ಬಾರ್ಕೂರಾಂತ್ ಕೊಂಕಣಿ ಕವಿ ಗೋಷ್ಠಿ

ಕುಂದಾಪುರ, ಜೂ.12: ಬಾರ್ಕೂರ್ಚ್ಯಾ ಕಚ್ಚೂರಾಂತ್ ಪರ್ವಿಣ್ ಕರ್ವಾಲ್ಲೊ ಹಾಂಚ್ಯಾ ಆಶ್ರಯ ಖಾಲ್ ಕವಿತಾ ಟ್ರಸ್ಟ್, ಮಂಗ್ಳೂರ್ ಹಾಂಚೆ ಥಾವ್ನ್ ಕವಿತಾ ಕೊಂಕಣಿ ಕವಿ ಗೋಷ್ಟಿ ಚಲ್ಲಿ. ಸುಮಾರ್ ಚೊವ್ದಾ ಜಣ್ ಪೆÇರ್ನೆ ಆನಿ ತರ್ನೆ ಕವಿನಿಂ ಮೆಳೊನ್ ಹ್ಯಾ ಕವಿ ಗೋಷ್ಟಿಂತ್ ಭಾಗ್ ಘೆತ್ಲೊ.

ಸುರ್ವೆರ್ ಕವಿತಾ ಟ್ರಸ್ಟಾಚೊ ಘಡ್ಣಾರ್ ಕವಿ ಮೆಲ್ವಿನ್ ಲುದ್ರಿಕಾನ್ ಕವಿತಾ ಟ್ರಸ್ಟ್ ದುಬಾಯಾಂತ್ ಆರಂಭ್ ಜಾಲ್ಲೆಂ, ಆತಾಂ ತೆಂ ಕೊಡಿಯಾಳಾಕ್ ಪಾಂಯ್ ತೆಂಕ್ಲಾ. ಕವಿತಾ ಥಂಯ್ ಉರ್ಭಾ ಚಡ್ ಜಾಯ್ಜೆ, ಆನಿ ಕವಿಂಕ್ ಕವಿತಾಂ ಅಧಿಕ್ ಮಾಪಾನ್ ರಚನ್ ಜಾಯ್ಜೆ, ತಶೆಂಚ್ ಉಂಚ್ಲ್ಯಾ ದರ್ಜೆಚಿಂ ಕವಿತಾ ಜಲ್ಮೊನ್ ಯೆಜೆ ಮ್ಹಳ್ಯಾ ಉದ್ದೇಶಾನ್ ಕವಿತಾ ಟ್ರಸ್ಟ್ ಆರಂಭ್ ಕೆಲ್ಲಿ’ ಮ್ಹಣನ್ ಕವಿತಾ ಟ್ರಸ್ಟಾ ವಿಶಿಂ ಮಾಹೆತ್ ದಿಲಿ.

ಕೊಂಕ್ಣೆಚೆ ಕವಿ ಆ್ಯಂಡ್ರು ಡಿಕುನ್ಹಾ, ಸ್ತೀಫನ್ ಲುವಿಸ್, ವಿಲ್ಸನ್ ಕಟೀಲ್, ಬರ್ನಾಡ್ ಜೆ.ಕೋಸ್ತಾ, ಕಿಶು ಬಾರ್ಕೂರ್, ಆಲಿಸ್ ಡಿಸೋಜಾ, ಕ್ಲೊಡಿ ಬ್ರಹ್ಮಾವರ್, ಮೆಲ್ವಿನ್ ಲುದ್ರಿಕ್, ಆ್ಯಂಟನಿ ಬಾರ್ಕೂರ್, ಸ್ಮಿತಾ ಶೆಣೈ, ನವೀನ್ ಪೀರೆರಾ ಸುರತ್ಕಲ್, ಮೆಲ್ವಿಯಾ ಫೆರ್ನಾಂಡಿಸ್, ರೋನಿ ತಲ್ಲೂರ್, ರೆಶ್ಮಾ ಡಿಸೋಜಾ ಆನಿ ಆಲೆಸ್ಟೊನ್ ಡಿಸೋಜಾ ಹಾಣಿ ಆಪೆÇ್ಲ್ಯ ಕವಿತಾ ವಾಚನ್ ಕೆಲ್ಯೊ. ಸ್ಮಿತಾ ಶೆಣೈನ್ ಕವಿತಾ ಗೋಷ್ಟಿ ಚಲವ್ನ್ ವೆಲಿ. ಜಮ್ಲೆಲ್ಯಾ ಲೋಕಾನಿಂ ಕವಿತಾಂಚೊ ಸ್ವಾಧ್ ಆಪ್ಣಾವ್ನ್ ಕವಿಂಕ್ ಬರೊ ಪೆÇ್ರೀತ್ಸಾಹ್ ದಿಲೊ. ಹ್ಯಾ ಕಾರ್ಯಾಕ್ ಸ್ಥಳಿಯ ಗುರ್ಕಾರ್ನ್ ಐರೀನ್ ಪಾಯ್ಸ್ ಆನಿ ಸ್ಥಳಿಯ ಲೋಕ್ ಹಾಜರ್ ಆಸ್ಲೊ.

ವೇದಿರ್ ಜೋಸೆಫ್ ರೊಡ್ರಿಗಸ್, ಕಿಶು ಬಾರ್ಕೂರ್ ಆಸೊನ್ ಮೆಲ್ವಿನ್ ಲುದ್ರಿಕಾನ್ ಧನ್ಯವಾದ್ ಪಾಠಯ್ಲೆಂ.

---

---

---

More News

---