ ನಾಂವಾ ಖಾಲ್ ಕುಂದಾಪುರ್ ಫಿರ್ಗಜೆಂತ್ ಚಲೊನ್ ಆಸ್ಲಿ.ಹ್ಯಾ ಸೊಡೆಲಿಟಿಕ್ 98 ವರ್ಸಾಂ ವರ್ಸಾಂಚೆ ಇತಿಹಾಸ್ ಆಸಾ. ಆತಾಂ ಹಿ ಸೊಡೆಲಿಟಿ, ಮರಿಯಾಳ್ ಸೊಡೆಲಿಟಿ (ಲೀಜನ್ ಅಫ್ ಮೇರಿ) ಮ್ಹಳ್ಯಾ ನಾಂವಾನ್ ಚಲ್ತಾಂ. ಹ್ಯಾ ಸೊಡೆಲಿಟಿಂತ್ ಆತಾಂ ಸ್ತ್ರೀಯೊ ನ್ಹಯ್ ಜಾವ್ನ್ ದಾದ್ಲ್ಯಾಂಕ್‍ಯಿ ಭಾಗ್ ಘೆಂವ್ಕ್ ಅವ್ಕಾಸ್ ಕರ್ನ್ ದಿಲ್ಯಾ.

 

ನವ್ಯಾಚ್ ನಾಂವಾನ್ ಆರಂಭ್ ಕೆಲ್ಯಾನ್ ಮರಿಯೆ ಮಾಯೆಚಿ ನವಿ ಇಮಾಜ್ ಹ್ಯಾ ಸೊಡೆಲಿಟಿನ್ ಹಾಡ್ಲಿ ತಿ ಇಮಾಜ್ ಬಾ|ಜೆರಾಲ್ಡಾನ್ ಆಶಿರ್ವದಿತ್ ಕೆಲಿ. ಆನಿ ಸಾಂದ್ಯಾನಿ ಭಾಸವ್ಣಿ ಕೆಲಿ. ಪವಿತ್ರ್ ಬಲಿದಾನ ಉಪ್ರಾಂತ್ ಸೊಡೆಲಿಟಿಚೆಂ ಸಾಂದ್ಯಾಚಿ ಸಭಾ ಫಿರ್ಗಜ್ ವಿಗಾರಾಚ್ಯಾ ಘರಾ ಜಮ್ಲಿ. ಹ್ಯಾ ಸಂದರ್ಭಾರ್, ವಿಗಾರ್ ಬಾಪ್ ಮಾ|ಅನಿಲ್ ಸೋಜ್, ಸಹಾಯಕ್ ವಿಗಾರ್ ಬಾಪ್ ಮಾ|ಜೆರಾಲ್ಡ್, ಪ್ರಾಂಶುಪಾಲ್ ಬಾಪ್ ಮಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಜರ್ ಆಸೊನ್ ಫೆಸ್ತಾಚೆ ಶುಭಾಷಯ್ ಪಾಟಯ್ಲೆಂ. ಅಧ್ಯಕ್ಷಿಣ್ ಶಾಲೆಟ್ ಬಾರೆಟ್ಟೊ, ಉಪಾಧ್ಯಕ್ಷ್ ವಿಕ್ಟೋರಿಯಾ ಡಿಸೋಜಾ, ಕಾರ್ಯದರ್ಶಿ ಎಲ್ಸಿ ರೆಬೆಲ್ಲೊ, ಖಜನ್ದಾರ್ ಮೇರಿ ಲೋಬೊ ಆನಿ ಇತರ್ ಸಾಂದೆ ಹಾಜರ್ ಆಸ್ಲೆಂ.

ಮರಿಯಾಳ್ ಸೊಡೆಲಿಟಿಚೆಂ ಸಾಂದೆ ಹರ್ಯೇಕ್ ಸನ್ವಾರಾ ಮಾಗ್ಣೆ ತೇರ್ಸ್ ಕರುನ್, ಕಿರ್ತನ್, ವಾಚಾಪ್ ವಾಚ್ತಾತ್ ಆನಿ ಯಾಜಕ್ ನಿಯಾಳ್ ದಿತಾತ್ ಅಶೆಂ ಜಮಾತ್ ಚಲವ್ನ್ ವರ್ತಾಂವ್. ಮರಿ ಆಮ್ಕಾಂ ಆದರ್ಶ್ ಮರಿಯೆಚೆ ಖಾಲ್ತೆಪಣ್ ಆಮಿ ಆಪ್ಣಾವ್ಣ್ ಘೆಯ್ಜೆ ಮ್ಹಳೊ ಸಂದೇಶ್ ಮರಿಯೆಚೊ ಜಾವ್ನಾಸಾ. ಮರಿಯೆನ್ ಸರ್ಪಾಚೆ ಮಸ್ತಕ್ ಚೆಂಚ್ಲಿ ಮರಿ ಆಮ್ಕಾಂ ವಾಯ್ಟ್ ವೊಡ್ಣ್ಯೊ ದಾಂಬುನ್ ಧರುಂಕ್ ಉಲೊ ದಿತಾಂ.

ಹ್ಯಾ ಆದರ್ಶ ಖಾಲ್ ಹಿ ಸೊಡೆಲಿಟಿ ಚಲ್ತಾಂ. ಹರ್ಯೆಕಾ ಬುದ್ವಾರಾ ಪೀಡೆಸ್ತಾಂಚ್ಯಾ ಘರಾ ಭೇಟ್ ದಿಂವ್ನ್, ಮಾಗ್ಣೆ ಕರ್ತಾಂವ್, ಮೊರ್ನಾಚ್ಯಾ ಘರಾ ಭೇಟ್ ಕರ್ತಾಂವ್. ಸಂಧರ್ಭಾ ಪರ್ಮಾಣೆ ಫಿರ್ಗಜೆಂತ್ ಸೇವಾ ದಿತಾಂವ್ ಮ್ಹಣನ್ ಸೊಡೆಲಿಟಿಚೆಂ ಸಾಂದ್ಯಾ ಥಾವ್ನ್ ಕಳೊನ್ ಆಯ್ಲೆಂ.

---

---

---

More News

---