ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇತ್ತೀಚೆಗೆ ಇ-ವೀಸಾ ಸೌಲಭ್ಯ ಕಲ್ಪಿಸದ ಬೆನ್ನಲ್ಲಿಯೇ ಹಡಗು ಯಾತ್ರಿಗಳ ಆಗಮನಕ್ಕಾಗಿ ಇದೀಗ ನವ ಮಂಗಳೂರು ಬಂದರಿನಲ್ಲಿ ಇ-ವೀಸಾ ಸ್ಟಾಂಪಿಂಗ್ ಸೌಲಭ್ಯವನ್ನು ವಿಸ್ತರಿಸಲಾಗಿದೆ.
ಬಂದರುಗಳ ವ್ಯವಹಾರ ಸುಲಭಗೊಳಿಸಿ ಎನ್ನುವ ಕೇಂದ್ರ ಸರ್ಕಾರದ ನಿಯಮದಂತೆ ದೇಶದ ಬೃಹತ್ ಬಂದರುಗಳಲ್ಲೇ ಪ್ರಥಮ ಬಾರಿಗೆ ನವ ಮಂಗಳೂರು ಬಂದರಿನಲ್ಲಿ ಹಡಗು ಪ್ರಯಾಣಿಕರಿಗೆ ಈ ಸೌಲಭ್ಯ ಕಲ್ಪಿಸಲಾಗಿದೆ. ಎಂ. ಎಸ್ ಸೀಬೋರ್ನ್ ಎನ್ಕೋರ್ ಹಡಗಿನಲ್ಲಿ ಆಗಮಿಸಿದ ಇಂಗ್ಲೆಂಡ್, ಅಮೆರಿಕಾ ಮತ್ತು ಆಸ್ಟ್ರೇಲಿಯಾದ ಆರು ಮಂದಿ ಪ್ರವಾಸಿಗರಿಗೆ ಮೊದಲ ಬಾರಿಗೆ ಇಮಿಗ್ರೇಷನ್ ವಿಭಾಗ ಇ-ವೀಸಾ ನೀಡಿದೆ.
