ಕೊಂಕಣಿ ಭಾಷಾ ಮಂಡಳ್ ಮಹಾರಾಷ್ಟ್ರ ಹ್ಯಾ 1942 ಇಸ್ವೆಂತ್ ಸುರ್ವಾತ್ ಜಾಲ್ಲ್ಯಾ ಮುಂಬಂಯ್ತ್ಲ್ಯಾ ಅತೀ ಪರ್ನ್ಯಾ ಕೊಂಕ್ಣಿ ಸಂಸ್ಥ್ಯಾಚಿ ವಾರ್ಷಿಕ್ ಜೆರಾಲ್ ಸಭಾ ಸಪ್ಟೆಂಬರ್ 30, 2017 ವೆರ್ ಸಾಂಜೆಚಾ 4 ವರಾಂಚೆರ್ ಮಾಹಿಮ್, ಮುಂಬಯ್ ಉಪಸ್ಥಿತ್ ಸೈಂಟ್ ಝೆವಿಯರ್ ಇಂಜಿನಿಯರಿಂಗ್ ಕೊಲೆಜಿಚಾ ಕೊನ್ಫೆರೆನ್ಸ್ ಸಾಲಾಂತ್ ಜಮ್ಲಿ.
Albert W. DSouza Henry Lobo John DSilva
Lawrence kamani Walter DSouza Jerimeri
ಸುರ್ವೆರ್ ಅಧ್ಯಕ್ಷ್ ಶ್ರೀ ಜೋನ್ ಡಿ’ಸಿಲ್ವಾನ್ ಸರ್ವಾಂಕ್ ಬರೊ ಯೆವ್ಕಾರ್ ಮಾಗೊನ್, ಸಂಸ್ಥ್ಯಾಚಾ ಕಾರ್ಯಾವಳಿಂ ವಿಶಿಂ, ಚಡ್ ಕರ್ನ್ ಗೆಲೆತ್ಯಾ ಅಗೊಸ್ತ್ 20 ವೆರ್ ಬೊರಿವ್ಲಿ ಸೈಂಟ್ ಆನ್ನ್ ಹೈಸ್ಕೂಲ್ ಹೊಲಾಂತ್ ಜಾಲ್ಲ್ಯಾ ಸಂಸ್ಥ್ಯಾಚಾ ಪ್ಲಾಟಿನಮ್ ಜುಬಿಲಿ ಆನಿ ಕೊಂಕ್ಣಿ ಮಾನ್ಯಾತಾ ದಿಸಾಚಾ ರುಪ್ಯೊತ್ಸವಾ ವಿಶಿಂ ಮಾಹೆತ್ ದಿವ್ನ್, 600 ವಯ್ರ್ ಲೋಕ್ ಹಾಜರ್ ಆಸೊನ್ ಕಾರ್ಯೆಂ ಆಪುರ್ಭಾಯೆನ್ ಜಾಲೆಂ ಮ್ಹಣ್ ಸಂತೊಸ್ ವ್ಯಕ್ತ್ ಕೆಲೊ.
ಜೆರಾಲ್ ಕಾರ್ಯಾದರ್ಶಿ ಶ್ರಿ ಜೋನ್ ಆರ್. ಪಿರೇರಾನ್ ಅದ್ಲ್ಯಾ ವರ್ಸಾಚಿ ವಾರ್ಶಿಕ್ ಸಭೆಚಿ ವರ್ಧಿ ವಾಚ್ಲಿ ಆನಿ ಮಾಂದುನ್ ಘೆತ್ಲಿ. ಖಜನ್ಧಾರ್ ಶ್ರೀ ವಾಲ್ಟರ್ ಡಿ’ಸೋಜಾನ್ ಸಂಪ್ಲೆಲ್ಯಾ ವರ್ಸಾಚೆಂ ಲೇಕ್ ಪಾಕ್ ಮಂಡನ್ ಕೆಲೆಂ ಆನಿ ಸರ್ವಾನುಮತೆನ್ ಮಾಂದುನ್ ಘೆತ್ಲೆಂ.
ಉಪ್ರಾಂತ್ ಪ್ರಸ್ತುತ್ ಕಾರ್ಯಾಕಾರಿ ಸಮಿತಿಕ್ ಬರ್ಕಾಸ್ತ್ ಕರ್ನ್ ಮುಕ್ಲ್ಯಾ ತೀನ್ ವರ್ಸಾಂಚಾ ಆವ್ದೆಕ್ ನವಿ ಕಾರ್ಯಾಕಾರಿ ಸಮಿತಿ ವಿಂಚುನ್ ಕಾಡ್ಚಿ ಪ್ರಕ್ರಿಯಾ ಚಲ್ಲಿ. ಚುನಾವಣ್ ಅಧಿಕಾರಿ ಜಾವ್ನ್ ನೇಮಕ್ ಜಾಲ್ಲೊ ದೊತೊರ್ ಫ಼್ರೆಡ್ರಿಕ್ ಜೆ. ಡಿ’ಸೋಜಾ ಬಾಬಾನ್ ಚುನಾವಣ್ ಚಲೊನ್ ವ್ಹೆಲೆಂ. ಆನಿ ಮುಖ್ಲ್ಯಾ ಆವ್ದೆಚ್ಯಾ ಕಾರ್ಯಾಕಾರಿ ಮಂಡಳಿಚಿ ಹ್ಯಾ ಪರಿಂ ವಿಚಂವ್ಣ್ ಜಾಲಿ. ತೆ ಜಾವ್ನಾಸಾತ್- ಅಧ್ಯಕ್ಷ್ ಶ್ರೀ ಜೋನ್ ಡಿ’ಸಿಲ್ವಾ, ಉಪಾಧ್ಯಕ್ಷ್ ಶ್ರೀ ಆಲ್ಬರ್ಟ್ ಡಬ್ಲ್ಯೂ. ಡಿ’ಸೋಜಾ, ಕಾರ್ಯಾಧ್ಯಕ್ಷ್ ಶ್ರೀ ಹೆನ್ರಿ ಲೊಬೊ, ಜೆರಾಲ್ ಕಾರ್ಯಾದರ್ಶಿ ಶ್ರೀ ಲೋರೆನ್ಸ್ ಡಿ’ಸೋಜಾ, ಕಮಾನಿ, ಖಜನ್ದಾರ್ ಶ್ರೀ ವಾಲ್ಟರ್ ಡಿ’ಸೋಜಾ, ಜೆರಿಮೆರಿ, ಸಹ-ಕಾರ್ಯಾದರ್ಶಿ ಶ್ರೀ ಜೋನ್ ಆರ್. ಪಿರೇರಾ, ಉಪ-ಕಾರ್ಯಾದರ್ಶಿ ಶ್ರೀ ಪಾಸ್ಕಲ್ ಲೋಬೊ ಆನಿ ಸಹಾಯಕ್ ಖಜನ್ದಾರ್ ಜಾವ್ನ್ ಶ್ರೀ ವಾಲ್ನೆಸ್ ರೇಗೊ.
ಸಮಿತಿಚೆ ಸಾಂದೆ ಜಾವ್ನ್ ಶ್ರೀ ಪಿ. ಎನ್. ಶಾನ್ ಭಾಗ್, ಶ್ರೀಮತಿ ಬೆನೆಡಿಕ್ಟಾ ರೆಬೆಲ್ಲೊ, ಶ್ರೀಮತಿ ಬೆಟ್ಟಿ ನಾಜ಼್, ಶ್ರೀ ಸಿಪ್ರಿಯನ್ ಆಲ್ಬುಕೆರ್ಕ್ ಆನಿ ಶ್ರೀ ರುಜ಼ಾರಿಯೊ K. ಫೆರ್ನಾಂಡಿಸ್ ವಿಂಚುಂನ್ ಆಯ್ಲೆ. ಶ್ರೀ ಪಾಸ್ಕಲ್ ಲೊಬೊನ್ ದನ್ಯವಾದ್ ದಿಲೆಂ.
ಕೊಂಕಣಿ ಭಾಷಾ ಮಂಡಳ್ ಮಹಾರಾಷ್ಟ್ರ, ಅಖಿಲ್ ಬಾರತೀಯ್ ಕೊಂಕ್ಣಿ ಪರಿಷದೆಚೆಂ ಮುಕ್ಲ್ಯಾ ವರ್ಸಾಚೆಂ 31-ವೆಂ ಅಧಿವೇಶನ್ ಮುಂಬಯ್ ಕರಂವ್ಚೆಂ ಯೋಜನ್ ಮಾಂಡುನ್ ಆಸಾ.