ಕುಂದಾಪುರಾಂತ್ ಕುಟ್ಮಾ ಜಿವಿತ್ ಶಿಬಿರ್ - ಸಂತೊಸ್ ಪಾಂವ್ಚೆ ಉಣೆ ಜಾಯ್ನಾಯೆ

ಕುಂದಾಪುರ್, ಮಾ.19: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಕುಂದಾಪುರ್ ಫಿರ್ಗಜ್ ಕುಟ್ಮಾ ಆಯೋಗಾ ಥಾವ್ನ್ ಲಗ್ನ್ ಜಾವ್ನ್ 25 ವರ್ಸಾಂ ಭಿತರ್ಲ್ಯಾ ಜೊಡ್ಯಾಂಕ್ ಕುಟ್ಮಾ ಜಿವಿತ್ ಶಿಬಿರ್ ಚಲ್ಲೆಂ.
ಹ್ಯಾ ಶಿಬಿರಾಂತ್ ಉಡುಪಿ ದಿಯೆಸಿಜೆಜ್ ಕುಟ್ಮಾ ಆಯೋಗಾಚೊ ಅತ್ಮಿಕ್ ನಿರ್ದೇಶಕ್ ಉಜ್ವಾಡ್ ಪತ್ರಾಚೊ ಸಂಪಾದಕ್ ಮಾ|ಬಾ| ಚೇತನ್ ಕಾಪುಚಿನ್ ಹಾಣಿ ಪವಿತ್ರ್ ಬಲಿದಾನ್ ಭೆಟಂವ್ನ್, ‘ಲಗ್ನಾ ಜಿವಿತಾಂತ್ ತ್ರಪ್ತಿ, ಸಮಾಧಾನ್, ಸಂತೊಸ್ ಆಸಾಜೆ, ಕಾಜಾರ್ ಜಾಂವ್ಚೆ ಮೋಗ್ ಕರ್ಚ್ಯಾ ಖಾತಿರ್, ಎಕಾ ಮೆಕಾ ಮೋಗ್ ಪರಿಪೂರ್ಣ್ ವಾಂಟುನ್ ಘೆಜೆ, ಅತ್ರಪ್ತಿ ತಿ ಪಯ್ಸ್ ಕರಿಜೆ. ಸಂತೊಸ್ ಪಾಂವ್ಚೆ ಉಣೆ ಜಾಯ್ನಾಯೆ’ ಮ್ಹಣನ್ ಲಗ್ನಾ ಜಿವಿತ್ ಆನಿಕಿ ಉತ್ತಿಮ್ ಜಾಂವ್ಚ್ಯಾ ಪಾಸೊತ್ ತಾಣಿ ಕಾಜಾರಿ ಜೊಡ್ಯಾಂಕ್ ಶಿಕವ್ಣ್ ದಿಲಿ.

+

+

ಸುರ್ವೆರ್ ಉಡುಪಿ ದಿಯೆಸಿಜ್ ಕುಟ್ಮಾ ಆಯೋಗಾಚೊ ಸಂಚಾಲಕ್ ಲೆಸ್ಲಿ ಆರೋಜಾನ್ ಕುಟ್ಮಾಂತ್ ಮಾಯಾ ಮೋಗ್ ಕಶೆಂ ಆಸಾಜೆ, ಕುಟ್ಮಾಂತ್ ಭುರ್ಗ್ಯಾಂಕ್ ಕಶೆಂ ವಾಗಯ್ಜೆ ಮ್ಹಳಾ ವಿಶ್ಯಾಂತ್ ಮಾಹೆತ್ ದಿಲಿ. ಕುಂದಾಪುರ್ ಕುಟ್ಮಾ ಆಯೋಗಾಚಿ ಸಂಚಾಲಕಿ ಆಶಾ ಕರ್ವಾಲ್ಲೊ ಆನಿ ಸಾಂದೊ ಶಾಲೆಟ್ ಡಿಸೋಜಾನ್ ಸುರ್ವಿಲೆ ಮಾಗ್ಣೆ ಆರಂಬ್ ಕರ್ನ್ ಶಿಬಿರ್ ಚಾಲನ್ ಕೆಲೆಂ. ಸಹಾಯಕ್ ಫಿರ್ಗಜ್ ಯಾಜಕ್ ಮಾ|ಬಾ| ಜೆರಾಲ್ಡ್ ಸಂದೀಪ್ ಡಿಮೆಲ್ಲೊ ಹ್ಯಾ ಕಾರ್ಯಾಕ್ ಹಾಜರ್ ಆಸ್ಲೆಂ, ವಿಗಾರ್ ಮಾ|ಬಾ|ಅನಿಲ್ ಡಿ ಸೋಜಾನ್ ಧನ್ಯವಾದ್ ಪಾಠಯ್ಲೆಂ. ಹ್ಯಾ ಶಿಬಿರಾಂತ್ ಸಭಾರ್ ಕಾಜಾರಿ ಜೊಡ್ಯಾನಿಂ ತಶೆಂ ವಿಧುರ್ ಆನಿ ವಿದವ್ಯಾನಿಂ ಭಾಗ್ ಘೆತ್ಲೊ.

---

---

---

More News

---