ಮಂಗಳೂರು: ಕರೋಪಾಡಿ ಗ್ರಾ.ಪಂ. ಉಪಾಧ್ಯಕ್ಷ ಎ. ಅಬ್ದುಲ್ ಜಲೀಲ್ ಕರೋಪಾಡಿಯವರ ಕೊಲೆ ಕೃತ್ಯಕ್ಕೆ ಬಳಸಿದ ಮಾರಾಕಾಯುಧಗಳು ಹಾಗೂ ಎರಡು ಬೈಕ್ ಗಳು ಬಂಟ್ವಾಳ ತಾಲೂಕಿನ ಕರೋಪಾಡಿ ಸಮೀಪದ ಮಿತ್ತನಡ್ಕದಲ್ಲಿ ಪತ್ತೆಯಾಗಿದೆ.ಮಿತ್ತನಡ್ಕದ ಮುಗುಳಿ ಎಂಬಲ್ಲಿನ ಪೊದೆಯೊಂದರಲ್ಲಿ ಇವು ಪತ್ತೆಯಾಗಿದೆ.
ಪೊದೆಯೊಂದರ ಮರೆಯಲ್ಲಿ ಬಚ್ಚಿಟ್ಟ ಸ್ಥಿತಿಯಲ್ಲಿ ತಲವಾರುಗಳು ಹಾಗೂ ಎರಡು ಬೈಕ್ ಗಳು ಇರುವುದನ್ನು ಪತ್ತೆ ಹಚ್ಚಲಾಗಿದೆ. ಸ್ಥಳಕ್ಕೆ ವಿಟ್ಲ ಪೊಲೀಸರು ಭೇಟಿ ನೀಡಿದ್ದು, ಪರಿಶೀಲನೆ ನಡೆಸುತ್ತಿದ್ದಾರೆ.
